MATEUS 5:9 - BOWOT BOHUA

⁹ Kosanangsolamat ahkan ulun ijo ngomin kobuah ang louk kolunon; Pohotala ngahku iro kolou anak-Oh!

MATEUS 5:9 ပူးပေါင်းရင်းမြစ်များ

MATEUS 5:45

mangat ihkam monjadi anak-anak Amai'kam ijo ang soruga. Kotului Pohotala poloang mahtanondou-Oh, bagi ulun ijo nguan ijo pios, tutang bagi ulun ijo nguan koja'at ka'a. Io noposuluh uhjan bagi ulun ijo nguan komorong, tutang bagi ulun ijo nguan koja'at ka'a.

MATEUS 5:48

Amai'kam ijo ang soruga ngasih paring ulun hawoi soporuna. Ihkam harus kodorih ka'a.”

LUKAS 20:36

Iro sama kolou molehkat, tutang eam tou mahtoi. Iro orih paringoh anak-anak Pohotala, tului iro jari tongombolum huli tahkan kopahtoi.

LUKAS 6:35

Koharusoh eam kolourih! Ihkam sobalikoh harus ngasih musuh'kam, tutang nguan aang hinut ahkan iro. Ihkam harus nonga pohonjaman, tutang ara harapoh tou buli. Amat kolourih uhpah'kam ahkan hajo, tutang ihkam ahkan monjadi anak-anak Pohotala Ijo Maha Isung. Tului Pohotala hinut ahtoi nohimo ulun ijo eam ta'an torimakasih, tutang tohimo ulun ijo ja'at ka'a.

KESAH RASUL-RASUL 7:26

Ngohkosoh io nohto hino duo behti ulun Israel hokolahi, turus Museh ngurah jalan mongobuah iro, io nuhtui, ‘Ihkam tuh hokonduang! Ombai ihkam sama arop hokolahi?’

RUMA 12:18

Tahkan sila ihko, ngurah jalan sodahpot-dahpotoh ahkan bolum hokobuah umba paring ulun.

RUMA 8:14

Ulun-ulun ijo toniting bain Roh Pohotala, anairih anak-anak Pohotala.

RUMA 8:16

Roh Pohotala sama-sama umba Roh ihto, mongorinah, ijo ihto tuh anairih anak-anak Pohotala.

RUMA 8:19

Sohopus ijopindalangit ngindoi honong paham rindu umba wayahoh Pohotala ngorinah anak-anak-Oh.

1 KORINTUS 6:6

Tahpi tobalikoh, ihcobehti Kristen, tulak nokuh ulun ijo eam Kristen, ahkan ngadu porokaraoh toharep konduangoh ijo Kristen!

2 KORINTUS 13:11

Laiuoh, Konduang-konduang, hondakih ihkam jorih tutang ngurahjalan monjadi soporuna. Torima iou karon tingak'ku. Hondakoh ihkam, hihco-ahtoi tutang bolum rukun. Pohotala Ijo Mahapongasi tutang Pongobuah rih ahkan homboh ihkam.

2 KORINTUS 5:20

Jadi ihkai anairih monjadi pohalu-pohalu Kristus. Nguha ihkai Pohotala bongoi ijo nyapai pohtoh-Oh. Ngasan aran Kristus ihkai nyawot hawui paham, torima njuluk longon Pohotala ijo toudahpon ihkam hokopios umba Io.

GALATIA 5:22

Sobalikoh, amat ulun-ulun toniting bain Roh Pohotala, buaoh iorih: Iro saling hokasih, iro jorih, iro ngina koteneng ahtoi, iro sabar tutang hobudi, iro pios toharep ulun bohkon, iro te'et.

EPESUS 4:1

Bain orih ahku – ihcobehti tonahan, ijo tonahan kotului mohalu Tuhan – nyawot hawui paham umba'kam; bolum sorurui umba ponuot'mu, kolou ulun ijo ius tona'ah bain Pohotala.

PILIPI 4:2

Konduangbawi Euodia tutang Konduangbawi Sintike! Ahku nyawot hawui paham umba ihkam, ahkan Konduangbawi hihcoahtoi kolou ulun-ulun ijo bokoporocaya.

KOLOSE 3:13

Ihkam harus sabar, ihco umba ijo bohkon, tutang saling ngapun amat anai ijo ngina dondam toharep ijo bohkon. Tuhan hawui sanang ahtoi ngapun ihkam, jadi ihkam ka harus kani ngapun ihco umba ijo bohkon.

IBRANI 12:14

Bousaharih, ahkan bolum ruhkun umba paring ulun. Bousaharih ka'a bolum borasih, khusus ahkan Tuhan. Tului eam ihcobehti ka dahpot nohto Tuhan, amat io eam bolum kolourih.