MATEUS 7:25 - BOWOT BOHUA

²⁵ Ang ohkot uhjan borohos, tutang danum suhu lombut, hawui bahiu karas nihtu lohpou rih, lohpou rih eam bolukang tului jari tonombok ang ngosan bahtu.

MATEUS 7:25 ပူးပေါင်းရင်းမြစ်များ

MATEUS 16:18

Tului orih kota'an'kam, ihko anai rih Petrus, bahtu ijo tehen. Tutang ang ngosan galang bahtu tuh, Ahku ahkan mangun Gereja-Ku, ijo eam dahpot tomokalah; olu bain popahtoi!

MATEUS 7:24

“Nah, ulun ijo ngonih auh-Ku tuh, tutang numbun orih, sama kolou ulun horati ijo nombok lohpouoh ang ngosan bahtu.

MATEUS 7:26

Tutang ulun ijo ngonih auh-Ku tuh, tahpi eam numbunoh io sama kolou ulun baleh ijo nombok lohpouoh ang ngosan baras.

MATEUS 7:27

Ang ohkot uhjan borohos tutang danum suhu lombut hawui bohiu hajo nihtu lohpou rih, lohpou rih bolukang. Tutang korusakoh karas samasino!”

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

EPESUS 3:17

Keleh kotului ihkam porocaya umba Kristus, Kristus mohcon ang luwang ahtoi'kam tutang pombolum'kam hogalang tutang konowasa kobain kasih.

KOLOSE 2:7

tutang muhat ang a'ang Io. Kohondakrih ihkam nombok pombolum'kam umba Kristus kolou galangoh. Kohondakrih ihkam mahi porocaya umba Kristus, numbun inon ijo jari tongajar ahkan'kam. Tutang hondakrih ahtoi'kam nopusak-pusak hawui ngohawot torimakasih.

YAKOBUS 1:12

Kosanangrih ulun ijo tabah, ang ohkot io nyuru tihkos. Kotului uli io bohasir botahan a'ang tihkos rih, io ahkan norima upahoh, io rih pombolum ijo jari nobowot Pohotala ahkan ulun-ulun ijo ngasih Pohotala.

1 PETRUS 1:5

Paringoh rih anairih ahkan'mu, tului ihkam porocaya umba Pohotala. Mahka ihkam tonojaga umba kowasan Pohotala, mangat ihkam monorima kosolamatan ijo sodia tongorinah aang lain jaman noin.

1 PETRUS 1:7

Tituioh iorih, ahkan mbukti inon ihkam tu'u-tu'u porocaya, umba Tuhan ata'ai eam. Bulou ijo duon rusak ka, tonguji umba baho. Nah, porocaya ihkam anairih labih borega tahkan bulou, jadi harus tonguji ka'a mangat monjadi segah. Tutang honong kolourih, ihkam ahkan tonara tutang tonohoromat, hawui tonongahtang ang ondou Yesus Kristus lombut hoduli.

1 YOHANES 2:19

Musuh-musuh Kristus rih, anairih ulun-ulun ijo jari nohtah ihto, tului iro kotu'uioh puna eam ulun-ulun ihto. Amat iro ulun-ulun ihto, tontu iro tahtap hihco umba ihto. Tahpi iro nohtah ihto, mangat korinahrih ijo eam ihcobehti ka tahkan iro, ijo tu'u-tu'u barihihto.