MATEUS 6:9 - BOWOT BOHUA

⁹ Jadi bodo'arih koloutuh, ‘Amai ihkai ang soruga: Ihko Pohotala Ijo Tukan. Keleh Ihko tonyembah tutang tonohoromat.

MATEUS 6:9 ပူးပေါင်းရင်းမြစ်များ

MATEUS 10:29

Duo kungan bulung opit dahpot tomoli umba ihco kobilap duit ijo paling koik. Oluka kodorih eam aro ihcokungan ijo tou nokah nokuh tana amat eam kohondak Amai'kam.

MATEUS 23:9

Tutang ara ihkam tona'ah ihcobehti ka ang kolunon tuh, ‘Amai’ bain Amai'kam tihkas ihco, iorih Amai ijo ang soruga.

MATEUS 26:29

Porocayarih: Ahku eam ahkan ngorih anggur tuh hino nyiring ang ohkot Ahku ngorih anggur ijo bohua homboh umba ihkam ang Kolunon Bohua Ain Amai-Ku.”

MATEUS 26:42

Sino huli Yesus tulak bodo'a, hioi-Oh, “Amai, amat koporos tuh harus Ahku nyuruoh, tutang eam duon dian tahkan Ahku, nauhoh konohuang Amai ijo nyolung.”

MATEUS 5:16

Kodorih ka'a koloang'kam, harus nyingah ang toharep ulun, mangat iro nohto gawin-gawin'kam ijo pios, turus monara Amai'kam ang soruga.”

MATEUS 5:48

Amai'kam ijo ang soruga ngasih paring ulun hawoi soporuna. Ihkam harus kodorih ka'a.”

MATEUS 6:14

Amat ihkam ngapun ulun, ijo bosala umba ihkam, Amai'kam ang soruga ka ahkan ngapun kosalan ihkam.

MATEUS 6:6

Tahpi amat ihkam bodo'a nyolong nokuh tahkun tutang ngatop bauntukang, turus bodo'a ahkan Amai'kam ijo eam gihtan rih. Mahka Amai'kam ijo nohto ang konuan'kam ijo toni-tonih orih ahkan nonga upah ahkan'kam.

MATEUS 7:11

Oluka ihkam ja'at, ihkam tou ka'a nonga ijo hinut ahkan anak-anak'kam. Mahi hino Amai'kam ang soruga! Io molowi hino ahkan nonga ijo hinut ahkan ulun ijo nyawot umba Io.

LUKAS 15:18

Ahku ahkan hihkas tutang nokuh ahkan amai'ku, tutang nuhtui umba io: Amai, ahku jari bodusa tohimo Pohotala tutang tohimo Amai.

LUKAS 15:21

‘Amai,’ hion anak rih, ‘ahku jari bodusa tohimo Pohotala tutang tohimo Amai. Eam pahtut hino ahku konohawot anak Amai.’

LUKAS 2:14

‘‘Tara ahkan Pohotala ang langit ijo palingdiang! Tutang ang isung tana kosanangsolamat rih ahkan ulun ijo ngojorih ahtoi Tuhan!’’

YOHANES 20:17

‘‘Ara nambit Ahku,’’ hion Yesus umba io, ‘‘tului Ahku jaha tulak nuhkat nokuh Amai. Tahpi tulak iou nokuh konduang-konduang-Ku, tutang momborihta ahkan iro ijo Ahku uhuntuh nuhkat nokuh Amai-Ku tutang Amai'kam, Pohotalak-Ku tutang Pohotalan ihkam.’’

RUMA 1:7

Orih kotuluioh ahku nyurat ahkan'kam. Keleh Pohotala Amai ihto, tutang Tuhan Yesus Kristus nonga borehkat tutang kosanang ahkan'kam.

RUMA 8:15

Tului Roh, ijo tonongaoh bain Pohotala ahkan ihkam, eamrih napa ihkam monjadi jihpon nyiring ihkam bolum ang luwang kihkoh. Tobalikoh Roh Pohotala rih, ngonjorian ihkam anak-anak Pohotala. Tutang honong kowasa Roh Pohotala rih, tona'ah Pohotala rih, ‘‘Abba, io Amai'ku!’’

GALATIA 1:1

Konduang-konduang, ukup-ukup ang wilayah Galatia, Ahku Paulus, tutang paring konduang Kristen ijo homboh ahku, moharap, keleh Pohotala, Amai ihto tutang Tuhan Yesus Kristus nonga borehkat tutang kosanang ahkan'kam. Ahku monjadi rasul bohkon umba katuh kolunon ata'ai tului tonotuot bain ulun, molekan bain Yesus Kristus tutang Pohotala Amai ihto, ijo jari mombolum Io hoduli tahkan popahtoi.

GALATIA 4:6

Kotului ihkam anairih anak-anak Pohotala, Pohotala nyuhu Roh Anak-Oh nyolong nohkuh ahtoi Konduang tutang ahtoi'ku, iorih Roh ijo na'ah, ‘‘Amai, yoh Amai-Ku.’’

1 TIMOTEUS 6:16

Iorih iou ijo eam tou tonokowasa bain popahtoi; Io bolum ang koloang ijo eam dahpot tongondoni bain iaika ka'a. Eam aro ihcobehti ulunka ijo pu'u nohto-Oh, ata'ai dahpot nohto-Oh. Ahkai-Oh horomat tutang kowasa ahkan turus-jahamoh! Amen.

1 PETRUS 1:17

Ihkam ngohawot Pohotala rih Amai, aang ohkot ihkam bodo'a nitu Io. Nah, Pohotala orihrih ijo ahkan mosara kolunon tohorong umba gawiu nyinong-behti, eam nohto kolunoi. Tului rih kotahin ihkam magun anai ang kolunon tuh, hondakrih ihkam mopohajo Pohotala a'ang pombolum'mu.

PONGORINAH 4:11

‘‘Yo Tuhan, yo Pohotalan ihkai! Ihko iourih ijo pahtut norima tara, horomat, tutang kowasa. Kotului Ihko iou pona'oi karo ang'co, tutang ngosan kohondak-Mu ka'a karo ang ang'co rih jari nyolung tutang bolum.’’

PONGORINAH 5:12

Tutang iro monyanyi umba auh ijo muhing, ‘‘Anak Tobiri ijo jari tonyombolih rih, pahtut ahkan norima kowasa, ponahtou, kopihtaran tutang koba'as; Io pahtut tonohoromat iou, tonohajo, tutang tonara-nara!’’