8 Jele-jeleng ulun-ulun bawi rih nohtah kolowong rih. Honong nanyam mihkoh sapur jorih, iro nokoru ahkan monyiaroh hal orih ahkan murid-murid Yesus.
Uhuntuh tulak jele-jeleng, monyiaroh ahkan murid-murid-Oh, ‘Io jari bolum tutang huntuh Io tulak labih soun umba ihkam, nokuh Galilea. Ang anan ihkam ahkan nohto Io!’ Ngingat iou, inon ijo jari tonuhtui-Oh ahkan'kam.”
Songela Yesus lombut hosombang umba ulun-ulun bawi orih tutang nuhtui, “Tabe!” Turus iro nokuh ngondoni Io, uli rih ngohawon pa'ai-Oh tutang nyembah Io.
Mahka iro soluka tahkan tanom rih turus nokoru tului tokohcit tutang mihkoh. Iro eam momander ino-inon ahkan iai ka, tului mihkoh. [
Porocayalah, ihkam ahkan nangih tutang nahtum, tahpi kolunon ahkan jorih. Ihkam ahkan susah ahtoi, tahpi kosusahan ahtoi'kam rih ahkan hubah monjadi kojorih.
Kodorih ka'a umba ihkam: Huntuh ihkam susah ahtoi, tahpi Ahku ahkan hosombang hino umba ihkam, mahka ahtoi'kam ahkan paham kojorihoh; tutang eam ihcobehti ka duon ngomin kojorih rih tahkan ahtoi'kam.