MATEUS 6:10 - BOWOT BOHUA

¹⁰ Ihko Lahcan ihkai. Keleh Ihko moretah ang tana tutang kohondak-Kam tonuhit kolou ang soruga.

MATEUS 6:10 ပူးပေါင်းရင်းမြစ်များ

MATEUS 12:50

Ulun ijo nguan kohondak Amai-Ku ijo ang soruga, iorih konduang-Ku bahkas, tutang bawi, tutang inai-Ku.”

MATEUS 16:28

Kota'anrih! Tahkan louk ihkam ang ohtoi anai ijo eam mahtoi, hounumba nohto Anak Ulun lombut kolou Lahca.”

MATEUS 26:42

Sino huli Yesus tulak bodo'a, hioi-Oh, “Amai, amat koporos tuh harus Ahku nyuruoh, tutang eam duon dian tahkan Ahku, nauhoh konohuang Amai ijo nyolung.”

MATEUS 3:2

“Hubah tahkan dusa-dusan'kam” hioioh, “tului Pohotala ahkan jion moretah kolou Lahca!”

MATEUS 4:17

Tahkan ohkot orih Yesus nopara mborihta, “Hubah tahkan dusa-dusan'kam, tului Pohotala ahkan jeleng moretah kolou Lahca!”

MATEUS 7:21

“Eam paring ulun ijo na'ah Ahku, ‘Tuhan, Tuhan’, ahkan nyolung anak uhkup Pohotala, tahpi baya ulun-ulun ijo numbun kohondak Amai-Ku ijo ang soruga.

MARKUS 11:10

Bolumrih pomoretah-Oh ijo ahkan lombut – pomoretah Dawid tahtu ajuh ihto! Tara ahkan Pohotala Ijo Mahaisung!’’

MARKUS 3:35

Ulun ijo nguanoh konohuang Pohotala, iorih konduang-Ku bahkas konduang-Ku bawi, tutang inai-Ku.’’

LUKAS 19:11

Pondehan ulun magun ngonih auh Yesus nuhtui, Io monyorihta ihco porobasa. Tului, ang ohkot orih, Io anai doni Yerusalem, tutang ulun ngohu ijo Pohotala pohos ahkan moretah kolou Lahca ang kolunon.

LUKAS 19:38

Iro bosurak, ‘‘Mborehkatrih Lahca ijo lombut a'ang aran Tuhan! Kojorih ang soruga tutang horomat ahkan Pohotala!’’

LUKAS 22:42

‘‘Amai,’’ hioi-Oh, ‘‘amat tou ngomahcuohrih tahkan Ahku karotporos ijo harus Ahku nyuruoh tuh. Tahpi ara numbun konohuang-Ku, molekan numbun konohuang Amai ih.’’ [

YOHANES 4:34

Turus Yesus nuhtui, ‘‘Ukun-Ku anairih numbun kohondak Io ijo nyuhu Ahku, tutang ngo-opahoh gawi ijo tonyorah-Oh ahkak-Ku.

YOHANES 6:40

Puna tuhrih kojolik Amai-Ku: Mangat paring ijo nohto Anak tutang porocaya umba-Oh tepun pombolum sojahti tutang kototahiu, tutang Ahku ngombolumoh huli aang Ondou Kiamat.’’

YOHANES 7:17

Ulun ijo kani numbun konohuang Pohotala, ahkan ta'an inon rih ajaran-Ku lombutoh tahkan Pohotala ata'ai tahkan Ahku bongok.

KESAH RASUL-RASUL 13:22

Uliorih Pohotala mindah io tahkan ponuotoh, Pohotala potuot Dawid monjadi lahcan iro. Tutang tuhrih ijo tonuhtui Pohotala tohou Dawid, ‘Ahku jari sombangoh Dawid anak Isai rih, ihcobehti ijo ngojorih ahtoi-Ku. Iorih ulun ijo ahkan nguanaang konohuang-Ku.’

KESAH RASUL-RASUL 21:14

Paulus eam kani ngonih tingak ihkai, mahka ihkai tondo ngohana io. ‘‘Nauhoh, konohuang Tuhan Pohotala bewe ijo nyolung,’’ hion 'kai.

KESAH RASUL-RASUL 22:14

Pongohuli io nuhtui ahkak'ku, ‘Pohotalan tahtu ajuh ihto, mitih ihko, mangat ihko kota'an konohuang-Oh, tutang nohto Yesus; Jihpon Pohotala orih ijo nguan konohuang Pohotala hawui ngonih auh tuhtui Yesus bongoi.

RUMA 12:2

Ara umba sipat-sipat kolunon tuh. Nauhoh Pohotala nguan sipatarop'kam monjadi bohua, mangat ihkam hubah. Honong kodorih ihkam sanggup ngota'an konohuang Pohotala – yorih, inon ijo pios tutang ijo ngojorih ahtoi Pohotala tutang ijo soporuna.

EPESUS 6:6

A'ai nguan angkodorih tihkas ang ohkot ihkam tonopahjah, tihkas ahkan dahpot tara tahkan ulun. Tahpi hondakrih ihkam nguaioh, kolou jihpon Kristus ijo rahat numbun kohondak Pohotala honong kotuwi ahtoi.

KOLOSE 1:13

Io jari momorodehka ihto tahkan kowasan kopindong, tutang ngahtun ihto nokuh luwang kolahca'an Anak-Oh ijo tonokasih-Oh.

KOLOSE 1:9

Orihrih kotuluioh ihkai turus bodo'a ahkan ihkam, tahkan ihkai ngonih tohou ihkam. Ihkai nyawot umba Pohotala mangat Roh Pohotala nonga ahkan'kam kopihtar tutang kohorahti, nyiring ihkam kota'an hawui soporuna inon konohuang Pohotala.

1 TESALONIKA 4:3

Tuhrih kohondak Pohotala: Mangat ihkam bolum khusus ahkai-Oh, borasih, ngomahcu kokaro gawi ijo kihal.

1 TESALONIKA 5:18

Aang kokaro koada'an, hondakrih ihkam norimakasih, kotului orihrih ijo Pohotala jolik tahkan ihkam, kolou ulun ijo bolum hihco umba Kristus Yesus.

IBRANI 1:14

Amat kolourih molehkat-molehkat rih, inon kotu'uioh? Iro anairih roh-roh ijo mohalu Pohotala, tutang ijo sonuhu Pohotala ahkan dohop ulun-ulun ijo ahkan norima kosolamatan.

IBRANI 10:36

Ihkam harus sabar, mangat ihkam duon nguan kohondak Pohotala, tutang honong kolourih norima inon jo tonobowot-Oh.

IBRANI 10:7

Turus Ahku nuhtui, ‘Jituhrih Ahku, yo Pohotala! Ahku lombut ahkan nguanrih kohondak-Mu, kolou ijo tonyurat tohou arop-Ku ang luwang Surat Borasih.’ ’’

IBRANI 13:21

Keleh Pohotala tohasak kosanang orih monyuhkup ihkam umba kokaron ijo hinut ijo ihkam poruluoh ahkan nguan kohondak-Oh. Keleh hawui nguha Yesus Kristus, Pohotala bogawi ang luwang ihto, inon ijo tongojolik-Oh. Hondakrih Kristus tomohoromat turus-jahamoh. Amen.

1 PETRUS 2:15

Kotului Pohotala kani, mangat honong karon-gawin'kam ijo hinut ihkam mangup baun ulun ijo bopander baleh.

1 PETRUS 4:2

Kobain orih, hondakrih ihkam bolum toturusoh ang kolunon tuh, numbun konohuang Pohotala, tutang eam numbun kojolik kolunon.

PONGORINAH 11:15

Turus molehkat ijo kopihtu mohpos sorunaioh, mahka ang soruga konahan auh-auh muhing samasino ijo nuhtui, ‘‘Kokuwasa'an ahkan moretah kolunon, anai huntuh a'ang longon Tuhan ihto, tutang Lahca Ponyolamat, ijo tonobowot-Oh. Io ahkan moretah ahkan turus-jahamoh!’’

PONGORINAH 12:10

Turus ahku ngonih auh ijo muhing ang soruga nuhtui, ‘‘Uhuntuh ohkotoh Pohotala monyolamat ukup-Oh! Uhuntuh Pohotala ngorinah kowasai-Oh kolou Lahca! Uhuntuh Lahca Ponyolamat ijo tonobowot rih, ka'a ngorinah, kowasa-Oh! Tului ijo mondawa konduang-konduang ihto ang toharep Pohotala hondou tutang ngolomi, jari tonyoluka tahkan soruga.

PONGORINAH 19:6

Uliorih ahku ngonih angihco kolou auh ihco ko pulou ulun ijo aro samasino; naingoh kolou golombang ijo holuhcak, tutang kolou auh duhung mongorutung. Ahku ngonih iro nuhtui, ‘‘Tara Pohotala! Tului Tuhan, Pohotalan ihto Ijo Mahakowasa rih huntuh moretah!

PONGORINAH 20:4

Turus ahku nohto pododusan-pododusan, tutang ulun-ulun ijo tuot, ang pododusan-pododusan rih tononga kowasa ahkan mutusoh mohukum. Ahku nohto ka'a homboruan-homboruan, ulun-ulun ijo jari tonohtok kuhungoh tului iro nonga kosaksian tohou Yesus, tutang mborihta pohtoh Pohotala. Ulun-ulun rih eam nyembah ohcin, ata'ai ka kopahtungoh. Iroka eam pu'u norima tanda ohcin rih, aang likou ata'ai aang longon iro. Mahka iro bolum hoduli, tutang moretah kolou lahca homboh Kristus kotahin sokujan toun.