PILIPI 1:20 - BOWOT BOHUA

²⁰ Ijo ahku paham jolik tutang harapoh, iorih mangat ara sasino-sino ahku gagal a'ang tugas'ku. Sabalikoh ahku bokoharap mangat nyinong wayah, ijo mombahtang sino huntuh, ahku honong sikap bohanyi, nyiring hopus homboruak behtik'ku – pios ahku bolum ata'ai ahku mahtoi – Kristus tonohajo.

PILIPI 1:20 ပူးပေါင်းရင်းမြစ်များ

YOHANES 21:19

(Umba auh-auh orih Yesus ngorinah koloukuwoh Petrus ahkan mahtoi noin ahkan mopohajo Pohotala.) Uliorih Yesus nuhtui umba Petrus, ‘‘Ngahasu Ahku!’’

KESAH RASUL-RASUL 20:24

Tahpi ahku eam poduli umba pombolum'ku tuh, asar ahku duon ngohpah gawi-gawi ijo tomorocaya bain Tuhan Yesus ahkak'ku, tutang asar ahku te'et nyiring ang lain pombolum'ku ahkan mborihta Kabar Hinut rih tohou pononganasi Pohotala.

KESAH RASUL-RASUL 21:13

Tahpi ia mutah, ‘‘Inon gunaioh Konduang-konduang nangih koloutuh, nyiring nguan ahtoi'ku lonyuh? Ahku ius sodia eam tihkas baya tonawan ang anan, tahpi ka'a ahkan mahtoi sinoka kotului Tuhan Yesus.’’

KESAH RASUL-RASUL 4:31

Ulijadi iro tondo bodo'a, unuk iro mohcon rih tonyuhkuh iro paringoh konowasa bain Roh Pohotala tutang nopara nuhtui homboh bohanyi tu'u mborihta tohou Kabar Hinut tahkan Pohotala.

RUMA 12:1

Konduang-konduang! Pohotala ngarinah asioh umba ihto. Orih kotuluioh ahku nyawot honong paham mangat ihkam monyorah arop'kam, kolou ihco porahpah ijo bolum, ijo khusus ahkan Pohotala tutang ijo ngojorih ahtoi-Oh. Sombayang'kam ahkan Pohotala koharusoh kolouorih.

RUMA 5:5

Koporocaya ijo kolouorih rih eam ahkan poki'aoh ihto, tului ahtoi ihto ius sonuang bain Pohotala umba Asiu-Oh. Pohotala nguan orih rih honong nguha Roh-Oh, ijo jari tononga-Oh ahkan ihto.

RUMA 6:13

A'airih ka'a Konduang nyorahoh ramun behtin'kam ahkan kowasa dusa, ahkan tohapaoh bagi konohuang-konohuang ijo ja'at. Tahpi nyorahoh rih arop'kam ahkan Pohotala monjadi ulun ijo jari hahtun tahkan popahtoi, nokuh pombolum. Nyorahoh arop'kam pari-paring ahkan Pohotala, mangat hapaioh ahkan nguanoh kohondak Pohotala.

RUMA 6:19

Tului koba'as norima'mu kolourih bolomu, ahku hapa sutu-sutu kojihpon, mangat ihkam labih jeleng nyolembangoh. Lomoi ihkam nyorah arop'kam koparingoh, monjadi jihpon ahkan hal-hal kojilok tutang ijo ja'at, ahkan konohuang-konohuang ijo ja'at. Kodorih ka'a huntuh, hondakrih ihkam monyarahoh arop koparingoh, monjadi jihpon bagi kohondak ain Pohotala, nguan konohuang-konohuang Pohotala ijo khusus.

RUMA 8:19

Sohopus ijopindalangit ngindoi honong paham rindu umba wayahoh Pohotala ngorinah anak-anak-Oh.

RUMA 9:33

Tohou bahtu dih ang luwang Surat Borasih jari tonyurat koloutuh, ‘‘Nuneng houn tuh: Ang Sion jari Ahku ngina ihco bahtu, ijo ahkan ngojorian ulun ponoturung; yorih ihcokobuhtup bahtu hajo ijo ahkan ngojorian ulun tosahap. Tahpi ulun ijo porocaya umba Io, eam ahkan kocewa.’’

1 KORINTUS 15:31

Konduang-konduang! Nyinong ondou ahku tahan ngarot-koporos, kotului ahku namam ngosan pombolum'kam, tului ihkam jari porocaya umba Kristus Yesus, Tuhan ihto.

1 KORINTUS 6:20

Pohotala jari moli ihkam tutang jari mbayaroh hawui lunas. Kobain rih, hapa behtin'kam kodorih kolou, nyiring Pohotala tonohoromat.

1 KORINTUS 7:34

kojoriaioh karon-tirukoh tobagi-bagi. Ihcobehti bawi ijo eam ngomosai, ata'ai ihcobehti anakdara, ahkan aro niruk hal-hal tohou Tuhan, kotului io jolik mangat behtiu homoruaioh, monjadi ain Pohotala. Tahpi ihcobehti ulunbawi ijo jari ngomosai, io ngobulat tirukoh nitu hal-hal kolunon tuh, tului jolik io ngojorih ahtoi bosaioh.

2 KORINTUS 10:8

Ahku eam mia, amat ahku harus labih aro namam-namam umba kowasa ijo jari tononga Tuhan ahkan ihkai, kotului kowasa orih, tononga ahkan mangun ihkam, eam ijo ahkan ngahkasoh.

2 KORINTUS 3:12

Bain kotului ihkai anaingina koharap kolourih, mahka ihkai bohanyi bopander kodorih.

2 KORINTUS 4:10

Toturus ihkai tongipa popahtoi Yesus aang behtin ihkai, mangat pombolum-Oh ka monjadi korinah ang behtin ihkai.

2 KORINTUS 5:15

Kristus mahtoi ahkan paring ulun, mangat paring ulun ijo bolum, eam hino bolum ahkai bongoi, molekan ahkan Kristus ijo jari mahtoi tutang tonombolum hoduli demi kogunan iro.

2 KORINTUS 7:14

Ahku puna jari kotama-tamam ihkam ahkaioh. Torimakasihrih, ihkam eam mopomia ahku. Paring ijo pu'u ihkai nuhtui ahkan'kam anairih morong. Kodorih ka'a, inon ijo ihkai nama-namamoh tohou ihkam ahkan Titus korinah morong hino.

2 KORINTUS 7:4

Ahku ngina koporocaya tuwi ahkan'kam. Malah ahku namam samasino toharep'kam! Oluka ihkai nyuru aro kosusah, ahtoi'ku paham konapung tului ihkam. Ahtoi'ku tu'u-tu'u jorih!

PILIPI 1:14

Tutang konohukum'ku, jari kotuluioh, arotu'u tahkan ulun-ulun Kristen ang lowu tuh, monjadi labih yahkin hino ahkan Tuhan, nyiring iro mahi bohanyi mborihtaoh pohtoh Pohotala honong eam aro mihko-mihkoh.

PILIPI 2:17

Mihkohtou ahku ahkan tomunu, tutang dahak'ku monjadi kolou porahpah tusuh ang ngosan inon ijo ihkam monyorahoh ahkan Pohotala, kolou tanda ijo ihkam porocaya umba Io. Amat puna orih harus kolourih, ahku norimakasih ngosan hal rih tutang umba jorih homboh ihkam.

KOLOSE 1:24

Huntuh ahku sanang mongarot ahkan kogunan ihkam. Tului umba kongarot behtik'ku, ahku nyuhkup inon ijo magun harus tongarot bain Kristus ahkan ukup-Oh yorih behtiu-Oh.

1 TESALONIKA 5:23

Keleh Pohotala bongoi ijo nonga ahkan ihto kosanang, ngonjorian ihkam ulun ijo tu'u-tu'u bolum khusus ahkan Pohotala. Keleh Pohotala monjaga arop'kam poringoh, pios roh, homboruan, oluka behtin'kam, nyiring eam anai cahcatoh ang ohkot Tuhan ihto Yesus Kristus lombut hoduli.

1 PETRUS 4:16

Tahpi amat ihkam ngarot bain ihkam ulun Kristen, ara mia tului hal rih. Botorimakasihrih umba Pohotala, ijo ihkam ngomin aran Kristus.

1 YOHANES 2:28

Jadi, anak-anak'ku, tahtaprih bolum hihco umba Kristus, mangat noin ang ohkot Io lombut, ihto noharep Io honong tuwi kohanyi, tutang eam nyuhuk arop tului mia.