MATEUS 3:6 - BOWOT BOHUA

⁶ Iro mongahku karon-dusan'ndo, tutang Yohanes mopondus iro ang Sungoi Yordan.

MATEUS 3:6 ပူးပေါင်းရင်းမြစ်များ

MATEUS 3:11

Ahku mopondus ihkam umba danum, ahkan ngorinah ijo ihkam jari hubah, tahkan dusa-dusan'kam; tahpi ijo ahkan lombut uli ahku, ahkan mopondus ihkam umba Roh Pohotala, tutang baho. Io ijo hajo umba ahku. Ahkan nguwat talin sopahtu-Oh ka ahku eam gunai.

MARKUS 1:5

Paring ulun tahkan tanah Yudea tutang lowu Yerusalem tulak ngonih Yohanes. Iro ngahku dusa-dusan'ndo, tutang Yohanes mopondus iro ang Sungoi Yordan.

LUKAS 1:16

Aro ulun Israel tonitingoh buli nokuh Pohotala, Tuhan iro.

LUKAS 3:16

Orih kotuluioh Yohanes pander ahkan iro paring, ‘‘Ahku mopondus ihkam umba danum, tahpi noin ahkan lombut Ulun ijo labih hajo tahkanumba ahku. Nguhkoi talin soruhpah-Oh ka ahku eam gunai, Io ahkan mopondus ihkam umba Roh Pohotala tutang baho.

KESAH RASUL-RASUL 1:5

Tului Yohanes mopondus umba danum tahpi pira-pira ondou hino ihkam ahkan ponopondus umba Roh Pohotala.’’

KESAH RASUL-RASUL 11:16

Turus ahku ingat Tuhan nuhtui, ‘Yohanes mopondus umba danum, tahpi ihkam ahkan ponopondus umba Roh Pohotala.’

KESAH RASUL-RASUL 19:18

Aro ulun ijo jari porocaya ahkan Yesus, lombut ngahku ang toharep ulunaro, gawin-gawin iro ang wayah houn.

KESAH RASUL-RASUL 22:16

Huntuh, ara hino ngindoi dalou tahi. Kuatrih, tombok tutang tongarih arop'mu ponopondus. Na'ahrih umba Tuhan mangat ihko liwus tahkan dusa-dusa'mu.’ ’’

1 KORINTUS 10:2

Ahkan monjadi murid-murid Museh iro paringoh ponompondus ang luwang bounondou tutang ang luwang tasik rih.

KOLOSE 2:12

Kotului ang ohkot ihkam ponopondus, ihkam tonanom homboh Kristus; tutang hawui popondus orih ka'a, ihkam umba tonombolum hoduli hombo-homboh Kristus, kotului ihkam porocaya ahkan kowasan Pohotala ijo jari ngombolum Kristus tahkan popahtoi.

IBRANI 6:2

ata'ai ajaran dasar tohou popondus ata'ai tohou ngahtang longo ngosan ulun, ata'ai tohou bolum hoduli limbah mahtoi, ata'ai hukuman ijo kototahiuoh.

IBRANI 9:10

Bain upacara-upacara rih, tihkas konahomboh umba ukun, korih, tutang mahca-mahcam upacara muhi. Paringoh tihkas poroturan-poroturan ijogihtan, ijo hapan baya johcok ohkotoh Pohotala nguan pombohua.

YAKOBUS 5:16

Kotului orih, handakrih ihkam saling ngahku kosalan ihco umba ijo bohkon, honong saling bodo'a, mangat ihkam konopios. Do'a ulun ijo numbun konohuang Pohotala, tepun kowasa ijo hajo.

1 PETRUS 3:21

Nah, kojodian rih kolou tindung, tahkan pompondus ijo huntuh monyolamat ihkam. Pompondus tuh, eamrih ihco upacara momuhi behti tahkan paring ijo kojilo-jilok, molekan kolou bowot'mu umba Pohotala tahkan ahtoi bua ijo pios. Pompondus rih monyolamat ihkam kotului Yesus Kristus, jari bolum hoduli tahkan popahtoi,

1 YOHANES 1:9

Tahpi amat ihto ngahku dusa-dusan ihto ahkan Pohotala, Io ahkan molalus bowot-Oh, tutang nguan inon ijo adil. Io ahkan ngapun dusa-dusan ihto tutang ngomuhi ihto tahkan karo gawin ihto ijo sala.