MATEUS 6:25 - BOWOT BOHUA

²⁵ Kotului orih ingat; ara mihkoh tohou pombolum'kam, iorih inon ijo ahkan ihkam kumai tutang ngorih, ata'ai inon ijo ahkan ihkam hapaoh. Eamkah pombolum ijo molowi umba ukun, tutang behti molowi umba hahtin?

MATEUS 6:25 ပူးပေါင်းရင်းမြစ်များ

MATEUS 10:19

Tahpi amat ihkam konomin ahkan ponosara, a'ai mihkoh tohou inon ijo ihkam harus ngohawotoh, ata'ai koloukuwoh ihkam harus bopander. Kotului inon ijo ihkam harus ngohawot orih, ahkan tonyorihta ahkan'kam ang ohkotoh.

MATEUS 13:22

Bonyi ijo tonuhkan ang tohun ruwut duhi, nindung ulun-ulun ijo ngonih kabar orih, tahpi mihkoh tohou pombolum iro tutang jolik bolum molowi. Tului orih kabar tahkan Pohotala tonohahpit ang luwang ahtoi iro nyiring eam momua.

MATEUS 6:31

Ara mihkoh tutang nuhtui ‘Inon ijo ahkan ihto kumai’ ata'ai ‘Inon ijo ahkan ihto ngorih’ ata'ai ‘Inon ijo ahkan ihto hapaoh’?

MATEUS 6:34

Bain tului orih, a'ai mihkoh tohou ondou hawun. Kotului ondou hawun anai hino kihkoh aiu bongoi. Ondou tuh jari suhkup kosusahoh, eam usah ndahang hino.”

MARKUS 13:11

Tutang amat ihkam tonawan tutang konomin ahkan ponosara, ara mihkoh tohou inon ijo harus ihkam nuhtuioh. Amat jari johcok ohkotoh ahkan pander, nuhtui iourih inon ijo jari tonyorihtaoh ahkan'kam aang ohkotoh. Tului pander-pander ijo ihkam ngohawotoh rih eam auh tuhtui emu bongom, molekan lombut tahkan Roh Pohotala.

MARKUS 4:19

tahpi mihkoh tohou pombolum iro tutang jolik bolum labih tahtou. Kojolik ahkan mahca-mahcam hal, nyolong nokuh luwang ahtoi'ndo. Tului rih kabar tahkan Pohotala, tongohuwut ang luwang ahtoi'ndo, nyiring eam momua.

LUKAS 12:11

Amat ihkam konomin nokuh karon-lohpou sombayang ahkan tomosara ang tohimo pomoretah ata'ai pongowasa, ararih mihkoh tohou koloukuwohoh ihkam harus mombela arop, ata'ai tohou inon ijo harus ihkam nuhtuioh.

LUKAS 8:14

Bonyi ijo nuhkan ang tohun ruwut duhi nindung ulun ijo ngonih Kabar Hinut rih, tahpi mihkoh tohou pombolum'ndo, hawui jolik bolum molowi tutang sanang ang luwang kolunon tuh. Paringoh mohahpit ahtoi'ndo nyiring eam aro momua bua ihco jadi.

RUMA 8:32

Anak-Oh bongoi eam tonyayang-Oh, molekan tonosorah-Oh ahkan kogunan ihto paring, lehan Io eam ahkan nonga ahkan ihto paring-aang ijo bohkonoh?

1 KORINTUS 7:32

Ahku jolik mangat Konduang morodehka tahkan kosusah. Ulun ijo eam ngoruh, ahkan mbulat tirukoh aang hal-hal tohou Tuhan, kotului io jolik ngojorih Tuhan.

PILIPI 4:6

Ara kowatir tohou inon ka'a. A'ang kokaro hal, bodo'a tutang nyapai sawot'kam ahkan Pohotala. Inon ijo ihkam kani, sumanorih toturus ahkan Pohotala hawui ngohawot torimakasih.

2 TIMOTEUS 2:4

Ihcobehti sorodadu ijo rahat botugas eam ahkan nderohoh aropoh, umba urusan-urusanoh bongoi, kotului io jolik ngojorih ahtoi pokolimaoh.

1 PETRUS 5:7

Sorahohrih karon kowatir'kam ahkan Pohotala, kobain Io ahkan mopoduli'ko.