MATEUS 6:13 - BOWOT BOHUA

¹³ Ararih mohonou ihkai nihou porocaya aang ohkot ihkai tonihkos tahpi nguwat ihkai tahkan kowasa ang ja'at. [Ihkorih Lahca ijo bokowasa tutang tonohoromat nyiring turus-jahamoh. Amen.]’

MATEUS 6:13 ပူးပေါင်းရင်းမြစ်များ

MATEUS 26:41

Bojaga-jagarih, tutang bodo'a mangat ihkam ara buah tihkos. Puna Roh'kam kani nguan ijo morong, tahpi ihkam eam sanggup, tului dasar ulun tuh bolomu.”

MATEUS 28:20

Mongajaroh iou iro mone'et paring ijo jari Ahku moretah umba'kam. Tutang ingat rih Ahku ahkan hototurus homboh ihkam nyiring lain jaman.”

MATEUS 5:37

Nuhtui iou, amat ‘Yo’ ata'ai ‘Eam’ – molowi umba orih, polombutoh tahkan sehtan.”

MATEUS 6:10

Ihko Lahcan ihkai. Keleh Ihko moretah ang tana tutang kohondak-Kam tonuhit kolou ang soruga.

YOHANES 17:15

Ahku eam nyawot, mangat Amai ngomin iro tahkan kolunon tuh, tahpi Ahku nyawot mangat Amai mohaga iro tahkan ijo Ja'at.

1 KORINTUS 10:13

Nyinong tihkos ijo Konduang nyuruoh, jorih tihkos ijo kobahutoh tonyuru ulun. Tahpi Pohotala bokehtep aang bowot-Oh. Io eam ahkan mohonou Konduang tonihkos molowi tahkan kosanggup ihkam. Aang ohkot Konduang nopahas bain tihkos, Io ahkan nonga jalan ahkan'kam, ahkan nyolung ba'as mangat Konduang dahpot botahan.

1 KORINTUS 14:16

Kotului amat Konduang ngohawot torimakasih ahkan Pohotala umba roh'mu iou, tutang anai ulun bohkon ijo eam horahti basa helan ijo tahkan Roh Pohotala rih, mahka ulun rih eam dahpot nuhtui ‘‘Ahku sotuju’’ toharep do'a torimakasih'mu rih, tului io eam kota'an inon ijo konduang nuhtuioh.

2 KORINTUS 1:20

Tului nguha Io, Pohotala jari nuhtui ‘‘Yo’’ toharep paring bowot-Oh. Hogalang orihrih ihto ngohawot ‘‘Amen’’ ahkan Pohotala kotului Yesus Kristus. Ihkai nguan kodorih mangat Pohotala tonohoromat.

GALATIA 1:4

Mone'et kohondak Pohotala, Amai ihto, Kristus monyorahrih arop-Oh monjadi porahpah bagi dusa-dusan ihto, mangat ihto tonyolamat tahkan jaman ijo ja'at tuh.

1 TESALONIKA 1:10

Iro mander ka'a, tohou koloukuwoh ihkam moharapoh polombut Anak Pohotala tahkan soruga, yorih Yesus, ijo jari tonombolum bain Pohotala tahkan popahtoi. Yesus orihrih ka'a ijo monyolamat ihto tahkan kosingin Pohotala ijo ahkan lombut.

2 TESALONIKA 3:3

Tahpi Tuhan sotia. Io ahkan ngomba'as ihkam tutang nolawang ihkam tahkan Si Ja'at.

1 TIMOTEUS 1:17

Pohotala, Lahca kokaron jaman, pahtut tonohoromat tutang tonotara hototurus, kotului Io ijo kototahiu, ijo eam gihtan, tutang tihkas Tukan! Amen.

IBRANI 11:36

Anai ijo tongonjea-jea, tomahcat, nyuhkui umba ratai, tutang anai ijo ponosolong ahkan luwang sipir.

1 PETRUS 5:8

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.

2 PETRUS 2:9

Jadi, Tuhan ta'an, koloukuwoh nyolamat'kan ulun-ulun ijo numbun konohuang-Oh, amat iro noharep tihkos-tihkos. Tutang Tuhan ngota'an, koloukuwoh ngina ulun-ulun ijo ja'at ahkan tonosiksa ang Ondou Ponosara,

1 YOHANES 3:8

Tahpi ulun ijo hototurus nguan dusa anairih anak Sehtan, kotului Sehtan bodusa tahkan pahtuk. Ahkan tuhrih Anak Pohotala lombut yorih ahkan polonyuh gawin Sehtan.

PONGORINAH 1:18

Ahku rih Io ijo bolum! Ahku jari matoi, tahpi topahjahrih, Ahku bolum ahkan turus-jahamoh. Ahku bokowasa ngosan popahtoi, tutang ngosan kolunon ulun mahtoi.

PONGORINAH 19:1

Uliorih rih ahku ngonih angihco kolou auh koridu ulun aro tahkan soruga ijo bososurak, ‘‘Tara Pohotala, Pohotalan ihto anairih Pohotala ijo monyolamatoh; Io Pohotala ijo hajo tutang bokowasa!

PONGORINAH 19:4

Mahka koduo pulu ohpat okon, tutang koohpat angbolum ijo kodiling pododusan rih suhkuntu'ut tutang nyembah Pohotala ijo tuot ang ngosan pododusan. Iro nuhtui, ‘‘Amen! Tara Pohotala!’’

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.

PONGORINAH 21:4

Io ahkan ngapit karon-juhun mahto tahkan mahton iro. Popahtoi eam ahkan anai hino; porosahtoi, tangih, ata'ai ponyahkit ka ahkan eam aro hino. Hal-hal ijo tahilomoi jari dilap.’’

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.

PONGORINAH 3:14

‘‘Ahkan molehkat ukup ang Laodekia, nyurat koloutuh: Tuhrih pohtoh tahkan Sang Amen, Saksi ijo bokehtep tutang morong tohasak kokaro aang'co, ijo tona'oi bain Pohotala.

PONGORINAH 5:13

Turus ahku ngonih angbolum-angbolum ang langit, ang tana, ang pinda tana, tutang ang luwang tasik – kourusoh angbolum-angbolum rih ang hopus-pinda-langit tuh – monyanyi, ‘‘Io ijo tuot ang ngosan pododusan, tutang Io Anak Tobiri rih, anairih tonara tutang tonohoromat, hawui ponohajo tutang bokowasa ahkan turus-jahamoh!’’