MATEUS 6:2 - BOWOT BOHUA

² Jadi amat ihkam nonga sodakah ahkan ulun porosbolum, ara ngembar-ngembor hal rih, kolou ijo konuan bain ulun-ulun pura-pura. Iro ijo kani nguan orih ang luwang lohpou sombayang, tutang ang jalan-jalan hajo, mangat tonohoromat ulun. Ingat, iro jari norima upahoh.

MATEUS 6:2 ပူးပေါင်းရင်းမြစ်များ

MATEUS 15:7

Ihkam ulun pura-pura! Tohorong samasino inon ijo tonujum Yesaya tohou ihkam, yorih,

MATEUS 16:3

Tutang ang ngohkos ondou, ihkam nuhtui, ‘Ondou tuh kani uhjan, tului bohandang hawoi kundum.’ Nah, ihkam duon moramal cuaca, umba nohto koada'an langit, padahar tanda-tanda jaman, eam tou ihkam ramaloh!”]

MATEUS 22:18

Yesus ngota'an konohuang'ndo ijo ja'at orih, jadi Io nuhtui, “O, ulun pura-pura! Ombai ihkam kani nyokohtung Ahku?

MATEUS 23:5

Paring ijo tonguan'ndo baya unuk ponopahjah ulun ih. Iro ha'at hapan tali sombayang ijo lumbah, tutang pokombu rumbai-rumbai jubah iro!

MATEUS 23:6

Iro jolik unuk ijo pio-piosoh ang pesta-pesta, tutang korusi ijo tamam ang lohpou-lohpou sombayang.

MATEUS 24:51

Mahka pohalu ijo kolourih ahkan tonahup soko'opah, bain tepuioh, tutang ndian io nokuh unuk ulun-ulun pura-pura. Iro ahkan nangih tutang ngarot ang anan.”

MATEUS 5:18

Ingat! Kotahin langit tutang tana magun anai, ihco hurup ata'ai tihtik ijo pongokoik ka, ang luwang turat rih, eam ahkan tongudap, amat paringoh jaha nyolung!

MATEUS 6:16

“Amat ihkam puasa, ara boum mosom kolou ulun ijo jolik bopura-pura. Iro ngubah tapan baui, mangat paring ulun ngota'an ijo iro puasa. Ingat, orih-rih upah ijo iro jari norimaoh.

MATEUS 6:3

Tahpi ihkam, amat ihkam nonga sodakah, nonga honong toni-tonih, nyiring eam aro ijo ngotaan.

MATEUS 6:5

“Amat ihkam bodo'a, ara kolou ulun-ulun ijo jolik pura-pura. Iro jolik bodo'a hawui tombok ang lohpou sombayang tutang sapang jalan mangat tonohto ulun. Ingat, orih upah ijo'ndo jari norimaoh.

MATEUS 7:5

Oi ulun pura-pura! Dian houn tohtokkahju tahkan mahtan'kam bongon, punan ihko nohto honong botarang, tutang dahpot dian poruhukkahju tahkan mahtan konduang'kam.

MARKUS 12:39

Iro jolik unuk-unuk ijo tomohoromat ang luwang lohpou sombayang tutang ang pesta-pesta.

MARKUS 7:6

Yesus mutah, ‘‘Ihkam ulun-ulun pura-pura! Tahorong samasino inon ijo tonujum Yesaya tohou ihkam, iorih, ‘Koloutuh hion Pohotala, Ulun-ulun rih tihkas nyembah Ahku umba auhtuhtui, tahpi ahtoi iro mahcu tahkan Ahku.

LUKAS 11:41

Ijo anai luwang pihkan tutang piring'kam rih, iorih ihco harus ihkam nongaoh ahkan ulun-ulun porosbolum. Umba cara kolourih, paringoh ahkan monjadi borasih ahkan'kam.

LUKAS 11:43

Colahka ihkam, ulun-ulun Parisi! Ihkam jolik unuk-unuk ijo horomat ang luwang lohpou sombayang, tutang jolik duon horomat ang pasar-pasar.

LUKAS 12:33

Modagangoh ponahtou'mu, tutang nongarih duitoh ahkan ulun porosbolum. Naparih ahkan'kam kambut ijo eam dahpot kupit, iorih ponahtou ijo tongina ang soruga. Ponahtou rih eam tou nihou bain ponahkou eam duon ngomiuoh, tutang somahtoi eam duon morusakoh.

LUKAS 12:56

Ihkam ijo jolik pura-pura! Ihkam duon nujum totang ondou tutang nohto kolou langit tutang tana. Ombai tanda-tanda jaman tuh eam tou ihkam nujumoh?’’

LUKAS 13:15

Tuhan mutah, ‘‘Pura-pura ihkam tuh! Aang ondou Sabat paring ulun molohpas sapi ata'ai keledaioh tahkan pahkotoh tutang ngitot soluka ahkan nunga korih akaioh.

LUKAS 20:46

‘‘Buah bojagarih toharep guru-guru agama. Iro jolik nyala-nyalan hapan jubah ijo ombu, tutang jolik ngurah horomat ang pasar-pasar. Iro jolik unuk-unuk ijo tomohoromat ang luwang lohpou sombayang tutang ang pesta-pesta.

LUKAS 6:24

Tahpi colahkarih ihkam ijo tahtou uhuntuh; tului ihkam jari nginyam komomih-kopioioh!

LUKAS 6:42

Koloukuwoh ihkam duon ngohawot ahkan konduang'kam, ‘Olai, konduang, ahku polua poruhukkahju atuh rih tahkan mahtan'kam,’ Rahatanaioh ang luwang mahtan'kam bongom, tohtokkahju ijo eam ihko nohto? O ulun pura-pura! Poluarih soun tohtokkahju ijo anai ang mahtan'kam bongom. Punan rih ihkam duon nohto honong tarang tutang dahpot mopolua poruhukkahju tahkan mahtan konduang'kam.’’

YOHANES 13:29

Anai ijo ngohu Yesus nyuhu Yudas moli angihco ijo tomorulu ahkan pesta rih, ata'ai nonga honjiot isut duit ahkan ulun-ulun porosbolum – tului Yudas nambit duit kas iro.

YOHANES 5:41

Ahku eam ngurah tara tahkan kolunon.

YOHANES 5:44

Koloukuwoh ihkam dahpot porocaya, amat ihkam ngurah tara tahkan sama arop'kam, tutang eam bousaha ngurah tara tahkan Pohotala ijo Ihco?

YOHANES 7:18

Ulun ijo nonga ajaranoh bongoi, ngurah horomat ahkan aropoh bongoi. Tahpi ulun ijo ngurah horomat bagi Io ijo nyuhuoh, ulun rih bujur, eam aro alik aangoh.

KESAH RASUL-RASUL 10:2

Io ulun ijo mihkoh umba Pohotala tutang koparing jolahaioh sombayang ahkan Pohotala. Io aro dohop ulun-ulun Yahudi ijo porosbolum tutang io toturus bodo'a nokuh Pohotala.

KESAH RASUL-RASUL 10:31

Io nuhtui, ‘Kornelius! Pohotala jari norima do'a'mu tutang mingat ahkan kopiosbosara ahtoi'mu.

KESAH RASUL-RASUL 10:4

Kornelius nopahjah molehkat rih honong mihkoh turus nuhtui, ‘‘Anai inon Tuan?’’ Molehkat rih nuhtui, ‘‘Do'a'mu, tutang kotounbosara ahtoi'mu jari tonorima bain Pohotala tutang Pohotala ingat umba'mu.

KESAH RASUL-RASUL 11:29

Mahka paring murid Yesus rih pahkat ahkan ngirim pononga ahkan konduang-konduang ijo mohcon ang Yudea; nyinong-behti nonga numbun koduonoh.

KESAH RASUL-RASUL 24:17

Ulijari pira-pira toun eam anai ang Yerusalem, ahku huli nokuh anan, turus ngihtot duit pondohop ahkan uhtus'ku tutang ahkan nonga porahpah ahkan Pohotala.

KESAH RASUL-RASUL 9:36

Ang Yope anai ihcobehti ulunbawi bogare Tabita. Io ihcobehti ulun ijo porocaya umba Tuhan Yesus. (Araioh aang bahasa Yunani, iorih Dorkas, ijo rimaioh uhcang.) Io toturus ih nguan hal-hal ijo pios, tutang ndohop ulun porosbolum.

RUMA 12:8

Ulun ijo tepun pononga nonga somangat ahkan ulun bohkon, harus io tu'u-tu'u nonga somangat, ahkan ulun bohkon. Ulun ijo tepun pononga ahkan moronga umba ulun bohkon, inon ijo anai iotepuioh, harus nguaioh orih honong kolomun ahtoi numbun koharusoh. Ulun ijo tepun pononga ahkan monjadiokon, harus tu'u-tu'u monjadiokon ulun. Ulun ijo tepun pononga ahkan ngorinahoh pongasioh ahkan ulun bohkon pahtut molalusoh honong sanang ahtoi.

1 KORINTUS 13:3

Oluka paring ijo ahku tepuioh, ahku nyodahkahoh ahkan ulun-ulun porosbolum, tutang ahku nyarah behtik'ku ahkan tomahpong, tahpi ahku eam ngasi ulun-ulun bohkon, mahka paringoh rih eam anai gunaioh samasino.

GALATIA 2:10

Ihco-ihcooh ponyawot iro, iorih, mangat ihkai nohtoani ulun porosbolum. Tutang ahku puna sanang nguan hal orih.

EPESUS 4:28

Ulun ijo biasa nahkou harus tondo nahkou. Sobalik io harus bogawi mangat ngonduon bolanjaoh honong bujur tutang duon dohop ulun ijo bokotahpas.

1 TESALONIKA 2:6

Ihkai eam ka'a ngurah jalan, ahkan ngondahpot tara tahkan ulun – pios tahkan ihkam, oluka tahkan ulun bohkon. Komorongoh kolou rasul Kristus, ihkai tou iou nutut aang'co tahkan ihkam.

1 TIMOTEUS 6:18

Nyawotrih ahkan iro, mangat nunjuk kopios, ahkan aro nguan hal-hal ijo pios, murah ahtoi, tutang rajin mononga.

PILEMON 1:7

Konduang Pilemon, kasih'mu rih toharep paring ukup Pohotala, ngojorih ahku tutang nonga ngojuhung ahkak'ku! Paring ulun ukup Pohotala jari monjadi jorih tului Konduang.

IBRANI 13:16

Ara nolingou, nguan ang pios, tutang saling hodohop, tului jituh porahpah-porahpah, ijo ngojorih ahtoi Pohotala.

1 PETRUS 4:11

Ulun ijo monyiar borihta, harusrih monyiar borihta tahkan Pohotala, ulun ijo mohalu ulun bohkon, harusrih mohalu umba koba'as ijo tahkan Pohotala, mangat a'ang kokaro hal, Pohotala dahpot ponohajo nguha Yesus Kristus. Iorih ijo bokowasa tutang harus ponohajo ahkan turus-jahamoh. Amen.