MATEUS 6:1 - BOWOT BOHUA

¹ “Ngingat, ara ihkam nguan kopahtut agama ang toharep ulunaro, mangat tonopahjah ulun iu. Amat ihkam nguaioh kodorih, ihkam eam ahkan tononga upah bain Amai'kam ang soruga.

MATEUS 6:1 ပူးပေါင်းရင်းမြစ်များ

MATEUS 16:27

Eam tahi hino Anak Ulun ahkan homboh umba molehkat-molehkat-Oh, ahkan lombut hapan kowasan Amai-Oh. Ang ohkotrih Io ahkan malos nyino-nyinong ulun sorurui umba gawiuoh.

MATEUS 16:6

Yesus nuhtui umba iro, “Bua-buah toharep ragin ulun-ulun Parisi tutang Saduki.”

MATEUS 23:13

“Colahka ihkam guru-guru agama tutang ulun-ulun Parisi! Ihkam guru pura-pura. Ihkam ngapeng ulun monjadi uhkup ain Pohotala. Ihkam bongom eam kani monjadi anak uhkup ain Pohotala, tutang ulun bohkon ijo kani, ihkam ngapengjalaioh. [

MATEUS 23:5

Paring ijo tonguan'ndo baya unuk ponopahjah ulun ih. Iro ha'at hapan tali sombayang ijo lumbah, tutang pokombu rumbai-rumbai jubah iro!

MATEUS 25:40

Lahca rih ahkan mutah, ‘Kota'an ih; ohkot ihkam nguan hal orih sinoka umba anai ihcobehti, tahkan konduang-konduang-Ku ijo paling hina, rimai ihkam jari nguaioh umba Ahku!’

MATEUS 5:16

Kodorih ka'a koloang'kam, harus nyingah ang toharep ulun, mangat iro nohto gawin-gawin'kam ijo pios, turus monara Amai'kam ang soruga.”

MATEUS 5:46

Kotului amat ihkam ngasih baya umba ulun ijo ngasih ihkam ih, ahkan inon Pohotala harus malos gawin'kam rih? Eamkah ponagih-ponagih pajak ka'a mahi nguan ang kolouorih?

MATEUS 5:48

Amai'kam ijo ang soruga ngasih paring ulun hawoi soporuna. Ihkam harus kodorih ka'a.”

MATEUS 6:16

“Amat ihkam puasa, ara boum mosom kolou ulun ijo jolik bopura-pura. Iro ngubah tapan baui, mangat paring ulun ngota'an ijo iro puasa. Ingat, orih-rih upah ijo iro jari norimaoh.

MATEUS 6:9

Jadi bodo'arih koloutuh, ‘Amai ihkai ang soruga: Ihko Pohotala Ijo Tukan. Keleh Ihko tonyembah tutang tonohoromat.

MARKUS 8:15

‘‘Bua-buahrih toharep ragi ulun-ulun Parisi tutang ragi ulun ain Horodes,’’ hion Yesus umba iro.

LUKAS 11:35

Tului orih, bua-buah, ara nyiring koloang ijo anai ang ihkam rih monjadi pindong.

LUKAS 12:1

Bokuhjan-kuhjan ulun-ulun ngorumbung Yesus nyiring anai ijo nihcak-ngihik pa'an injahoh. Pondehan ulun-ulun rih hokorumbung, Yesus nuhtui umba murid-murid-Oh, ‘‘Bua-buah toharep ragin ulun Parisi, maksud-Ku kopura-pura'ndo.

LUKAS 12:15

Pongohuli, ahkan paring ulun ijo anai ang anan Yesus nuhtui, ‘‘Bua-buahrih, tutang borondong, ara nyiring ihkam bokuhu. Tului pombolum ulun eam bogatung umba ponahtouoh, oluka ponahtouoh holowi-holea.’’

LUKAS 16:15

Tahpi Yesus nuhtui umba iro, ‘‘Ihkam tuh ulun ijo ang toharep ulun bohkon, topahjahoh morong, tahpi Pohotala kota'an usin ahtoi'mu. Tului inon ijo tongohu isung bain ulun, topahjahoh pinda bain Pohotala.

YOHANES 12:43

Iro labih jolik ngondahpot tara tahkan kolunon, tahkanumba ponorega Pohotala.

YOHANES 5:44

Koloukuwoh ihkam dahpot porocaya, amat ihkam ngurah tara tahkan sama arop'kam, tutang eam bousaha ngurah tara tahkan Pohotala ijo Ihco?

KESAH RASUL-RASUL 3:12

Uhun Petrus nopahjah ulun-ulun rih io nuhtui umba iro, ‘‘O ulun-ulun Israel, ombai Konduang-konduang helan umba hal orih? Ombai ihkam nohto turus aang ihkai? Inon ihkam ngohu ulun tuh duon nyalan tului anai kowasa aang ihkai ata'ai tului ihkai te'et umba Pohotala?

GALATIA 6:12

Ulun-ulun ijo kani nyuhung aropoh umba hal-hal carakonanak, iro ijo bousaha, jojuan ihkam numbun poroturan sunat. Tahpi iro nguan rih baya mangat iro eam tonoporos ulun Yahudi bain kotului sopolahkin Kristus.

IBRANI 11:26

Museh komo, ijo mahcu labih borega, ahkan norima tongohina demi Lahca Ponyolamat, ijo tonobowot Pohotala rih, tahkanumba ngondahpot karo ponahtou, tana Misir, tului Museh moharap upah ang ondou pongohuli.

IBRANI 2:1

Orihrih kotuluioh ihto harus labih tu'u-tu'u nambit aang ajaran-ajaran ijo jari ihto ngonihoh, mangat ihto ara nohtah koporocayan ihto.

IBRANI 6:10

Pohotala eamoh Pohotala ijo eam adil. Io eam nolingou, inon ijo ihkam nguairih bagi-Oh, tutang asi ijo ihkam nunjukrih ahkai-Oh, angohkot ihkam dohop konduang-konduang samakoporocaya, ijo houn tutang uhuntuh.

2 YOHANES 1:8

Tului orih jagarih, ara nyiring ihkam nihou, inon ijo jari ihkai usahaoh ahkan ihkam. Bousaharih, mangat ihkam norima tahkan Pohotala upah'kam koparingoh.