MATEUS 27:2 - BOWOT BOHUA

² Iro manga Io tutang ngomin Io, turus nyarah-Oh ahkan Pilatus, gubernur pomoretah Ruma.

MATEUS 27:2 ပူးပေါင်းရင်းမြစ်များ

MATEUS 20:19

pongohino rih tonyarah ahkan ulun-ulun bohkon Yahudi. Iro ahkan hololea Io, ngoporos Io, tutang nyopolahki Io. Tahpi aang ondou tolu Io ahkan monyun hoduli.”

MATEUS 28:14

Tutang amat gubernur ngonih hal orih, ihkai ahkan ngata'u io mangat ihkam eam buah hukum konuaioh.”

LUKAS 13:1

Aang ohkot rih ulun mborihta ahkan Yesus tohou pira-pira ulun Galilea ijo ponunu Pilatus, kotihka iro rahat nonga pononga ahkan Pohotala.

LUKAS 20:20

Jadi, iro ngurah kosapet ijo pios. Iro nyuruk ulun mangat nguan kolou ulun ijo ihlas, tutang nyuhu ulun-ulun rih nyokohtung Yesus umba kisok-kisok, mangat iro duon monyarah Yesus nokuh wewenang tutang kowasa gubernur.

LUKAS 23:1

Paring ijo hopuhpung rih tombok, turus ngitot Yesus noharep Pilatus.

LUKAS 23:12

Aang ondou orih ka'a Horodes tutang Pilatus, ijo sounoh homusuh, nopara hokobuah hino.

LUKAS 3:1

Aang toun kolimo balas tahkan pomoretah Kaisar Tiberius, Pontius Pilatus monjadi gubernur ang Yudea, tutang Horodes moretah ang Galilea. Pilipus, konduang Horodes moretah ang daerah Iturea tutang Trakhonitis, kolourih ka'a Lisanias moretah ang Abilene.

YOHANES 18:12

Turus sorodadu-sorodadu Romawi honong porowira tutang ponokawan-ponokawan ulun Yahudi, nawan turus manga Yesus.

YOHANES 18:24

Pongohuli Hanas nyuhu ulun ngitot Yesus honong pangaoh nokuh Imam Hajo Kayapas.

YOHANES 18:28

Homboh ngohkos samasino iro ngomin Yesus tahkan lohpou Kayapas nokuh istana gubernur. Ulun-ulun Yahudi paringoh eam nyolong nokuh luwang istana, mangat iro eam buah pali cara agama kotului iro kani umba kuman ukun Paska.

KESAH RASUL-RASUL 12:6

Aang ngolomi houn umba Horodes ahkan mosara Petrus aang tohimo ulun aro, Petrus tiruh tomanga umba duo koliting ratai ang holang duo sorodadu ponjaga. Ang bauntukang sipir ponjaga-ponjaga bohkon ka'a sama monjaga sipir.

KESAH RASUL-RASUL 21:33

Komandan rih tulak nokuh Paulus turus nawan io, tutang nyuhu ulun manga io. Pongohuli komandan rih ngisok, tohou iai Paulus rih, inon ijo jari konuaioh.

KESAH RASUL-RASUL 22:25

Tahpi ohkot Paulus jari ponohtong ahkan ponahcat. Paulus nuhtui umba komandan ijo tombok doni anan, ‘‘Inonrih punatoukah ponahcat ihcobehti warga kelahcan Ruma soun umba io ponosara?’’

KESAH RASUL-RASUL 22:29

Wayah rih ka'a kawan-kawan sorodadu ijo kani moriksa Paulus rih balang, tutang komandan rih ka nyolung mihkoh tului io jari manga Paulus, padahal Paulus warga nogara Ruma.

KESAH RASUL-RASUL 24:27

Ulijari duo toun kotahiu Perkius Festus ngati Pelik monjadi gubernur. Tutang tului Pelik kani ngomin ahtoi ulun Yahudi, io mohonou Paulus mohcon ang luwang sipir.

KESAH RASUL-RASUL 28:20

Tutang orih kotuluioh ahku nyawot hosombang umba ihkam, mangat pande-pander umba ihkam; tului ahku tomasung kotului Ponyolamat ijo tonoharap-harap bain uhtus Israel.’’

KESAH RASUL-RASUL 3:13

Pohotala ijo tonyembah bain Abraham, Isaak, Yakub, orih Pohotala tahtu ajuh ihto. Pohotala rih jari mohoromat Jihpoi-Oh iorih Yesus. Yesus orih ijo ihkam nyarah ahkan pihak pongowasa, tutang ihkam nuduh io ang toharep Pilatus, aang ohkot Pilatus kani moliwus Io.

KESAH RASUL-RASUL 4:27

Tului puna Horodes tutang Pontius Pilatus jari hotohou umba ulun-ulun ijo eam kosono Tuhan tutang umba ulun-ulun Israel ang lowu tuh. Iro bohaum ahkan ngolawan Yesus Jihpon-Mu ijo borasih rih; ijo jari ihko potuotoh monjadi Lahca Ponyolamat.

KESAH RASUL-RASUL 9:2

tutang nyawot surat kowasa ahkan tulak nokuh okon-okon lohpou sombayang ulun Yahudi ang Damaskus, mangat amat io sombang ang anan ulun-ulun ijo porocaya umba Yesus, io tou nawan iro, turus ngomin iro nokuh Yerusalem.

1 TIMOTEUS 6:13

Tutang huntuh, ang toharep Pohotala ijo nonga hasong ahkan karo ang'co, tutang ang toharep Kristus Yesus, ijo nonga kosaksian ijo morong ahkan Pontius Pilatus, ahku nyawot tuh tahkanaang ihko.

2 TIMOTEUS 2:9

Tului mborihta Kabar Hinut orihrih, ahku ngarot; malah nyiring ahku tonoratai kolou 'cobehti ponyilau. Tahpi auh Pohotala eam dahpot tonoratai.

IBRANI 13:3

Ingatrih ulun-ulun ijo ang luwang sipir, koloujahka ihkam ka'a anai ang luwang sipir hihco iro. Tutang ulun-ulun, ijo kononguanbainulun sokohondak'ndo, hondakrih ihkam mingat umba iro, koloujahka ihkam ka'a kononguanbainulun kolourih.