MATEUS 5:14 - BOWOT BOHUA

¹⁴ Ihkam anairih koloang kolunon. Lowu ijo tomangun ang pupung puruk eam dapot tonyuhuk.

MATEUS 5:14 ပူးပေါင်းရင်းမြစ်များ

YOHANES 12:36

Porocayarih umba koloang rih, kotahin koloang rih magun anai aang ihkam, mangat'kam monjadi anak-anak koloang.’’ Ulijadi Yesus nuhtui kodorih, Io hihkas tahkan anan tutang eam kani pokarah arop-Oh ahkan'ndo.

YOHANES 5:35

Yohanes rih sama umba sumbu ijo honjala tutang ngorolondang koloangoh. Bagi pondehan ohkot ihkam sanang norimaoh koboloang rih.

YOHANES 8:12

Yesus bopander hino umba ulun aro rih, hioi-Oh, ‘‘Ahku tuh koloang kolunon. Ulun ijo nutut Ahku eam ahkan nyalan aang kopindong, tahpi anaitepun koloang pombolum.’’

YOHANES 9:5

Kotahin Ahku ang kolunon tuh, Ahku rih koloang kolunon.’’

2 KORINTUS 6:14

A'ai kani monjadi barih ulun-ulun ijo eam porocaya umba Yesus, orihrih eam cocok. Amoh dahpot kopios, hobarih umba koja'at. Eam mungkin koloang hobarih umba kopindong.

PILIPI 2:15

Honong kodorih ihkam ngorinah, ijo ihkam anairih anak-anak Pohotala ijo eam bosala, ijo bolum honong tulus tutang morong ang tohun-tohun ulun ja'at tutang bodosa. Tutang aang ohkot ihkam monyiaroh ahkan ihro borihta, ijo nonga pombolum, hondakrih ihkam monjadi singah iro kolou koloang monyingah, kolunon. Amat ihkam bolum kolourih, noin anai alasan bagi'ku, ahkan komo tamam tohou ihkam, ang ohkot Yesus Kristus lombut huli. Orih buktioh ijo kolahik'ku eam sia-sia, tutang gawik'ku anai buaoh.

1 TESALONIKA 5:5

Konduang paringoh anairih ulun ijo bolum luwang koloang, ihkam barih aang hondou ijo boloang. Ihto eam ulun ijo bolum luwang kopindong ata'ai ijo barih ang ngolomi ijo pindong.

PONGORINAH 1:20

Tuhrih rahasia tahkan pihtu potion ijo ihko nohto ang longon kotouk-Ku, tutang tahkan pihtu owuh sumbu bulou, orih: Pihtu potion rih iorih molehkat-molehkat kopihtu ukup, tutang pihtu pa'an sumbu rih anairih kapihtu ukup rih.’’

PONGORINAH 2:5

Tului rih, ingatrih, eam-inon komahcu ihkam jari ngonyahtu! Hubah iou tahkan dusa-dusan'kam rih tutang nguanohrih iou inon ijo ihkam nguaioh pahtuk. Amat eam mahka Ahku ahkan lombut nokuh'kam tutang nyohpit pa'an sumbun'kam rih tahkan unukoh.