PILIPI 2:11 - BOWOT BOHUA

¹¹ Iro paringoh ahkan mongahku ijo Yesus Kristusrih Tuhan; umba kodorih Pohotala, Amai tonohoromatoh.

PILIPI 2:11 ပူးပေါင်းရင်းမြစ်များ

MATEUS 10:32

“Ia-iai ijo mongahku Ahku ang toharep ulun aro, ijo io murid-Ku, Ahku ka ahkan mongahku io ang toharep Amai-Ku ang soruga.

LUKAS 2:11

Ondou tuh ang lowun Dawid jari konanak Lahca Ponyolamat'mu iorih Kristus, Tuhan.

YOHANES 12:42

Oluka kodorih, aro ulun bohkon ang louk pongowasa Yahudi porocaya umba Yesus. Tahpi iro eam bahanyi ngahku orih torus-tarang, tului iro mihkoh ara-ara ulun Parisi baca iro nyolong lohpou sombayang.

YOHANES 13:13

Ihkam na'ah Ahku Guru tutang Tuhan. Tutang puna kolourih.

YOHANES 13:14

Amat Ahku kolou Tuhan tutang Gurun'kam muhi pa'an'kam, ihkam puna harus ka'a hotolinjam muhi pa'a.

YOHANES 14:13

Tutang inon ijo ihkam monyawotoh a'ang arak-Ku, orih ahkan Ahku nonga ahkan'kam, mangat Amai konohajo nguha Anak.

YOHANES 14:23

Yesus mutah, ‘‘Ulun ijo ngasih Ahku, ahkan numbunoh ajaran-Ku. Amai-Ku ahkan ngasihoh io. Amai tutang Ahku ahkan lombut nokuh io, tutang mohcon hihco io.

YOHANES 17:1

Uli hopander kolouorih, Yesus nokara nokuh langit tutang nuhtui, ‘‘Amai, huntuh jari johcok ohkotoh. Pohajoohrih Anak-Mu, mangat Anak-Mu ka mopohajo Amai.

YOHANES 20:28

Tomas nuhtui umba Yesus, ‘‘Tuhan'ku tutang Pohotala'ku!’’

YOHANES 5:23

Amai nguanoh rih mangat paring ulun mohoromat Anak kolou iro mohoromatoh Amai. Ulun ijo eam mohoromatoh Anak eam ka'a mohoromatoh Amai ijo nyuhu Anak.

YOHANES 9:22

Inai-amai ulun orih nuhtui kodorih, kotului iro mihkoh umba dolang okon Yahudi; kotului iro rih jari pahkat, iai ulun ijo ngahku Yesus kolou Lahca Ponyolamat, eam tou hino nyolong nokuh lohpou sombayang.

KESAH RASUL-RASUL 10:36

Konduang-konduang jari kota'an usin borihta ijo Pohotala johcokoh ahkan uhtus Israel. Borihta orih, anairih Kabar Hinut tohou kobuah nguha Yesus Kristus, yorih Tuhan paring ulun.

KESAH RASUL-RASUL 2:36

Orih kotuluioh paring ulun Israel pahtut kota'an moro-morong ijo Yesus, ijo ihkam mahpakoh rih. Yesus rih ka'a ijo jari tomotuot Pohotala monjadi Tuhan tutang Lahca Ponyolamat!’’

RUMA 14:11

Ang luwang Surat Borasih tonyurat, ‘‘Tu'u-tu'u,’’ hion Tuhan ‘‘Nyino-nyinong ulun ahkan bosembah sujud ang toharep-Ku; tutang nyinong ulun ahkan mongahku ijo Ahku tuh Tuhan, Pohotala.’’

RUMA 14:9

Kristus ius mahtoi tutang bolum hoduli. Orih kotuluioh Io monjadi Tuhan ahkan ulun-ulun ijo bolum tutang ka'a ahkan ulun-ulun ijo jari mahtoi.

RUMA 15:9

Yesus ka'a monapa uhtus-uhtus bohkon monara Pohotala tului kohinut ahtoi-Oh ahkan iro. Ang luwang Surat Borasih tonyurat koloutuh, ‘‘Tului orih ahku monara Ihko ang louk karon uhtus, ahku kani monyanyi tara ahkan aran-Aim.’’

1 KORINTUS 12:3

Ihkam harus kota'an, ijo ulun, ijo toniting Roh Pohotala eam tou nuhtui, ‘‘Tonulutrih Yesus!’’ Kodorih ka'a eam ihcobehti ka duon nuhtui, ‘‘Yesus rih Tuhan!’’ Amat ulun rih eam toniting Roh Pohotala.

1 KORINTUS 15:47

Adam ijo pahtukoh tonapa tahkan tana, tahpi Adam ijo koduo asaroh tahkan soruga.

1 KORINTUS 8:6

Tahpi bagi ihto, Pohotala tihkas ihco. Io Amai ijo na'oi karon aang'co. Ahkai-Oh ihto bolum. Tutang Tuhan tihkas ihco ka'a, iorih Yesus Kristus. Nguha Io karon angihco tona'oi, tutang kotului Io mahka ihto bolum.

1 PETRUS 1:21

Nguha Iorih ihkam porocaya ahkan Pohotala, ijo jari ngombolum Io hoduli tahkan popahtoi, tutang mopohajooh. Jadi, Pohotalarih ijo ihkam porocayaoh tutang ahkan Pohotalarih ka'a ihkam ngina koharapan.

1 YOHANES 4:15

Ia-iai mongahku ijo Yesus rih Anak Pohotala, Pohotala bolum hihco umba ulun rih, tutang ulun rih ka'a bolum hihco umba Pohotala.

1 YOHANES 4:2

Koloutuhrih caraoh ihkam ta'an inonrih rih Roh Pohotala, ata'ai eam: Ulun ijo mongahku Yesus Kristus lombut ahkan kolunon kolou ulun, ulun rih ijo anaingina Roh ijo lombut tahkan Pohotala.

2 YOHANES 1:7

Aro ponihpu jari bohambur nokuh hopus kolunon. Iro anairih, ulun-ulun ijo eam ngahku, ijo Yesus Kristus lombut nokuh kolunon, kolou ihcobehti ulun. Ulun somahcam orih anairih ponihpu, tutang Musuh Kristus.

PONGORINAH 3:5

Iro rih ahkan nyalan hombo-homboh Ahku hawui hopokajan puhti tului iro layak ahkan rih. Ahkan iro ijo manang, ahkan tomokahjan jubah puhti. Aran iro eam ahkan Ahku ngudapoh, tahkan Surat Ulun Bolum. Tutang ang toharep Amai-Ku, tutang molehkat-molehkat-Oh, Ahku ahkan ngahku ijo iro anairih aik-Ku.