MATEUS 4:23 - BOWOT BOHUA

²³ Ang Galilea, Yesus mongodiling ang sohopus tana tutang majar ang lohpau sombayang. Io mborihta Kabar Hinut, ijo Pohotala ahkan moretah. Tutang Io ka'a ngopios ulun-ulun mondam tutang cacat.

MATEUS 4:23 ပူးပေါင်းရင်းမြစ်များ

MATEUS 11:5

Ulun bobulen tou nohto, ulun bolomu tou nyalan, ulun bobelang ijo ngoli pios; ulun borengen dahpot ngonih; ulun ijo mahtoi hoduli bolum; tutang Kabar Hinut tahkan Pohotala tonyiar ahkan ulun-ulun ijo porosbolum.

MATEUS 12:9

Yesus nohtah unuk orih, turus tulak nokuh ihco lohpou sombayang.

MATEUS 13:19

Bonyi ijo tonuhkan ang jalan, nindung ulun-ulun ijo ngonih Kabar Hinut, tohou koloukuwoh Pohotala moretah, tahpi eam solembang. Ang ja'at rih lombut tutang mosuwit inon ijo ius tomonyi ang ahtoi'ndo.

MATEUS 13:54

turus hihkas nokuh lowu-humai-Oh. Ang anan Io tulak majar ang lohpou sombayang, tutang ulun-ulun ngonih Io ang anan, helan samasino. Iro nuhtui, “Tahkan umoh ulun tuh, duon kosolembang koloutuh? Tutang tahkan amoh Io duon kowasa ahkan nguan karo-tandahelan?

MATEUS 14:14

Ohkot Yesus jahkat tahkan alut tutang nohto ulun aro rih, Io ngasi umba iro. Turus Io ngopios ulun-ulun ijo mondam ang louk iro.

MATEUS 24:14

Tutang Kabar Hinut, tohou koloukuwoh Pohotala moretah ahkan tonyiar nokuh hopus kolunon, mangat paring ulun ngonihoh. Uliorih rih ndai punai rih lombut ondoukiamat.”

MATEUS 3:2

“Hubah tahkan dusa-dusan'kam” hioioh, “tului Pohotala ahkan jion moretah kolou Lahca!”

MATEUS 9:35

Kodorih Yesus tulak hokodiling, tahkan ihco lowu ahkan lowu ijo bohkon tutang tahkan ihco dukuh nokuh dukuh ijo bohkon. Io mongajar ang lohpou-lohpou sombayang, tutang momborihta Kabar Hinut tohou koloukuwoh Pohotala moretah kolou Lahca. Io ngopios ulun-ulun ijo ngarot kokaro mahcam ponyahkit tutang cahcat behtiu.

MARKUS 1:14

Uliorih Yohanes ponosolong ang sipir, Yesus tulak nokuh Galilea, tutang nyiar Kabar Hinut tahkan Pohotala ang anan.

MARKUS 1:21

Yesus tutang murid-murid-Oh johcok ang lowu Kapernaum. Ang ondou Sabat pongooh, Yesus nyolong nokuh lohpou sombayang tutang nopara majar.

MARKUS 1:39

Tului orih Yesus tulak koumo-umoh ang hopus Galilea, tutang bokotbah ang lohpou-lohpou sombayang hawui muhko roh-roh ja'at.

MARKUS 3:10

Io ngopios kodorih aro ulun, nyiring paring ulun ijo poros hokosihki ngurah jalan ngondoni-Oh mangat duon ngendeh Io.

MARKUS 6:2

Aang ondou Sabat Io nopara majar ang lohpou sombayang. Anai aro ulun ang anan. Ohkot ulun-ulun rih ngonih pongajaran Yesus, iro helan samasino. Iro nuhtui, ‘‘Tahkan umoh ulun tuh dahpot paringoh rih? Kopihtar mahcam inon tuh ijo tohko ang Io? Koloukuwoh Io nguan kahtahelan?

MARKUS 6:6

Io helan iro eam porocaya. Pongohino Yesus tulak nokuh lowu-lowu ang hokodiling anan, tutang majar.

LUKAS 10:9

Nawas ulun-ulun ijo mondam ang lowu rih, tutang nyorihta ahkan ulun-ulun ang anan, ‘Pohotala pohos ahkan nopara moretah kolou Lahca ang tohun ihkam.’

LUKAS 13:10

Aang sino ondou Sabat, Yesus majar ang ihco lohpou sombayang.

LUKAS 16:16

Hukum ijo tononga bain Museh tutang ajaran nabi-nabi tahtap nyolung johcok aang uhun Yohanes Popondus. Tahkan ohkot orih Kabar Hinut tohou koloukuwoh Pohotala moretah kolou Lahca borihtaoh toturusoh. Tutang ulun maksa aropoh ahkan monjadi anak ukup ain Pohotala.

LUKAS 20:1

Aang sino ondou, Yesus rahat mongajar tutang mborihtaoh Kabar Hinut tahkan Pohotala ahkan ulun-ulun ang luwang Lohpou Tuhan. Imam-imam kopala, guru-guru agama, hawui okon-okon Yahudi lombut

LUKAS 4:14

Pongohuli Yesus buli nokuh Galilea; tutang Io tongowasa bain Roh Pohotala. Tarung tohou arop-Oh johcok nokuh sohapus tana rih.

LUKAS 5:17

Aang sino ondou kotihka Yesus mongajar, anai pira-pira ulun Parisi tutang guru-guru agama tuot ang anan. Iro lombut tahkan Yerusalem tutang tahkan lowu-lowu ang Galilea tutang Yudea. Kuwasa Tuhan anai ang Yesus unuk ngopios ulun-ulun poros.

LUKAS 6:17

Pongohino Yesus mosuluh tahkan puruk rih, homboh umba rasul-rasul rih, turus tondo tutang tombok ang ihco unuk ijo ngondahtah. Aang anan anai ka'a ijo kopulau hajo murid-murid-Oh ijo bohkon, tutang aro ulun ijo lombut tahkan umo-umoh tahkan hapus Yudea, tutang Yerusalem, tutang lowu-lowu Tirus tutang Sidon ijo saran tasik.

LUKAS 6:6

Aang sino ondou Sabat ijo bohkon, Yesus tulak mongajar ang lohpou sombayang. Aang anan, anai ulun ijo longoi silaioh mahtoi.

LUKAS 7:21

Ohkot rih, Yesus ngopios aro ulun, tutang muhko aro roh ja'at tutang nguan aro ulun bobulen tou nohto.

LUKAS 7:22

Jadi Yesus mutah, ‘‘Bulirih nokuh Yohanes tutang mander ahkaioh, inon ijo ihkam ngonih, tutang nohto: ulun bobulen tou nopahjah, ulun mahtoipa'ai tou nyalan, ulun ijo boponyahkit belang ijo mokorieng pios, ulun borengen ngonih, ulun mahtoi bolum huli, tutang Kabar Hinut tahkan Pohotala, jari tonyiar ahkan ulun-ulun porosbolum.

LUKAS 8:1

Eam tahi pongohuli, Yesus tulak nokuh lowu-lowu tutang kapung-kapung, mangat mborihtaoh Kabar Hinut, ijo Pohotala nopara moretah kolou Lahca. Duo balas murid-Oh homboh umba Io.

LUKAS 9:11

Tahpi kotihka ulun-ulun kota'an tohou hal rih, iro ngohasu Yesus. Io norima iro, turus bopander umba iro, tohou koloukuwoh Pohotala moretah kolou Lahca. Tutang Io ka'a ngopios ulun poros ang louk iro.

LUKAS 9:60

Yesus mutah, ‘‘Nauh ulun mahtoi ngolowong ulun mahtoioh bongoi. Tahpi ihko ngohasu Ahku tulak tutang nuhtui borihta ijo Pohotala jari nopara moretah.’’

YOHANES 18:20

Yesus mutah, ‘‘Ahku hototurus nuhtui tutang tarang-tarangan ang toharep ulun aro. Ahku hototurus majar ang lohpou-lohpou sombayang tutang ang Lohpou Pohotala, unuk ulun Yahudi bahutoh hopuhpung. Eam pu'u Ahku nuhtui dolang inon aang tonih benyem.

YOHANES 6:59

Paringoh tuh tonuhtui bain Yesus, kotihka Io majar ang lohpou sombayang ang Kapernaum.

YOHANES 7:1

Uliorihrih Yesus tulak kodiling nokuh umo-umoh ang Galilea. Io eam kani nokuh tana Yudea, bain okon-okon Yahudi ang anan bomaksud ahkan munu Io.

KESAH RASUL-RASUL 10:38

Ihkam ngota'an ijo Pohotala jari mitih Yesus ulun Nasaret rih tutang nonga ahkai-Oh roh Pohotala tutang kowasa, Ihkam kota'an ka'a ijo Yesus rih, tulak nokuh umo-umoh ahkan nguan ijo hinut; Io ngopiosoh paring ulun ijo tongowasa sehtan, tului Pohotala jari homboh Io.

KESAH RASUL-RASUL 18:4

Tahpi aang nyinong ondou Sabat, Paulus tulak bopande-pander ang lohpou sombayang ahkan nguan ulun-ulun Yahudi, tutang ulun-ulun Yunani, porocaya umba Yesus.

KESAH RASUL-RASUL 20:25

Ahku ius masap Konduang-konduang paringoh, tutang mborihta ka'a tohou koloukuwoh Pohotala moretah kolou Lahca. Huntuh ahku nanyam eam ahkan hosombang hino umba Konduang-konduang.

KESAH RASUL-RASUL 28:31

Tutang honong bohanyi io mborihta ahkan iro, tohou koloukuwoh Pohotala moretah kolou Lahca, tutang tohou Tuhan Yesus Kristus. Paulus nguanoh orih honong bebas eam aro ulun bacaoh hino.

RUMA 10:15

Tutang koloukuwohrih ulun duon ngomin borihta rih, amat iro eam tonyuhu? Ang aang Surat Borasih tonyurat koloutuh, ‘‘Eam inon kopioioh polombut ulun-ulun ijo ngomin Kabar Hinut tahkan Pohotala!’’