MATEUS 4:25 - BOWOT BOHUA

²⁵ Aro samasino ulun ijo ngohasu Yesus aang ohkot orih. Anai ijo lombut tahkan Galilea, anai ijo tahkan Sopulu Lowu, tahkan Yerusalem, tahkan Yudea, tutang anai hino ijo tahkan lowu ang pohoi Yordan.

MATEUS 4:25 ပူးပေါင်းရင်းမြစ်များ

MATEUS 12:15

Yesus ngotaan ijo ulun-ulun Parisi rih, niat ja'at tohimo arop-Oh. Jadi Io tulak tahkan unuk orih tutang aro ulun ngahasu Io. Turus Io ngopios paring ulun, ijo boponyahkit rih.

MATEUS 19:2

Aro ulun ngohasu Io, tutang Io ngopios iro ang anan.

MATEUS 4:15

“Tana Zebulon tutang tana Naftali ang jalan nokuh danou, pohoi Sungoi Yordan, Galilea tana bohkon Yahudi!

MATEUS 5:1

Ohkot Yesus nohto ulun aro rih, Io nuhkat nokuh pupung lukuh. Uli Io tuot, murid-murid-Oh lombut doni umba Io,

MATEUS 8:1

Yesus mosuluh tahkan pupung puruk tutang aro ulun ngohasu Io.

MARKUS 5:20

Ulun rih ka tulakbuli, tutang nopara monyiaroh, ahkan daerah Sopulu Lowu rih, inon ijo jari konuan Yesus umba io. Paring ulun helan ngonihoh.

MARKUS 6:2

Aang ondou Sabat Io nopara majar ang lohpou sombayang. Anai aro ulun ang anan. Ohkot ulun-ulun rih ngonih pongajaran Yesus, iro helan samasino. Iro nuhtui, ‘‘Tahkan umoh ulun tuh dahpot paringoh rih? Kopihtar mahcam inon tuh ijo tohko ang Io? Koloukuwoh Io nguan kahtahelan?

MARKUS 7:31

Pongohino Yesus nohtah daerah Tirus, tutang noturus ponyalai-Oh nyuru Sidon nokuh Danou Galilea. Io ngomin jalan nyuru daerah Sopulu Lowu.

LUKAS 6:17

Pongohino Yesus mosuluh tahkan puruk rih, homboh umba rasul-rasul rih, turus tondo tutang tombok ang ihco unuk ijo ngondahtah. Aang anan anai ka'a ijo kopulau hajo murid-murid-Oh ijo bohkon, tutang aro ulun ijo lombut tahkan umo-umoh tahkan hapus Yudea, tutang Yerusalem, tutang lowu-lowu Tirus tutang Sidon ijo saran tasik.

LUKAS 6:19

Paring ulun ngurah jalan nokaweh Yesus, tului anai kowasa ijo bolua tahkan behtin Yesus, ijo ngopios iro paring.