MATEUS 8:16 - BOWOT BOHUA

¹⁶ Ang ohkot kani sohit, ulun ngomin ahkan Yesus aro ulun ijo sonyalung roh ja'at. Tutang umba ihco kotihkap auh, Yesus duon muhko roh-roh ja'at rih, tutang ngopios ka'a paring ulun ijo poros.

MATEUS 8:16 ပူးပေါင်းရင်းမြစ်များ

MATEUS 12:22

Pongohuli anai omin nokuh Yesus ihcobehti ulun bobulen tutang bisu tului sonorupang bain roh ja'at. Yesus ngopios ulun orih, nyiring io dahpot hopander tutang nohto.

MATEUS 14:14

Ohkot Yesus jahkat tahkan alut tutang nohto ulun aro rih, Io ngasi umba iro. Turus Io ngopios ulun-ulun ijo mondam ang louk iro.

MATEUS 8:15

Yesus nambit longoi, turus pondamoh nihou, io borigas tutang nopara mohalu Yesus.

MATEUS 8:33

Pongindoi-pongindoi urak rih nokoru nokuh lowu, tutang ngesah paring ang kojadian rih, ka'a tohou inon ijo jari nyolung umba koduo ulun ijo sonorupang roh ja'at rih.

MATEUS 9:2

Ang anan ulun ngomin nokuh Io, ihcobehti bolomu ijo kaling ang kahcangoh. Ohkot Yesus nohto eam inon kohajon koharap ulun-ulun rih. Io nuhtui umba ulun bolomu rih, “Tabah iou anak-Ku! Dusa-dusan'mu ius tongapun.”

MARKUS 2:3

Pondehan Io bopander, ohpat behti ngohusung ihcobehti ulun mahtoibehtiu, ngomin io nokuh Yesus.

MARKUS 5:8

Ulun rih nuhtui kolouorih, tului Yesus nuhtui umba io, ‘‘Roh ja'at solukarih tahkan ulun tuh!’’)

MARKUS 9:25

Ohkot Yesus nohto ijo ulun aro nopara lombut hopuhpung, Io moretahoh roh ja'at rih honong tuhtui, ‘‘Roh borengen tutang bisu, Ahku moretahoh ihko soluka tahkan anak tuh, tutang ara samasino nyolong huli nyorupang io!’’

LUKAS 13:12

Kotihka Yesus nohtooh, na'ahrih Io umbaoh, ‘‘Ibu, ihko pios tahkan ponyahkit'mu!’’

LUKAS 4:40

Kotihka mahtanondou rahat bolop, paring ulun ngomin ahkan Yesus, konduang-konduangoh ijo poros mahca-mahcam ponyahkit. Yesus ngina longoi-Oh nokuh ngosan kuhung iro nyino-nyinong tutang ngopios iro paring.

LUKAS 4:41

Roh-roh ja'at ka soluka tahkan aro ulun, hawoi ngombak-ngoriak, ‘‘Ihko Anak Pohotala!’’ Tahpi Yesus ngorahang iro tutang eam aro nonga ijin iro nuhtui kolourih, tului iro kota'an ijo Io Lahca Ponyolamat.

KESAH RASUL-RASUL 5:15

Sasar koada'ai monjadi kodorih kolou, nyiring ulun-ulun poros konina ang isun katir ata'ai kacang, turus ngitot nokuh jalan, ahkan iro paling isut tou kona kolingon Petrus, amat Petrus nyihing ang anai.