MATEUS 5:5 - BOWOT BOHUA

⁵ Kosanangsolamat ahkan ulun ijo randah ahtoi; Pohotala ahkan molalus bowot-Oh ahkan'ndo!

MATEUS 5:5 ပူးပေါင်းရင်းမြစ်များ

MATEUS 11:29

Numbun poretah-Ku tutang bajar tahkan Ahku, tului Ahku tuh bolomu lembai tutang randah ahtoi, mahka ihkam ahkan nginyam komangat.

MATEUS 21:5

“Mborihtarih ahkan Sion, Lahca'kam, rahat lombut ahkan'kam. Io randah ahtoi tutang nunggang, ihcokungan keledai, ihcokungan anak keledai ijo biou.”

RUMA 4:13

Pohotala nobowot ahkan Abraham tutang litingoh, ijo kolunon tuh ahkan monjadi ain Abraham. Pohotala hobowot kodorih, eam kotului Abraham te'et umba hukum agama Yahudi, tahpi kotului io percaya umba Pohotala; nyiring io tonorima bain Pohotala monjadi ulun ijo ngojorih ahtoi Pohotala.

GALATIA 5:23

Iro randah ahtoi tutang sanggup ngowasa aropoh. Eam anai hukum agama ijo ngohana hal-hal kolourih.

EPESUS 4:2

Hondakrih ihkam turus randah ahtoi, bolomu-lembai, tutang sabar. Ngorinahohrih asin'kam, honong hokodohop ihco umba ijo bohkon.

KOLOSE 3:12

Konduang anairih ukup Pohotala. Pohotala ngasih ihkam tutang mitih ihkam ahkan monjadi aiu-Oh ijo khusus. Iorih, kotuluioh ihkam harus pokarah balos ngasi, ihkam harus pios ahtoi, randah ahtoi, bolomu lembai, tutang ba'as ngarot.

1 TIMOTEUS 6:11

Tahpi ihko anairih ulun ain Pohotala, jadi ihko harus ngomahcu paringoh rih. Bousaha monjadi ulun ijo morong ang mahtan Pohotala, ijo mongabdi umba Pohotala, porocaya umba Kristus, mongasih sosama, tahan a'ang kokarot, tutang sihkap bolomu lembai.

2 TIMOTEUS 2:25

Io harus bolomu lembai majar ulun-ulun ijo rajin hokolawan; mudah-mudahan Pohotala nonga kosapet ahkan ulun-ulun orih ahkan hubah tahkan dusa-dusan iro, tutang ngosono ajaran ijo morong.

TITUS 3:2

Nuhtuirih ahkan iro mangat ara mopitnah ata'ai hojawab umba iai ka ka'a molekan mangat bojoin bojenta. Pios iro bojoin bolomu lembai toharep paring ulun.

YAKOBUS 1:21

Tului rih, dianrih nyinong kopahtuh ijo kojilok tutang ja'at. Torimarih umba randah ahtoi auh ijo tonombolam bain Pohotala ang luwang ahtoi'mu, kotului auh rih anaingina koba'as ahkan nyolamat ihkam.

YAKOBUS 3:13

Amat ang louk ihkam, anai ulun ijo pihtar tutang bobudi hondakrih io pokarahoh umba pombolum hinut, tutang hawui nguan hal-hal ijo hinut, ijo honong korandah ahtoi tutang kopihtar.

1 PETRUS 3:15

Tahpi ang luwang ahtoi'mu, hondakrih ihkam nunga ahkan Kristus kohoromatan ijo khusus, ijo tohorong umba ponuot-Oh, kolou Tuhan. Tutang hondakrih ihkam toturus bosodia, ahkan nonga auhputah ahkan nyinong ulun, ijo ngisok tohou koporocaya ijo ihkam nginaoh.

1 PETRUS 3:4

Tombalikoh, hondakrih kobohinoi'mu lombut tahkan luwang ahtoi, budi basa ijo bolomu luwah tutang teneng; orih rih kobohinoi abadi ijo paham borega numbun ponopahjah Pohotala.