MATEUS 8:12 - BOWOT BOHUA

¹² Padahal ulun-ulun ijo soharusoh monjadi uhkup ain Pohotala ahkan tongindiu nokuh kopindong ang konaha. Ang anan iro ahkan nangih tutang ngarot.”

MATEUS 8:12 ပူးပေါင်းရင်းမြစ်များ

MATEUS 13:38

Umo rih, iorih kolunon tuh. Bonyi ijo pios rih io rih ulun-ulun ijo monjadi ukup ain Pohotala. Tingon orihrih ulun-ulun ijo hobarih hihco sehtan.

MATEUS 13:42

Iro paring ahkan tonyahkah nokuh luwang tuku hobaho ijo bohu-bohung; ang anan iro ahkan nangih tutang ngarot.

MATEUS 13:50

Pongohuli ulun-ulun ja'at orih tonyahkah nokuh luwang baho. Ang anan iro ahkan nangih tutang ngarot koporos.”

MATEUS 21:43

“Jadi ingatrih,” hion Yesus, “paring hak kolou ukup ain Pohotala ahkan konomin tahkan'kam tutang tononga ahkan ihco uhtus, ijo ahkan nguan karon-poretah Pohotala. [

MATEUS 24:51

Mahka pohalu ijo kolourih ahkan tonahup soko'opah, bain tepuioh, tutang ndian io nokuh unuk ulun-ulun pura-pura. Iro ahkan nangih tutang ngarot ang anan.”

MATEUS 25:30

Tutang pohalu ijo eam boguna rih, dian ahkan luwang unuk pindong ang konaha. Ang anai io ahkan nangih tutang mongarot!’ ”

LUKAS 13:28

Aang ohkot ihkam nohto Abraham, Isaak, tutang Yakub homboh paring nabi hokojorih mohcon ang Tana Bohua Ain Pohotala, ihkam ahkan nangihnongok tutang ngarot, tului ihkam bongom tomuhko nokuh luar!

KESAH RASUL-RASUL 3:25

Bowot-bowot tahkan Pohotala ijo tonyiar bain nabi-nabi, anairih ahkan Konduang-konduang. Aang bowot ijo Pohotala napa umba tahtu ajuh'kam, Pohotala nuhtui umba Abraham numbun tuh, ‘Tahkan lihit'mu Ahku ahkan mborehkat karon uhtus ang kolunon.’ Bowot orih anairih ahkan ihkam ka'a.

RUMA 9:4

Iro anairih ukup ijo tonopili tutang Pohotala ngonjorian iro anak-anak Aiu bongoi, honong pokarah kowasa-Oh ahkan iro. Io poanaioh bowot umba iro, tutang nonga ahkan iro hukum agama. Pohotala mborihtaoh ahkan iro, koloukuwoh iro harus sombayang tutang iro jari norima hino bowot-bowot-Oh.

2 PETRUS 2:17

Guru-guru polasu rih, anai kolou mahtan danum ijo tohjah, tutang kolou ombun ijo tonahpi bain bahiu blowut. Pohotala jari monyodia bagin iro, ihco unuk ijo paham pindong.

2 PETRUS 2:4

Molehkat-molehkat ijo bodusa ka'a eam Pohotala mohanau liwus tahkan hukum, molekan tongondian ahkan luwang norahka. Iro ponosolong ahkan luwang guha ijo pindong, ahkan tonahan ang anan nyiring Ondou Ponosara.

YUDAS 1:13

Sama kolou luhcak ijo nyawung ang tasik, polombut puhtak, kolourih ka'a iro hopohtak gawiu-gawiu ijo ngomia. Iro anairih kolou potion-potion ijo kindah-kondaha, tutang ijo jari tonyodia unukoh bain Pohotala, ang luwang kopindong, ijo paling paham ahkan turus-jahamoh.

PONGORINAH 22:15

Tahpi ulun-ulun ijo jari nguan hal-hal ijo kojilok, ijo hapa ilmu-ilmu gaib, ulun-ulun rih ijo nguan gawiu-gawiu ijo nyundal, ijo munu, ijo nyembah songiangdewa, tutang ulun-ulun ijo ngobalik, pios umba auh-auh, oluka umba gawiu-gawiu, paring ulun rih unukoh ang luar lowu rih.