PILEMON 1:16 - BOWOT BOHUA

¹⁶ Huntuh io eam baya ihcobehti jihpon ahkan Konduang; io labih tahkan orih. Io anairih samasama ulun Kristen ijo tonokasih. Io aro gunai samasino ahkak'ku, inonhino ahkan'mu! Botatu io arogunai samasino pios kolou jihpon, mahika kolou ihcobehti konduang a'ang Tuhan!

PILEMON 1:16 ပူးပေါင်းရင်းမြစ်များ

MATEUS 23:8

Tahpi ihkam ara kani tona'ah, ‘Amai Guru,’ bain Guru'kam, tihkas anai ihco tutang ihkam paring hokonduang.

KESAH RASUL-RASUL 9:17

Mahka Ananias tulak nokuh lohpou rih tutang ngina longoi ang ngosan Saulus, ‘‘Konduang Saulus,’’ hion Ananias, ‘‘Tuhan Yesus ijo Konduang nohto ang beteng jalan kotihka Konduang rahat ahkan ohtoi, Iorih ijo nyuhu ahku lombut, mangat ihko duon nohto hino tutang tongowasa bain Roh Pohotala.’’

1 KORINTUS 7:22

Tului ihcobehti jihpon jari porocaya umba Tuhan, anairih monjadi ulun ain Tuhan ijo morodehka. Tutang ihcobehti morodehka ijo jari porocaya umba Tuhan, anairih jihpon Kristus.

KOLOSE 3:22

Konduang-konduang ijo monjadi jihpon! A'ang kokaro hal pios ihkam te'et umba tepun'kam ijo ang kolunon tuh. Ara te'et ahkan iro baya ang ohkot iro rahat nontoani ihkam, tului ihkam jolik tonara. Ngote'etrih iro umba ahtoi ijo ihlas, kotului ihkam mohoromat Tuhan.

1 TIMOTEUS 6:2

Jihpon-jihpon ijo tuanoh ulun Kristen, eam tou mopohian tuanoh, tului iro sama-sama ulun Kristen. Malah iro koharusoh mohalu tuan iro rih honong labih pios hino, tului tuan ijo tonohaluoh umba pios orih rih uras sama-sama ulun porocaya ijo tonokasih. Koparingoh tuh harusrih ihko majar tutang ningakrih.

IBRANI 3:1

Konduang-konduang sosama Kristen ijo jari tona'ah ka'a bain Pohotala! Cuba nirukrih timbon-timbon tohou Yesus tuh! Pohotala nyuhu Io khusus, ahkan monjadi Imam Hajo a'ang agama ijo ihto nambit.

1 YOHANES 5:1

Ulun ijo porocaya ijo Yesus anairih Lahca Ponyolamat ijo tonobowot Pohotala, ulun orih anairih Anak Pohotala. Ulun ijo mongasih ihcobehti amai, mongasih anakoh ka'a.