MATEUS 26:74 - BOWOT BOHUA

⁷⁴ Turus Petrus nulungocahu aropoh, tutang nuhtui, “Ahku eam ngosono ulun orih!” Uhun orih ka'a dalung manuk nandu.

MATEUS 26:74 ပူးပေါင်းရင်းမြစ်များ

MATEUS 10:28

Ara mihkoh umba iro ijo duon munu behti, tahpi eam kowasa munu mboruan. Tahpi mihkoh umba Pohotala ijo kowasa morusak, pios behti kanika mboruan ang luwang norahka.

MATEUS 26:34

“Ingat,” hion Yesus umba io, “ngolomi tuh ka'a, hounumba dalung manuk nandu, tolu tikat ihko eam ngahku Ahku.”

MATEUS 26:73

Eam tahi uliorih, ulun-ulun ijo tombok ang anan lombut nokuh Petrus, tutang nuhtui, “Musti ihko anai ihcobehti tahkan iro. Orih kontara samasino tahkan auh'mu nuhtui.”

MATEUS 26:75

Tutang Petrus toingat ijo Yesus jari nuhtui umba io, “Hounumba dalungmanuk nandu, ihko tolu tikat eam ngahku Ahku.” Turus Petrus bolua, tutang nangih honong porosahtoioh.

MATEUS 27:25

Paring ulun aro rih mutah, “Yo, nauhoh ihkai tutang anak-anak 'kai nanggung hukuman ngosan popahtoi-Oh!”

MARKUS 14:30

‘‘Ingat,’’ hion Yesus, ‘‘ngolomi tuh ka'a, hounumba manuk dalung nandu duo tikat, ihko tolu tikat ngulim Ahku.’’

MARKUS 14:68

Tahpi Petrus ngalawan, ‘‘Ahku eam ta'an tutang eam horahti inon ijo konohuang'mu,’’ hioioh umba pohalu rih. Turus Petrus nokuh bauntukang lohpou imam hajo rih. [Ang wayah rih, manuk dalung nandu.]

LUKAS 22:60

Tahpi Petrus mutah, ‘‘Inon hion'mu, ahku eam ta'an!’’ Uhun rih ka'a, rahat Petrus magun hopander, dalung manuk nandu.

YOHANES 18:27

Turus Simon Petrus eam ngahku hino, ‘‘Eam,’’ – tutang pas ang ohkot rih manuk dalung nondu.

RUMA 9:3

tului Konduang-konduang'ku ijo 'coutus umba ahku. Tului ahkan iro ahku bongok rela tonulat bain Pohotala tutang hopisah tahkan Kristus.

1 KORINTUS 16:22

Ulun ijo eam sita Tuhan, nauhoh io buah tulut! MARANAHTA – Tuhan ihkai, lombut iou!

PONGORINAH 3:19

Ulun-ulun ijo Ahku ngasioh; iro ijo Ahku ningak tutang Ahku mahcatoh. Tului orih hondakrih ihkam bosomangat, tutang hubah tahkan dusa-dusan'kam.