MATEUS 7:14 - BOWOT BOHUA

¹⁴ Tahpi sihki tutang bohali bauntukang tutang jalan ijo ngomin ulun nitu pombolum. Tutang baya honjiot rih ulun ijo nyombang orih.”

MATEUS 7:14 ပူးပေါင်းရင်းမြစ်များ

MATEUS 20:16

Turus Yesus nuhtui hino, “Kolourih ka'a ulun-ulun ijo kolaiou, ahkan monjadi ijo pahtukoh, tutang ulun-ulun ijo pahtukoh monjadi ijo kolaiou.”

MATEUS 22:14

Turus Yesus ngohpah porobasa rih kolihtuh, “Aro ijo tona'ah, tahpi honjiot ih ijo konopili.”

MATEUS 7:13

“Nyolong nguha bauntukang ijo sihki, tului bauntukang tutang jalan ijo nitu nokuh norahka hajo tutang lumbah, tutang aro ulun ijo nitoioh.

MATEUS 7:15

“Rondo-rondong toharep nabi-nabi polasu. Iro lombut nokuh ihkam hobukus bulu tobiri, tahpi iro kotu'ui kolou horomaung ijo bosiak.

MARKUS 8:34

Pongohino Yesus na'ah ulun aro ijo anai ang anan hombo-homboh umba murid-murid-Oh. Turus Io nuhtui umba iro, ‘‘Ulun ijo kani ngohasu Ahku, harus nolingou kogunanoh bongoi, pongohuli ngohtun sopolahkioh, tutang turus ngohasu Ahku.

LUKAS 12:32

‘‘Ihkam ijo tihkas koik jamalahoh ara mihkoh! Tului Amai'kam sanang nonga ahkan'kam borehkat tahkan Pomoretah-Oh.

YOHANES 16:2

Ihkam ahkan tonyoluka tahkan lohpou-lohpou sombayang. Tutang ahkan lombut ohkotoh ijo ulun ijo munu ihkam, ahkan ngohu io mongabdi ahkan Pohotala.

YOHANES 16:33

Paringoh rih Ahku nuhtui, mangat ihkam ngondahpot kosanangkomangat tului hihco umba Ahku. Ang kolunon ihkam ahkan mongarot. Tahpi tabahohrih ahtoi'kam! Ahku jadi mongalah kolunon!’’

KESAH RASUL-RASUL 14:22

Aang lowu-lowu rih iro ngoba'as ahtoi murid-murid Yesus tutang mopingat murid-murid rih porocaya ahkan Yesus, ‘‘Ihto harus aro ngarot houn, punan ihto nginyam kosanangoh Ang Kolunon Bohua Pohotala,’’ kodorih rasul-rasul rih majar murid-murid Yesus ang lowu-lowu rih.

RUMA 12:2

Ara umba sipat-sipat kolunon tuh. Nauhoh Pohotala nguan sipatarop'kam monjadi bohua, mangat ihkam hubah. Honong kodorih ihkam sanggup ngota'an konohuang Pohotala – yorih, inon ijo pios tutang ijo ngojorih ahtoi Pohotala tutang ijo soporuna.

RUMA 9:32

Ombai iro eam aro bohasir? Kotului iro nguanoh rih eam nguha koporocaya umba Pohotala, molekan nguha usaha iro bongoi. Mahka iro ngonyatu tosahap aang ‘‘Bahtu Ponoturung.’’