MATEUS 26:28 - BOWOT BOHUA

²⁸ Tului tuhrih daha-Ku ijo monsah bowot Pohotala – daha ijo tonusuh ahkan aro ulun ahkan pongapun dusan'ndo.

MATEUS 26:28 ပူးပေါင်းရင်းမြစ်များ

MATEUS 20:28

Sama kolou Anak Ulun rih ka'a; Io lombut eam ahkan tonohalu, tahpi ahkan mohalu, tutang nyorah hasong-Oh ahkan momordehka aro ulun.”

MATEUS 26:27

Uliorih rih Io ngomin ihco sahkir anggur, turus ngohawot do'a torimakasih ahkan Pohotala. Uliorih Io nonga sahkir orih ahkan murid-murid-Oh, hawui nuhtui, “Ngorih rih ihkam paring.

MATEUS 26:29

Porocayarih: Ahku eam ahkan ngorih anggur tuh hino nyiring ang ohkot Ahku ngorih anggur ijo bohua homboh umba ihkam ang Kolunon Bohua Ain Amai-Ku.”

MATEUS 6:12

Ngapunrih ihkai tahkan kosalan'kai, kolou ihkai jari ngapunoh ulun ijo bosala umba ihkai.

MARKUS 1:4

Kolou ijo tonyurat orih, kolouorih rih ka'a lombut Yohanes ang padang balambah. Io mopondus ulun tutang momborihta borihta tahkan Pohotala. “Ihkam harus hubah tahkan dusa-dusan'kam tutang harus ponopondus, mangat Pohotala ngapun ihkam,’’ kolourih hion Yohanes.

MARKUS 14:24

Ulimba Yesus nuhtui, ‘‘Tuhrih dahak-Ku ijo mondehen bowot Pohotala, daha ijo tonusuh'ku ahkan aro ulun.

LUKAS 22:19

Umbotrih rih Yesus ngomin luhte. Tutang uli ngohawot do'a torimakasih, Io mbagi-mbagi luhte rih umba longoi-Oh, turus nongaoh ahkan iro, tutang nuhtui, ‘‘Jihtuh behtik-Ku [ijo tonyarah ahkan ihkam. Nguanohrih koloutuh ahkan mingat Ahku.’’

LUKAS 22:20

Kolourih ka'a uli kuman, Io nonga sakir anggur rih ahkan iro tutang nuhtui, ‘‘Sakir tuh anairih bowot Pohotala ijo bohua, ijo tonosah umba dahak-Ku – daha ijo tonusuh ahkan ihkam.’’]

RUMA 5:15

Tahpi ijo koduooh rih eam sama; tului ponongan Pohotala mahcu labih kohajoi, amat tonihpong umba kototurung ijo konuan bain Adam. Kototurung ihco behti, kotuluirih aro ulun mahtoi. Eam inon labih hajo hino kojorian tahkan pononganasi Pohotala, tutang ponongan solamat ijo tononga-Oh, ahkan kodorih karon ulun nguha kohinut ahtoioh ihcobehti, yorih Yesus Kristus.

RUMA 5:19

Tutang koloukuwoh aro ulun monjadi ulun bodusa, kotului ihco behti eam te'et. Kodorih ka'a aro ulun duonjalan hokopios hoduli umba Pohotala, tului ihco behti te'et umba Pohotala.

1 KORINTUS 11:25

Kodorih hino ulimba opah kuman, Io ngomin sakir anggur hawui nuhtui, ‘‘Anggur tuh anairih, bowot Pohotala ijo bohua, tonosah umba dahak-Ku. Nyinong tikat ihkam ngorih tuh, nguanohrih tuh ahkan ngenang Ahku.’’

EPESUS 1:7

Tului, bain popahtoi Kristus, ihto tomorodehka bain Pohotala, rimai Io jari ngapun ihto tahkan dusa-dusan ihto.

KOLOSE 1:14

Bain Anak-Oh rih ihto tomorodehka; bororima dusa-dusan ihto jari tonapun.

KOLOSE 1:20

Tutang nguha Anak rih hino Pohotala momutusoh ahkan nguan kokaro ang'co hokopios hoduli umba Io, pios kokaro ang'co ijo ang tana, kanika ijo ang soruga. Pohotala nguan orih nguha popahtoi Anak-Oh ang kahju sopolahki.

IBRANI 10:29

Eaminon labih bahat hukuman ijo harus tongonyahtu ngosan ulun ijo nihcak-ngihik Anak Pohotala. Ulun rih ngohu hina daha bowot Pohotala, jorih popahtoi Kristus ijo ngomuhi-Oh tahkan dusa. Io mohina Roh nonga pononganasi.

IBRANI 13:20

Pohotala ius mombalum Tuhan ihto Yesus Kristus, tahkan popahtoi. Tului popahtoi-Oh rih Io huntuh monjadi Sokahtik Hajo bagi ihto, yorih tobiri-tobiri-Oh. Popahtoi-Oh rih ka'a monsah bowot kototahiu ijo konuan Pohotala umba ihto.

IBRANI 9:28

Kolourih ka'a, Kristus sinotikat nyorah arop monjadi porahpah ahkan mongapit dusan aro ulun. Io ahkan lombut hino aang koduo tikatoh, eam hino ahkan ngobuah soal dusa, tahpi ahkan nyolamat ulun-ulun ijo ngindoi polombut-Oh.

1 YOHANES 2:2

Honong poholat Yesus Kristus orih rih, dusa-dusan ihto tonapunoh. Tutang eamoh dusa-dusan ihto iou, molekan dusan paring ukup kolunon ka'a.

PONGORINAH 7:14

‘‘Ahku eam kota'an, Tuan, Tuan bongon ijo ta'an,’’ mutah'ku. Mahka io nuhtui umba ahku, ‘‘Tuhrih ulun-ulun ijo jari hawui solamat nguha wayah konoporos ijo hebat. Iro jari muhi jubah iro tutang napaoh monjadi puhti umba dahan Anak Tobiri rih.

PONGORINAH 7:9

Uliorih ahku nohto hino, turus gihtan tuyuk kolunon ijo holuhcak karoioh – eam anai ihcobehti ka ijo dahpot ngise jombalahoh. Iro anairih ulun-ulun tahkan nyinong uhtus, suku, nogara tutang basa. Umba hopokajan jubah ijo puhti-puhti, tutang hawui nambit da'an daun korma ang longoi, noharep pododusan tutang noharep Anak Tobiri rih.