PILEMON 1:10 - BOWOT BOHUA

¹⁰ Ahku, Paulus, nyapai ihco ponyawot umba'mu tohou Onisimus anakaik'ku a'ang Kristus. Kotului ang luwang sipir tuh ahku jari nyolung amai rohanioh.

PILEMON 1:10 ပူးပေါင်းရင်းမြစ်များ

MARKUS 9:17

Ihcobehti tahkan louk ulun aro rih mutah, ‘‘Amai Guru, ahku ngomin anak'ku nokuh Amai. Io bisu tului nyorupang roh ja'at.

RUMA 12:1

Konduang-konduang! Pohotala ngarinah asioh umba ihto. Orih kotuluioh ahku nyawot honong paham mangat ihkam monyorah arop'kam, kolou ihco porahpah ijo bolum, ijo khusus ahkan Pohotala tutang ijo ngojorih ahtoi-Oh. Sombayang'kam ahkan Pohotala koharusoh kolouorih.

1 KORINTUS 4:14

Ahku nyurat tuh ahkan'kam, eamrih ahkan nguan ihkam jadi ngomia, tahpi ahkan ningak ihkam kolou dolang anak aik'ku bongok.

1 KORINTUS 4:15

Kobain ahku ijo monjadi amai ihkam, oluka tousama kolou ulun Kristen, ihkam ius tepun sopulu ribu guru. Ang luwang pombolum'mu kolou ulun-ulun ijo ihco umba Kristus, ahku ijo monjadi amai ahkan'kam, kotului ahku ijo ngomin Kabar Hinut tohou Kristus ahkan'kam.

GALATIA 4:19

Anak-anak'ku ijo tonokasih! Ahku uhuntuh ngarot hino tului ihkam. Ahku ngarot, kolou ihcobehti inai ngarot ang ohkot nganak anakoh. Ahku ahkan hototurus ngarot, amat sipat-sipat Kristus jaha totanom ang arop'mu!

KOLOSE 4:9

Onesimus ahkan tulak hombo-homboh umba Tikhikus: io ihcobehti tahkan barih ihkam. Io ulun ijo te'et tutang ihkai sita io. Io tutang Tikhikus ahkan mborihta ahkan'kam kakaro-karooh ijo nyolung ang unuk ahku tuh.

TITUS 1:4

Titus, ihko puna anairih anak'ku, kotului ihko tutang ahku, sama-sama ius porocaya umba Kristus. Ahku moharap, keleh Pohotala, Amai, tutang Kristus Yesus Lahca Ponyolamat ihto, nonga borehkat tutang kosanang ahkan'mu.

PILEMON 1:11

Lomoi io eam anai boguna ahkan'mu, tahpi huntuh io anai gunai, eam iou tihkas ahkan'mu, tahpi ahkak'ku ka'a.

PILEMON 1:13

Kotu'uioh ahku jolik nahan io hihco ahku kolou tokirin ihko, mangat io tou dohop ahku, kotahin ahku tonahan luwang sipir tuh, tului mborihta Kabar Hinut tahkan Pohotala.

3 YOHANES 1:4

Eam anai ijo dahpot monyababoh ahku labih jorih, tahkanmba ngonih ijo anak-anak'ku bolum numbun ajaran Pohotala.