MATEUS 9:15 - BOWOT BOHUA

¹⁵ Yesus mutah, “Koloukuwoh tiruk'kam? Tou karon pakin ang pesta kawin poros ahtoi'ndo amat pongaten bahkas magun anai hihcoumba iro? Tatu eam! Tahpi ahkan johcok ohkot ponganten bahkas rih tonomin tahkan iro. Ohkot rih punan iro puasa.

MATEUS 9:15 ပူးပေါင်းရင်းမြစ်များ

MATEUS 9:14

Uliorih murid-murid Yohanes Popondus lombut nokuh Yesus. Turus iro ngisok, “Ombai ihkai tutang ulun-ulun Parisi puasa, tahpi murid-murid Amai eam?”

MATEUS 9:16

Eam aro ulun ijo nupang hatiu ijo jari usang, umba ihco benang ijo magun bohua. Kotului benang tupang rih ahkan ngorunyut tutang morutat hatiu rih, nyiring kojoriaioh rutat hatin ijo labih kohajoioh.

MARKUS 2:19

Yesus mutah, ‘‘Aang pesta kawin, inonrih ulun tipen eam kuman? Amat pongaten ijo bahkas magun hihco'ndo, puna iro kuman.

MARKUS 2:20

Tahpi ahkan lombut ohkotoh pongaten bahkas rih kononin tahkan louk'ndo. Ang ohkot rih kolawun'ndo eam kuman.

LUKAS 17:22

Uliumba rih Yesus nuhtui umba murid-murid-Oh, ‘‘Ahkan lombut ohkotoh ihkam jolik nohto ihco ondou, tahkan ondou-ondou Anak Ulun, tahpi ihkam eam duon nohtooh.

LUKAS 5:34

Yesus mutah, ‘‘Inonrih ihkam duon nyuhu ulun pomasap, puasa ang pesta kawin, kotahin pongaten bahkas masih sama-sama iro? Puna eam!

LUKAS 5:35

Tahpi ahkan johcok ohkotoh, pongaten bahkas rih ahkan konomin tahkan iro. Aang ohkot orih rih iro ahkan puasa.’’

YOHANES 16:6

Huntuh malah ahtoi'kam monjadi sedih, tului Ahku nuhtui hal orih ahkan'kam.

YOHANES 3:29

Pongahten bawi rih anairih ain pongahten ijo bahkas. Sahabat pongahten bahkas rih tihkas tombok mambai tutang ngonih, tutang io sonang amat ngonih auh pongahten bahkas. Kodorih ka'a umba ahku. Uhuntuh ahku sonang samasino.

KESAH RASUL-RASUL 14:23

Tutang ang nyino-nyinong ukup, Paulus tutang Barnabas potuot okon-okon ang ukup-ukup rih. Turus hawui bodo'a tutang puasa iro nyarah okon-okon rih ahkan Tuhan ijo iro morocayaoh rih.

1 KORINTUS 7:5

Ararih ngojajong ihco umba ijo bohkon, socara bosai oruh. Tou ahkan pondehan ohkotoh, asar duo-duooh jari sotuju. Honong kodorih nyino-nyinong dahpot bodo'a, hawui eam hokoderoh. Tahpi pongohuli harusrih ihkam hoduli, saling hokodoni secara bosai oruh. Amat eam kolourih, noin ihkam tou numbun bujuk roh ja'at, tului ihkam eam ba'as nahan kojolik bolai.

2 KORINTUS 11:27

Ahku ujuh uhat tulang, tutang mongolawan sotongah mahtoi, bojoin eam tiruh, eam kuman, eam ngorih, aro tikat ahku tonotah ang koada'an bolo'u, sorungin kotului kurang hatin, tutang eam aro anai unuk mohcon.

PONGORINAH 19:9

Turus molehkat rih nuhtui ahkak'ku, ‘‘Nyurat tuh: ‘Kosanang rih ulun ijo tonorawe nokuh pesta pongawin Anak Tobiri rih.’ ’’ Pongohuli molehkat rih monambah hino, ‘‘Tuhrih kabar hinut tahkan Pohotala.’’

PONGORINAH 21:2

Mahka ahku nohto lowu borasih rih, yorih Yerusalem ijo bohua, nosuluh tahkan soruga tahkan Pohotala. Lowu rih jari tonyodia kolou ihcobehti pongahten bawi ijo tomokahjan ahkan nyombang pongahten ijo bahkas.