MATEUS 7:28 - BOWOT BOHUA

²⁸ Kolaiuoh Yesus tondo majar, tutang ulun-ulun ijo anai ang anan, helan samasino ngonih ajar-Oh.

MATEUS 7:28 ပူးပေါင်းရင်းမြစ်များ

MATEUS 11:1

Uliorih Yesus nonga potunjuk-potunjuk ahkan koduo balas murid-Oh, Io nohtah unuk rih. Io tulak majar tutang monyiar pohtoh tahkan Pohotala ang lowu-lowu ijo doni ang anan.

MATEUS 19:1

Uli Yesus ngopah nuhtui paringoh rih, Io nohtah Galilea turus tulak nokuh tana Yudea ang pohoi Sungoi Yordan.

MATEUS 22:33

Ohkot ulun aro rih ngonih kotorangan Yesus, iro kagum samasino umba ajaran-Oh rih.

MATEUS 26:1

Ohkot Yesus ngopah ajaroh tohou paring hal rih, Io nuhtui umba murid-murid-Oh,

MATEUS 7:27

Ang ohkot uhjan borohos tutang danum suhu lombut hawui bohiu hajo nihtu lohpou rih, lohpou rih bolukang. Tutang korusakoh karas samasino!”

MATEUS 7:29

Tului Io majar umba pongaroh eam kolou guru-guru agama ain iro.

MARKUS 1:22

Ulun-ulun ijo ngonih-Oh helan umba cara-Oh Io mongajar. Tului, Io mongajar hapan pongaroh eam kolou guru-guru agama.

MARKUS 11:18

Imam-imam kopala tutang guru-guru agama ngonih auh pander rih. Mahka iro nopara ngurah jalan ahkan munu Yesus. Iro mihkoh umba-Oh, kotului paring ulun kagum ngonih ajaran-Oh.

MARKUS 6:2

Aang ondou Sabat Io nopara majar ang lohpou sombayang. Anai aro ulun ang anan. Ohkot ulun-ulun rih ngonih pongajaran Yesus, iro helan samasino. Iro nuhtui, ‘‘Tahkan umoh ulun tuh dahpot paringoh rih? Kopihtar mahcam inon tuh ijo tohko ang Io? Koloukuwoh Io nguan kahtahelan?

LUKAS 19:48

tahpi eam nyombang jalan ahkan nguan hal orih, tului paring ulun toturus beweu ngonih Io, tutang totarik umba dolang auh-Oh.

LUKAS 2:47

Paring ulun ijo ngonih Io helan tului karon-putah-Oh ijo tohorong.

LUKAS 4:22

Auh-auh ijo konohawot-Oh hinut samasino, nyiring iro helan tutang momihak Io. Iro nuhtui, ‘‘Eamkah Io tuh anak Yusep?’’

LUKAS 4:32

Iro helan nohto caraoh, Io majar, tului Io bopander hawui pongaroh.

LUKAS 7:1

Umbot jari nuhtui hal-hal orih ahkan ulun aro, Yesus tulak nokuh Kapernaum.

YOHANES 7:15

Okon-okon ulun Yahudi helan samasino tutang hion'ndo, ‘‘Koloukuwoh ulun tuh dahpot kota'an aro, podahar Io eam pu'u sokula?’’

YOHANES 7:46

Dolang pongawal rih mutah, ‘‘Akaine, jaha pu'u anai ulun bopander naing Io!’’