MATEUS 9:22 - BOWOT BOHUA

²² Uhunrih, Yesus ngulos tutang nohto bawi orih turus nuhtui umba io, “Tanggar ahtoi'mu anak-Ku! Tului ihko porocaya umba Ahku, ihko pios!” Ang ohkot orih ka'a ulunbawi rih pios.

MATEUS 9:22 ပူးပေါင်းရင်းမြစ်များ

MATEUS 15:28

Turus Yesus nuhtui umba io, “Inai, tu'u-tu'u hajo kaporocaya'an'mu! Nauhoh nyolung inon ijo ihko jolikoh!” A'ang kotihka rih ka'a anak bawi rih pios.

MATEUS 17:18

Turus Yesus moretah roh ja'at ijo ang luwang anak rih, soluka. Tutang roh ja'at rih soluka, turus anak orih pios ang ohkot rih ka'a.

MATEUS 8:13

Turus Yesus nuhtui umba porowira rih, “Buli ih, inon ijo ihko porocayaoh rih ahkan nyolung.” Tutang uhun orih ka'a pohaluoh rih pios.

MATEUS 9:2

Ang anan ulun ngomin nokuh Io, ihcobehti bolomu ijo kaling ang kahcangoh. Ohkot Yesus nohto eam inon kohajon koharap ulun-ulun rih. Io nuhtui umba ulun bolomu rih, “Tabah iou anak-Ku! Dusa-dusan'mu ius tongapun.”

MATEUS 9:29

Turus Yesus ninjok mahtan iro hawoi nuhtui, “Tului ihkam porocaya, nyolung, inon ijo ihkam harapoh.”

MARKUS 10:52

‘‘Tulakrih,’’ hion Yesus, ‘‘tului ihko porocaya umba Ahku, ihko pios.’’ Aang wayah orih ka'a ulun rih tou nohto. Turus io ngahasu Yesus ang jalan.

MARKUS 5:34

Turus Yesus nuhtui umba ulunbawi rih, ‘‘O anak-Ku tului ihko porocaya umba Ahku, ihko pios! Tulak honong solamat. Ihko jari pios samasino!’’

LUKAS 17:19

Turus Yesus nuhtui umba ulun rih, ‘‘Hihkat beweu, tutang hihkasrih. Tului ihko porocaya umba Ahku, ihko pios.’’

LUKAS 18:42

‘‘Amat kolourih, nohtorih! Tului ihko porocaya umba Ahku, ihko pios.’’

LUKAS 7:50

Tahpi Yesus nuhtui umba ulunbawi rih, ‘‘Tului ihko porocaya umba Ahku, ihko tonyolamat. Tulak rih honong kosanang!’’

LUKAS 8:48

Yesus nuhtui umba io, ‘‘Anak-Ku, tului ihko porocaya umba Ahku, ihko pios. Tulak honong solamat.’’

YOHANES 4:53

Turus amai anak-inyam rih toingat ijo aang kotihka orih Yesus nuhtui umba io, ‘‘Anak'mu pios.’’ Mahka io tutang paring jolahaioh porocaya umba Yesus.

KESAH RASUL-RASUL 14:9

Ulun rih tuot ang anan ngonih Paulus nuhtui. Paulus nohto ijo ulun rih porocaya, tutang kotului orih io duon konopios. Mahka Paulus nopahjah io

KESAH RASUL-RASUL 16:18

Pira-pira ondou kotahiuoh ulunbawi rih turus ngociak-ciak, kodorih Paulus nihou kosabaroh, nyiring io ngulos turus nuhtui umba roh ja'at rih, ‘‘Aang aran Yesus Kristus ahku moretah ihko soluka tahkan ulunbawi tuh!’’ Ohkot orih ka'a roh ja'at rih nohtah ulunbawi rih.

IBRANI 4:2

Kotului Kabar Hinut rih jari tomborihta ahkan ihto, sama kolou ahkan iro. Tahpi ahkan iro borihta rih eam anai gunaioh. Kotului kotihka iro ngonihoh iro eam porocaya.