PILIPI 1:25 - BOWOT BOHUA

²⁵ Ahku yahkin ahkan hal orih. Orih kotuluioh ahku ta'an, ahku ahkan tohtap mohcon umba Konduang paringoh; mangat dahpot dohop ihkam nyolung mahi ba'as, tutang mahi sanang a'ang porocaya umba Tuhan.

PILIPI 1:25 ပူးပေါင်းရင်းမြစ်များ

LUKAS 22:32

Tapi Ahku jari bodo'a ahkan'mu, Simon, ahkan koporocaya'mu ara luntur. Tutang amat ihkam jari huli ahkak-Ku ihko harus ngoba'as konduang-konduang'mu.’’

KESAH RASUL-RASUL 11:23

Tutang kotihka Barnabas johcok ang anan, tutang nohto koloukuwoh Pohotala mborehkat ulun-ulun rih, io jorih samasino. Turus io nyawot mangat iro tu'u-tu'u bokehtep umba Tuhan hawui kotuwi ahtoioh.

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

KESAH RASUL-RASUL 20:25

Ahku ius masap Konduang-konduang paringoh, tutang mborihta ka'a tohou koloukuwoh Pohotala moretah kolou Lahca. Huntuh ahku nanyam eam ahkan hosombang hino umba Konduang-konduang.

RUMA 15:13

Pohotala anairih, unuk ihkam porocaya. Keleh Io nyuang ahtoi'kam hapa kokaron kojorih tutang kasanang, tului ihkam porocaya umba Io, mangat umba kowasa Roh Pohotala ihkam mahi-mahi porocaya ahkan Pohotala.

RUMA 15:18

Ahku bahanyi nuhtui kolouorih tihkas tohou inon ijo jari konuan Kristus nguha ahku, mangat ngonjorian ulun-ulun ijo bohkon Yahudi, te'et ahkan Pohotala. Ahku nguan orih honong tuhtui-tuhtui oluka umba gawik'ku,

RUMA 15:29

Amat ahku lombut nokuh ihkam, pasti ahku lombut umba aro borehkat tahkan Kristus ahkan ihkam.

RUMA 5:2

Bain tului ihto porocaya ahkan Yesus, mahka Io nguapjalanahkan ihto mongenang asin Pohotala tutang honong kasih orihrih ihto bolum huntuh. Tului orih ihto jorih-jorih ahtoi, tului ihto anaitepun koharap, ijo ihto ahkan nginyam kosanang ijo tononga Pohotala.

2 KORINTUS 1:24

Ahku eam hojojuan ihkam, tohou inon ijo ihkam harus porocayaoh, tului ihkam jari paham porocaya umba Kristus. Ahku tihkas bogawi sama umba ihkam mangat ihkam mahi-mahi sanang.

PILIPI 1:24

Tahpi ahkan kogunan'kam, labih pios amat ahku te'et mohcon ang kolunon.

PILIPI 2:24

Ahku porocaya ijo umba pondohop Tuhan, ahku bongok ka eam tahi hino ahkan masap ihkam ka'a.

PILEMON 1:22

Pondehan rih, dohop nahtap tahkun ahkak'ku ang lohpou'mu, tului ahku harap Pohotala molalus do'a, Konduang-konduang paringoh, tutang ngomin ahku hoduli nohkuh ihkam.

1 PETRUS 1:8

Ihkam ngasih Io, oluka soun ihkam eam nohto Io. Tutang ihkam porocaya umba Io, oluka houn ihkam eam nohto-Oh. Orih kotuluioh ihkam jorih, tutang nginyam kojorih ijo hajo tutang eam duon tonyorihta.