PILIPI 1:27 - BOWOT BOHUA

²⁷ Nah, ijo boguna huntuh iorih, ijo ihkam bolum sorurui umba inon ijo tonutut bain Kabar Hinut tohou Kristus rih. Honong kodorih, inonrih ahku dahpot hosombang umba ihkam ata'ai eam, ahku ahkan ngonih ijo ihkam ba'as angkohihco tutang kolahi sama-sama ahkan baya ihco maksud tutang ihco kojolik; yorih ahkan kepercayaan ijo sorurui umba Kabar Hinut tahkan Pohotala rih.

PILIPI 1:27 ပူးပေါင်းရင်းမြစ်များ

MATEUS 12:25

Yesus ngotaan tiruk ulun-ulun Parisi rih. Jadi Io nuhtui umba iro, “Amat ihco nogara hopisah a'ang hobarih-hobarih ijo saling homusuh, nogara orih eam ahkan tehen. Tutang ihco lowu ata'ai jolahan-ulun, ijo hopisah-pisah tutang hokohiri sama aropoh ahkan bokahkas.

KESAH RASUL-RASUL 2:46

Nyinong ondou iro turus hopuhpung ang Lohpou Tuhan; hawui kuman hombo-homboh, tutang jorih hawui randah ahtoi ang lohpou-lohpou'ndo.

KESAH RASUL-RASUL 24:24

Pira-pira ondou pongohuli Pelik lombut, homboh umba oruhoh ijo bogare Drosila; io ijobehti Yahudi. Turus Pelik nyuhu ulun ngomin Paulus, pongohino Pelik ngonih Paulus nuhtui tohou porocaya umba Yesus Kristus.

KESAH RASUL-RASUL 4:32

Paring ulun ijo porocaya rih bolum hihcoahtoi hihcohomboruanoh. Eam aro ihcobehti ka tahkan iro ngohu ijo inon, ijo io tepuioh, anai aiuoh bongoi. Paring aang'co ijo anai aang iro, paring iro hapaoh sama-sama.

RUMA 1:16

Ahku porocaya samasino ahkan Kabar Hinut rih, tului kabar rih anairih kowasan Pohotala ahkan monyolamat paring ulun ijo porocaya; pahtuk pahtukoh ulun Yahudi, tutang uhtus bohkon ka'a.

RUMA 1:5

Nguha Io ka'a Pohotala nonga ahkak'ku pononga monjadi rasul, mangat ahku – ahkan mohoromat Kristus – ngogalan ulun-ulun tahkan kokaron uhtus, mangat porocaya tutang te'et.

RUMA 1:9

Ahku toturus mingat ihkam amat ahku bodo'a. Pohotala nyaksioh, ijo inon ijo ahku nuhtui rih morong. Iorih Pohotala ijo ahku mohaluoh ang kotuwi ahtoi, hawui mborihta Kabar Hinut tohou Anak-Oh.

RUMA 10:8

Konohuangoh anairih koloutuh, ‘‘Kabar tahkan Pohotala rih doni samasino aang ihko; aang nyaman'kam tutang a'ang ahtoi'mu.’’ Orih rih borihta ijo ihkai mborihtaoh; borihta ijo ulun harus porocaya.

RUMA 15:16

Io ius ngojorian ahku monjadi pohalu Kristus Yesus ahkan sonuhu, ahkan nokuh uhtus-uhtus ijo bohkon Yahudi. Tutang ahku molalusoh kolou imam, ijo mborihta Kabar Hinut tahkan Pohotala, mangat ulun-ulun ijo bohkon Yahudi, monjadi ihco ponyorahan ahkan Pohotala, ijo dahpot tonorima baiou-Oh. Keleh Roh Pohotala napa iro monjadi ihco ponyorahan ijo khusus bagi Pohotala.

RUMA 15:29

Amat ahku lombut nokuh ihkam, pasti ahku lombut umba aro borehkat tahkan Kristus ahkan ihkam.

1 KORINTUS 1:10

Konduang-konduang! Ngosan aran Tuhan ihto Yesus Kristus, ahku nyawot mangat ihkam paringoh hihco pahkat puhtar; mangat ara anai kopisah ang louk ihkam. Hondakoh ihkam bulathihco, ihcoahtoi tutang ihcotiruk.

1 KORINTUS 15:58

Bain kotului rih, Konduang-konduang ijo tongasih, hondakrih ihkam ba'as tutang tehen. Bogawirih turus ahkan Tuhan honong tu'u-tu'u, bain ihkam ngota'an ijo paring ijo ihkam nguaioh ahkan Tuhan, eam ahkan ngohus!

2 KORINTUS 13:11

Laiuoh, Konduang-konduang, hondakih ihkam jorih tutang ngurahjalan monjadi soporuna. Torima iou karon tingak'ku. Hondakoh ihkam, hihco-ahtoi tutang bolum rukun. Pohotala Ijo Mahapongasi tutang Pongobuah rih ahkan homboh ihkam.

2 KORINTUS 4:4

Hotala ja'at ijo ngowasa kolunon tuh, nuhtup tiruk ulun-ulun ijo eam porocaya rih. Iorih ijo ngapeng-ngahana iro, mangat iro eam nohto koloang tahkan Kabar Hinut rih, tohou kohajon Kristus ijo hosuhtu gambar Pohotala.

2 KORINTUS 9:13

Tutang tahkan kobajikan ijo ihkam ngorinahoh rih, aro ulun Kristen ang Yudea ahkan monara Pohotala kotului iro nohto kosotia'kam norima Kabar Hinut tohou Kristus ijo ihkam nututoh orih. Ka'a iro monara Pohotala, tului ihkam puna murah ahtoi ahkan mbagi-bagioh ahkan iro, tutang ahkan paring ulun bohkon, inon ijo anai ang ihkam.

GALATIA 1:7

Kotu'uioh eam anai ‘‘kabar pios ijo bohkon.’’ Tihkas anai ulun-ulun ijo mborihta ahkan ihkam ‘‘kabar pios’’ tohou Kristus ijo iro mbalik mokilaoh nyiring ngihcuh ihkam.

EPESUS 1:13

Ihkam ka ius monjadi ukup Pohotala ang ohkot ihkam ngonih pohtoh Pohotala, iorih Kabar Hinut ijo mononga kosolamatan ahkan'kam. Ihkam porocaya umba Yesus Kristus, kotului orih Pohotala nonga tanda Aiu-Oh ahkan'kam, iorih Roh-Oh ijo tonobowot-Oh.

EPESUS 1:15

Tului rih, tahkan ahku ngonih ijo ihkam porocaya umba Tuhan Yesus, tutang ihkam ngasih paring ukup Pohotala,

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

PILIPI 1:5

Ahku botorimakasih ahkan Pohotala kotului tahkan ondou pahtukoh nyiring huntuh, ihkam jari dohop ahku mborihta Kabar Hinut tahkan Pohotala.

PILIPI 2:12

Tului orih, Konduang-konduang ijo tonokasih, kolouumoh ihkam toturus te'et umba ahku, aang ohkot ahku anai ang louk ihkam, mahka labi-labih huntuh ang ohkot hokomahcu, hondakrih ihkam tahtap te'et umba ahku. Ihkam ius tonyolamat bain Pohotala, jadi ngurahjalan turus mangat kosanang'kam monjadi soporuna. Nguan ang orih rih honong horomat tutang ponumbun ahkan Pohotala,

PILIPI 2:24

Ahku porocaya ijo umba pondohop Tuhan, ahku bongok ka eam tahi hino ahkan masap ihkam ka'a.

PILIPI 3:18

Ahku ius kinjap tikat mborihta ahkan'kam, tutang huntuh ahku nokolulioh hino hawui nangih, ijo anai aro ulun ijo pombolumoh morusak riman popahtoi Kristus ijo nyopolahki.

PILIPI 3:20

Tahpi ihto anai rih waris kolahcan soruga. Tahkan anan ka'a Lahca Ponyolamat ihto, Tuhan Yesus Kristus, ahkan lombut. Iorih ijo ihto ngindo-ngindoi honong rindu.

PILIPI 4:1

Tului orih, Konduang-konduang'ku ijo tonokasih, kolouorih hondakoh ihkam bolum hawui tu'u-tu'u porocaya umba Tuhan. Ahtoi'ku rindu umba'kam! Ihkam monamam ahku ijo nguan ahku jorih.

KOLOSE 1:10

Honong kolouorih ihkam dahpot bolum numbun konohuang Pohotala, tutang turus monyanang ahtoi-Oh, nyiring a'ang kokaro ang'co ihkam dahpot mohasilrih hal-hal ijo pios. Tutang pongotaan ihkam, tohou Pohotala ka ahkan botambah ka'a.

1 TESALONIKA 3:6

Huntuh Timoteus jari buli, tutang jari nyorihta ahkan ihkai borihta kojorih, tohou koloukuwoh amoh ihkam porocaya umba Kristus tutang saling ngasih. Io nyorihta ahkan 'kai, ijo ihkam toturus anaingina kenang-kenangan ijo pios tohou ihkai ang ahtoi'kam. Tutang ihkam jolik hosombang umba ihkai, sama kolou ihkai ka jolik hosombang umba ihkam.

1 TESALONIKA 4:1

Laiuoh Konduang-konduang, ihkai jari nonga sutu ahkan'kam, tohou koloukuwoh ihkam harus bolum ahkan ngojorih ahtoi Pohotala. Kopuna ihkam jari bolum kolourih. Tahpi huntuh ngosan kowasan Tuhan Yesus, ihkai nyawot honong paham umba'kam, tutang nyuhu ihkam mangat paham bousaha hino a'ang hal orih!

1 TIMOTEUS 1:11

Ajaran rih ihto sombangoh ang luwang Kabar Hinut ijo monyiaroh tomorocaya ahkak'ku, yorih Kabar Hinut tahkan Pohotala ijo hajo tutang harus tonara.

1 TIMOTEUS 1:19

Hokolahi sambil nambit aang koporocaya ijo morong tutang umba ahtoi bua ijo borasih. Anai ulun-ulun ijo eam poduli ahkan auh ahtoi buaoh, nyiring lonyuh koporocayaan iro.

2 TIMOTEUS 4:7

Ahku jari umba solanja honong sohinu-hinutoh, tutang jari johcok garis laiu. Ahku tohtap te'et umba Kristus, johcok laiu.

TITUS 2:10

ata'ai nahkou. Hondakrih iro pokarah ijo iro toturus honong sihkap pios tutang te'et, mangat umba sihkap iro rih, ulun monara ajaran tohou Pohotala, Ponyolamat ihto.

PILEMON 1:5

Bain ahku ngonih ijo Konduang tu'u-tu'u porocaya umba Tuhan Yesus tutang mongasih paring ukup Pohotala.

YAKOBUS 3:18

Puna kopiosoh anairih bua tahkan bonyi kobuah ijo tonuhkan bain ulun ijo nyita kobuah!

2 PETRUS 3:11

Kotului paringoh rih ahkan tonolonyuh umba cara ijo kolou rih, koloukuwohrih koharusoh ihkam bolum? Ihkam pahtut bolum borasih, tutang khusus ahkan Pohotala,

2 PETRUS 3:14

Kotului orih, Konduang-konduang ijo tonosita, pondehan ihkam ngindoi Ondou rih, bousaha tu'u-tu'u ahkan bolum borasih tutang earo kosalai ang toharep Pohotala. Tutang mohaga kohihco ijo hinut umba Pohotala.

YUDAS 1:3

Konduang-konduang ijo tonongasih! Ahku tu'u-tu'u bokohondak ngirim surat ahkan'kam, tohou solamat ijo ihto hombo-homboh jari nginyamoh. Tahpi huntuh ahku anyamoh tojuhung ahkan mopingat ihkam umba surat tuh, mangat ihkam turus ngolahi ahkan koporocaya ijo jari sino tikat tononga Pohotala ahkan turus-jahamoh ahkan ukup-Oh.