MATEUS 6:19 - BOWOT BOHUA

¹⁹ “Ara nipun ponohtou ahkan arop'kam ang kolunon tuh, ang amoh busuk tutang tagar tou morusakoh, tutang ponahkou lombut nahkouoh.

MATEUS 6:19 ပူးပေါင်းရင်းမြစ်များ

MATEUS 19:21

Yesus nuhtui umba io, “Amat ihko kani monjadi soporuna, tulak modagang paring ain'mu. Tonga duitoh ahkan ulun porosbolum, tutang ihko ahkan norima ponahtou ang soruga. Ulirih rih, lombut rih ngahasu Ahku!”

MATEUS 6:20

Labih pios nipun ponohtou ang soruga, ang amoh busuk tutang tagar eam morusakoh, tutang ponahkou eam lombut nahkouoh.

LUKAS 12:21

Kolourih kojoriai umba nyinong ulun ijo bousaha monjadi tahtou ahkan arop, tahpi eam bousaha monjadi tahtou ang mahtan Pohotala.’’

LUKAS 12:33

Modagangoh ponahtou'mu, tutang nongarih duitoh ahkan ulun porosbolum. Naparih ahkan'kam kambut ijo eam dahpot kupit, iorih ponahtou ijo tongina ang soruga. Ponahtou rih eam tou nihou bain ponahkou eam duon ngomiuoh, tutang somahtoi eam duon morusakoh.

LUKAS 12:39

Ingatrih tuh! Jahkaoh, tuan lohpou rih ta'an jam pira ponahkou lombut, io ahkan monjaga mangat ponahkou eam duon nyolong nokuh luwang lohpouoh.

LUKAS 18:22

Ngonih orih, Yesus nuhtui, ‘‘Magun anai ihco hal, ijo harus ihko nguaioh: Modagangrih paring ramun'kam, nongarih duitoh ahkan ulun porosbolum, tutang ihko ahkan duon ponahtou ang soruga. Uliorih lombut ngahasu Ahku.’’

LUKAS 18:24

Yesus kota'an ulun rih porosahtoioh, tului orih io nuhtui, ‘‘Bohali samasino ahkan ulun tahtou monjadi anak ukup ain Pohotala!

1 TIMOTEUS 6:17

Ahkan ulun-ulun ijo tahtou ang kolunon tuh, hondakrih ihko nyawot, mangat iro ara bojuhu, tutang ara bokoharap ahkan ramui-ramui ijo eam bunggut – kolou haloh umba ponahtou. Iro harus bokoharap ahkan Pohotala, ijo nonga karon aang'co ahkan ihto honong molowi, mangat ihto komonanyamoh.

IBRANI 13:5

Ara pombolum'kam tongowasa, bain sinta ahkan duit, tahpi hondakrih ihkam sukup umba inon ijo anai aang'kam. Kotului Pohotala ius nuhtui, ‘‘Ahku eam mohonau ata'ai ahkan nohtah ihko.’’