MATEUS 27:40 - BOWOT BOHUA

⁴⁰ Iro nuhtui, “Ihko ijo kani ngahkas Lohpou Pohotala, tutang mangunoh hino ang tolu ondou! Amat Ihko Anak Pohotala, mosuluh rih tahkan sopolahki rih, tutang nyolamat arop'mu!”

MATEUS 27:40 ပူးပေါင်းရင်းမြစ်များ

MATEUS 16:4

“Eaminonrih koja'atoh tutang dorhakaoh ulun-ulun jaman tuh. Ihkam nyawot Ahku nguan tandahelan ka kocoali tandahelan Nabi Yona.” Uli io nuhtui kodorih Yesus nohtah iro turus tulak.

MATEUS 26:61

Iro nuhtui, “Ulun tuh nuhtui, ‘Ahku duon ngahkas Lohpou Pohotala, tutang aang tolu ondou duon mangunoh hoduli.’ ”

MATEUS 27:41

Kolouorih ka'a imam-imam kopala tutang guru-guru agama tutang okon-okon Yahudi ngonjea Yesus. Iro nuhtui,

MATEUS 27:42

“Io monyolamat ulun bohkon, podahar arop-Oh bongoi Io eam duon nyolamatoh! Amat Io Lahcan Israel, piosrih Io uhuntuh mosuluh tahkan sopolahki orih, punan ihkai porocaya umba-Oh.

MATEUS 27:54

Kopala pasukan hombo-homboh umba karon-sorodadu ijo rahat monjaga Yesus uras mihkoh samasino ohkot nohto tana moruguh tutang paring ang nyolung rih. Iro nuhtui, “Tu'u-tu'u Io tuh Anak Pohotala!”

MATEUS 4:3

Sehtan lombut tutang nuhtui, “Ihko Anak Pohotala, kowa? Nah, nyuhu bahtu-bahtu tuh monjadi luhte.”

MATEUS 4:6

Turus sehtan nuhtui umba Io, “Ihko Anak Pohotala, kowa? Amat kodorih nomarang nokuh pinda; tului ang luwang Surat Borasih anai tonyurat koloutuh, ‘Pohotala ahkan nyuhu molehkat-molehkat-Oh ngolindung Ihko, iro ahkan noharang Ihko umba longon'ndo, mangat pa'am ka eam totungging ang bahtu.’ ”

LUKAS 16:31

Tahpi Abraham nuhtui, ‘Amat iro eam mohonau poretah Museh tutang nabi-nabi, musti iro eam ahkan porocaya ka'a, oluka anai ulun mahtoi ijo bolum huli.’ ’’

PONGORINAH 11:10

Ponduduk tana ahkan hokojorih ngosan popahtoi koduo saksi rih. Iro ahkan mestaoh tutang saling mongirim hadiah, tului koduo behti nabi rih, mopolombut aro siksa ahkan paring ulun ang tana.