MATEUS 26:41 - BOWOT BOHUA

⁴¹ Bojaga-jagarih, tutang bodo'a mangat ihkam ara buah tihkos. Puna Roh'kam kani nguan ijo morong, tahpi ihkam eam sanggup, tului dasar ulun tuh bolomu.”

MATEUS 26:41 ပူးပေါင်းရင်းမြစ်များ

MATEUS 24:42

Jadi borondongrih, tului ihkam eam kota'an mira Tuhan'kam ahkan lombut.

MATEUS 25:13

Turus Yesus ngo'opah porobasa-Oh rih koloutuh, “Bain tului orih jaga-jagarih, bain ihkam eam kota'an ondouoh ata'aika jamoh.”

MATEUS 26:38

Io nuhtui umba murid-murid-Oh, “Ahtoi-Ku ngoli samasino, anyamoh kolou ahkan mahtoi ih. Mohcon ihkam ang ohtoi tutang hawui bojaga-jaga umba Ahku.”

MATEUS 6:13

Ararih mohonou ihkai nihou porocaya aang ohkot ihkai tonihkos tahpi nguwat ihkai tahkan kowasa ang ja'at. [Ihkorih Lahca ijo bokowasa tutang tonohoromat nyiring turus-jahamoh. Amen.]’

MARKUS 14:38

Turus Yesus nuhtui umba iro, ‘‘Bojaga-jaga iou, tutang bodo'a ahkan ihkam eam kona tihkos. Puna roh'kam kani nguan ijo morong, tahpi behtin'kam eam sanggup, tului dasar ulun rih bolomu.’’

LUKAS 11:4

Apun karon-dusan ihkai, tului ihkai ka'a ngapun nyinong ulun ijo bosala umba ihkai. Tutang ararih mohonouoh ihkai nihou koporocaya aang ohkot ihkai tonihkos.’ ’’

LUKAS 21:36

Bojaga-jagarih, tutang bodo'a toturus ahkan ihkam ba'as noharep paring-hal ijo ahkan nyolung tutang ihkam duon noharep Anak Ulun.’’

LUKAS 22:40

Kotihka johcok ang anan, Io nuhtui umba iro, ‘‘Bodo'arih mangat ihkam ara bodusa, amat ihkam tonihkos.’’

LUKAS 22:46

Turus Io nuhtui umba iro, ‘‘Ombai ihkam tiruh? Monyun tutang bodo'a mangat ihkam eam kona tihkos.’’

LUKAS 8:13

Bonyi ijo tonuhkan ang unuk ijo bobahtuliang, nindung ulun ijo aang ohkot ngonih Kabar Hinut rih, norimaoh hawui sanang ahtoi. Tahpi Kabar Hinut rih eam muhat timbon ang ahtoi'ndo. Iro porocaya honjulu iou, tutang ang ohkot tihkas lombut, iro murtad.

RUMA 8:3

Inon ijo eam duon konuan bain hukum agama, kotului ihto ulun bolomu, orih jari konuanoh bain Pohotala. Pohotala ijo mongalah kowasa dusa luwang tobiat ulun, hawui ngirimrih Anak-Oh bongoi, ijo lombut aang koada'ai sama umba kolunon ijo bodusa, ahkan ngudap dusa.

1 KORINTUS 10:13

Nyinong tihkos ijo Konduang nyuruoh, jorih tihkos ijo kobahutoh tonyuru ulun. Tahpi Pohotala bokehtep aang bowot-Oh. Io eam ahkan mohonou Konduang tonihkos molowi tahkan kosanggup ihkam. Aang ohkot Konduang nopahas bain tihkos, Io ahkan nonga jalan ahkan'kam, ahkan nyolung ba'as mangat Konduang dahpot botahan.

1 KORINTUS 16:13

Kohondakrih ihkam borondong tutang segah ang pombolum'mu kolou ulun Kristen. Nguanaang hawui bohanyi tutang jadi ba'as.

1 KORINTUS 9:27

Ahku nolua behtik'ku bolatih honong karas nyiring ahku dahpot mongowasaoh. Ahku nguan kolouorih rih, tului ahku eam kani nyiring nyolung, ijo jari ahku ngihit ulun bohkon umba a'ang solanja rih, ahku bongok tonulak.

GALATIA 5:24

Ulun-ulun ijo ius monjadi ain Kristus Yesus, ulun-ulun rih ius munu tobiat kolunoioh hawui kokaron bolai tutang kojolikoh.

EPESUS 6:18

Nguanohrih paringoh rih sambil bodo'a ahkan nyawot pondohop tahkan Pohotala. Aang nyinong kosapet, bodo'a toturus koloukuwoh Roh Pohotala niting ihkam. Hondakrih ihkam toturus bojaga tutang ara monyorah. Bodo'a toturus ahkan paring ukup Pohotala.

1 PETRUS 4:7

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

1 PETRUS 5:8

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.

2 PETRUS 2:9

Jadi, Tuhan ta'an, koloukuwoh nyolamat'kan ulun-ulun ijo numbun konohuang-Oh, amat iro noharep tihkos-tihkos. Tutang Tuhan ngota'an, koloukuwoh ngina ulun-ulun ijo ja'at ahkan tonosiksa ang Ondou Ponosara,

PONGORINAH 16:15

‘‘Ngonihrih! Ahku lombut kolou ponahkou! Kosanangrih ulun ijo tahtap bojaga tutang mohaga hahtiuoh, nyiring io eam nyalan, hawui hoburang tutang monjadi mia, ang boun ulunaro!’’

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.