MATEUS 26:64 - BOWOT BOHUA

⁶⁴ Yesus mutah, “Kolouorih hion'mu. Tahpi porocaya iou: nopara uhuntuh ihkam ahkan nohto Anak Ulun tuot ang sila koto'un Pohotala Ijo Mahakowasa, tutang lombut ang ngosan baunondou ang langit!”

MATEUS 26:64 ပူးပေါင်းရင်းမြစ်များ

MATEUS 16:27

Eam tahi hino Anak Ulun ahkan homboh umba molehkat-molehkat-Oh, ahkan lombut hapan kowasan Amai-Oh. Ang ohkotrih Io ahkan malos nyino-nyinong ulun sorurui umba gawiuoh.

MATEUS 16:28

Kota'anrih! Tahkan louk ihkam ang ohtoi anai ijo eam mahtoi, hounumba nohto Anak Ulun lombut kolou Lahca.”

MATEUS 22:44

‘Tuhan nuhtui umba Tuhan'ku: tuot ihko ang silan kotouk-Ku, nyiring Ahku nguan musuh-musuh-Mu monyorah umba Ihko.’

MATEUS 24:30

Ulimba rih tanda Anak Ulun ahkan gihtan ang langit. Aang ohkot rih paring uhtus ang tana ahkan nangih. Iro ahkan nohto Anak Ulun lombut ang ngosan baunondou hapan kowasa tutang kohajoi ijo hajo.

MATEUS 25:31

“Amatnoin Anak Ulun lombut kolou Lahca tongitot molehkat-molehkat-Oh. Io ahkan tuot ang ngosan pododusan aiou ijo hajo.

MATEUS 26:25

Turus Yudas pongorana rih nuhtui, “Tontu bohkon ahku ijo hion Amai Guru nituoh?” Yesus mutah, “Kolourih hion'mu!”

MATEUS 27:11

Kotihka Yesus noharep Pilatus, gubernur daerah orih, Pilatus ngisok, “Inon Ihko Lahcan Ulun Yahudi?” “Kolouorih hion'mu,” hion Yesus.

MATEUS 28:18

Yesus ngondoni iro tutang nuhtui, “Paring kowasa ang soruga tutang ang ngosan tana jari tonyorah ahkak-Ku.

MATEUS 8:20

Yesus mutah, “Tohotung anai lowangoh, tutang bulung anai kosalahoh, tahpi Anak Ulun eam aro unukoh kaling.”

MARKUS 14:62

‘‘Ahku rih Io,’’ mutah Yesus, ‘‘tutang ihkam paring ahkan nopahjah Anak Ulun tuot ang sila kotoun Pohotala Ijo Pahamkowasa tutang lombut ang baunondou ang langit!’’

LUKAS 21:27

Aang ohkot orih Anak Ulun ahkan lombut ang baunondou homboh kowasa tutang kohajoi ijo hajo.

LUKAS 22:69

Tahpi nopara tahkan huntuh, Anak Ulun ahkan tuot ang hila kotoun Pohotala Ijo Mahakowasa.’’

LUKAS 22:70

Iro paringoh nuhtui, ‘‘Amat kolourih, Ihko tuh Anak Pohotala?’’ Yesus mutah, ‘‘Kolourih hion ihkam.’’

YOHANES 18:37

Mahka Pilatus ngisok umba Io, ‘‘Amat kodorih Ihko Lahca?’’ Yesus mutah, ‘‘Ihko bongom nuhtui ijo Ahku tuh Lahca. Ahku konanak tutang lombut nokuh kolunon ahkan ihco konohuang, iorih nonga kosaksian tohou komorong. Ulun ijo tahkan komorong rih ngonih Ahku.’’

KESAH RASUL-RASUL 1:11

‘‘O, ulun-ulun Galilea,’’ hion koduo behti rih, ‘‘ombai ihkam tombok iou ang anan nokara nokuh langit? Yesus ijo ihkam nohto hogahtang nokuh soruga rih ang toharep'kam, ahkan huli hino umba cara orih ka'a, kolou ijo ihkam nohtooh nanai.’’

RUMA 14:10

Jadi, Konduang-konduang! Ahkan inon monosalan konduang'mu ijo sokoporocaya? Tutang ahkan inon Konduang ngohu io randah? Ihto paringoh ahkan noharep Pohotala ahkan ponosara.

1 TESALONIKA 4:16

Noin molehkat hajo ahkan na'ah umba auh ijo muhing, tutang sorunai Pohotala tomohpos kolou tanda aba-aba. Turus Tuhan Yesus bongoi ahkan nosuluh tahkan soruga, tutang ulun-ulun Kristen ijo jari mahtoi ahkan tongomonyun labih soun.

IBRANI 1:3

Io ijo nyingahoh kohajon Pohotala ijo gilang-gomilang; Io rih gambar ijo ngorinah tahkan behtin Pohotala bongoi. Io ka'a ijo mohaga kotehen angpindalangit tuh umba auh-Oh, ijo paham kowasai. Ulijari Io nongajalantou ulun ahkan tomorodehka tahkan dusa-dusan iro, Io monuot ang pododusan pomoretah ang soruga, samasama umba Pohotala, Pongowasa ijo palingdiang.

IBRANI 12:2

Hondakrih topahjah ihto nitu umba Yesus, bain Io ijo mbolum porocayan ihto tutang mohaga tahkan pahtuk nyiring laiu. Yesus tahan ngarot, ang kahju sopolahki! Io eam poduli ijo mahtoi, ang kahju sopolahki rih anairih angihco hal ijo ngomia. Io tihkas ingat ahkan kojorih ijo ahkan tonginyam-Oh pongohuli. Huntuh Io tuot ang sila kotuon pododusan Pohotala tutang moretah hihco umba Io.

PONGORINAH 1:7

Nohto, Io lombut ngolindung bounondou! Paring ulun ahkan nohto Io, taput ka'a iro ijo jari nyadop Io. Karon uhtus ang tana ahkan nahtum tului Io. Yo, musti! Amen!

PONGORINAH 20:11

Uliorih ahku nohto ihco pododusan puhti ijo hajo tutang Io ijo tuot ang ngosanoh. Langit tutang tana dilap tahkan husuk-Oh, nyiring eam gihtan hino.