MATEUS 5:28 - BOWOT BOHUA

²⁸ Tahpi huntuh Ahku nuhtui ahkan'kam: iai ka'a nopahjah ihcobehti bawi tutang lombut kojolik ahtoioh, ulun rih jari hobandung umba ulunbawi orih rih aang ahtoioh.

MATEUS 5:28 ပူးပေါင်းရင်းမြစ်များ

MATEUS 15:19

Kotului tahkan ahtoi lombut tiruk-tiruk ja'at, ijo kotuluioh ulun munu, hobandung, nguan kihal, nahkou, nonga saksi alik tutang mopitnah injahoh.

MATEUS 5:22

Tahpi huntuh, Ahku nuhtui ahkan'kam, ia-iai bosingi umba ulun bohkon, ahkan tomosara; tutang ia-iai hololea ulun bohkon ahkan tomosara ang toharep Majelis Agama. Tutang ia-iai ngohawot umba ulun bohkon, ‘Uong’, harus tonyahkah nokuh ahpui norahka.

MATEUS 5:39

Tahpi huntuh Ahku nuhtui ahkan'kam: ara malos kohiri toharep ulun ijo nguan koja'at umba'kam. Sobalik'oh amat ulun ngahpek kohcom'kam hila kotoun'kam nauh io ngahpek kohcom hila komuloi'kam ka'a.

RUMA 7:14

Ihto kota'an ijo hukum agama Yahudi, asar tahkan Roh Pohotala, tahpi ahku tuh ulun bolomu. Ahku jari ponodagang monjadi jihpon dusa.

2 PETRUS 2:14

Iro eam peda-peda nguan dusa, tutang kojolik iro iorih nopahjah bawin sundal. Tutang ulun ijo punai porocaya, tutang magun kurang yakin, iro jorat. Ahtoi iro jari pahtuh umba kokuhu. Iro anairih ulun-ulun ijo tonulut!

1 YOHANES 2:16

Kokaron angihco anai ang luwang kolunon tuh – ijo tongojolik bain tobiat ulun ijo bodusa, ijo tonohto turus tongojolik tutang ijo tonama-namamoh – paringoh anairih hal-hal ijo eam asar tahkan Amai molekan tahkan kolunon.