MATEUS 27:54 - BOWOT BOHUA

⁵⁴ Kopala pasukan hombo-homboh umba karon-sorodadu ijo rahat monjaga Yesus uras mihkoh samasino ohkot nohto tana moruguh tutang paring ang nyolung rih. Iro nuhtui, “Tu'u-tu'u Io tuh Anak Pohotala!”

MATEUS 27:54 ပူးပေါင်းရင်းမြစ်များ

MATEUS 26:63

Tahpi Yesus tonih ih. Sino hino imam hajo ngisok umba Io, “Honong Pohotala ijo bolum, nuhtuirih ahkan 'kai. Inon Ihko Lahca Ponyolamat Anak Pohotala?”

MATEUS 27:36

Ulimba iro tuot monjaga Io ang anan.

MATEUS 27:40

Iro nuhtui, “Ihko ijo kani ngahkas Lohpou Pohotala, tutang mangunoh hino ang tolu ondou! Amat Ihko Anak Pohotala, mosuluh rih tahkan sopolahki rih, tutang nyolamat arop'mu!”

MATEUS 27:43

Io porocaya umba Pohotala tutang nuhtui ijo Io Anak Pohotala. Orih, olai ihto nohto-Oh inon rih Pohotala kani monyolamat Io uhuntuh.”

MATEUS 27:51

Dindingbenang ijo moholat, ang luwang Lohpou Tuhan borutat sila duo tahkan diang johcok pinda. Tana moruguh tutang puruk-puruk bahtu bosila.

MATEUS 4:3

Sehtan lombut tutang nuhtui, “Ihko Anak Pohotala, kowa? Nah, nyuhu bahtu-bahtu tuh monjadi luhte.”

MATEUS 8:5

Ohkot Yesus nyolong nokuh Kapernaum, ihcobehti porowira Ruma lombut nyombang Io, tutang nyawot dohop umba Io.

MARKUS 15:39

Komandan ijo tombok ang doni sopolahki rih nohto koloukuwoh Yesus palus. Komandan rih nuhtui, ‘‘Puna tu'u ulun tuh Anak Pohotala!’’

LUKAS 22:70

Iro paringoh nuhtui, ‘‘Amat kolourih, Ihko tuh Anak Pohotala?’’ Yesus mutah, ‘‘Kolourih hion ihkam.’’

YOHANES 19:7

Ulun-ulun Yahudi rih mutah, ‘‘Numbun Tourat 'kai, Io harus tonohukum mahtoi, tului Io ngahku arop-Oh Anak Pohotala.’’

KESAH RASUL-RASUL 10:1

Ang Kaisarea anai ihcobehti bahkas bogare Kornelius. Io ihcobehti kapten ‘‘Posukan Italia.’’

KESAH RASUL-RASUL 2:37

Kotihka ulun-ulun rih ngonih hal orih, ahtoi'ndo paham bolisah. Turus iro ngisok umba Petrus tutang rasul-rasul ijo bohkon. ‘‘Konduang-konduang, ihkai harus nguan inon?’’

KESAH RASUL-RASUL 21:32

Hunrih ka'a komandan ngomin pira-pira porowira tutang sorodadu turus jele-jeleng tulak hawui iro nokuh unuk porusuh rih. Aang ohkot ulun aro rih nohto komandan rih honong kawan sorodaduoh iro tondo matu Paulus.

KESAH RASUL-RASUL 23:17

Mahka Paulus na'ah ihcobehti porowira hawui nuhtui, ‘‘Omin anak-inyam tuh nokuh komandan; io kani nyorihta aangihco ahkaioh.’’

KESAH RASUL-RASUL 23:23

Pongohuli komandan rih na'ah duo behti porowira, turus io nuhtui umba iro, ‘‘Nyodia duo rahtus sorodadu, homboh pihtu pulu sorodadu hapa kuda tutang duo rahtus sorodadu hapa lunju, ahkan tulak jam sioi ngolomi tuh ka'a nokuh Kaisarea.

KESAH RASUL-RASUL 27:1

Uliius duonkopuhtusan ijo ihkai harus bolayar nokuh Italia, Paulus tutang pira-pira ulun tohanan ijo bohkon tonyarah ahkan Yulius, porowira posukan sorodadu Ruma ijo konohawot ‘‘Resimen Kaisar.’’

KESAH RASUL-RASUL 27:43

Tahpi Komandan rih mbalang niat iro rih, tului io kani nyolamat Paulus. Io nyuhu paring ulun ijo duon nangui sohowu soun, tutang nangui nokuh saran kowang;

RUMA 1:4

tahpi socara ko-Pohotala-Oh Io korinah anairih Anak Pohotala. Orih nyahta umba kobasa ijo luar biasa nguha komonyun Aiu tahkan popahtoi.

PONGORINAH 11:13

Mahka ang ohkot rih nyolung tana moruguh ijo paham. Sepersopulu kobagi tahkan lowu rih luhtek, tutang pihtu kuhjan behti palus, bain tului tana moruguh rih. Ulun-ulun bohkonoh nyolung mihkoh samasino, turus iro monara kohajon Pohotala ang soruga.