MATEUS 26:24 - BOWOT BOHUA

²⁴ Punaoh Anak Ulun ahkan mahtoi kolou ijo tonyurat ang luwang Surat Borasih. Tahpi colahkalah ulun ijo ngarana Anak Ulun! Labih pios ahkan ulun rih, amat io eam pu'u konanak samasino!”

MATEUS 26:24 ပူးပေါင်းရင်းမြစ်များ

MATEUS 18:7

Eam inon colahkaoh kolunon tuh tului hal-hal ijo kotuluioh ulun bodusa. Puna hal-hal kolouorih ahkan hototurus anai, tahpi colahkaoh ulun ijo ngotuluirihoh!

MATEUS 26:31

Turus Yesus nuhtui ahkan murid-murid-Oh, “Aang ngolomi tuh ihkam paring ahkan nokoru nohtah Ahku; tului aang Surat Borasih tonyurat: Pohotala nuhtui, ‘Ahku ahkan munu sokahtik orih, tutang kawan tobirioh ahkan bororawuh.’

MATEUS 26:54

Tahpi amat kodorih, eam tou nyolung kolou ijo jari tonujum ang Surat Borasih ijo puna harus nyolung kolou ijo ang huntuh tuh?”

MATEUS 26:56

Tahpi puna jari koharusoh kodorih ahkan nyolung inon ijo tonyurat bain nabi-nabi ang luwang Surat Borasih.” Uliorih rih, paring murid-murid Yesus bororawuh nohtah Yesus.

MARKUS 14:21

Puna Anak Ulun ahkan mahtoi kolou ijo tonyurat ang luwang Surat Borasih. Tahpi eam inon kocolahkaoh ulun ijo motanah Anak Ulun rih! Labih pios ahkan ulun orih amat io eam pu'u konanak samasino!’’

MARKUS 9:12

Yesus mutah, ‘‘Elia puna lombut labih soun, ahkan ngomorong karo aangihco. Tahpi koloukuwoh haloh umba Anak Ulun? Inon sabab ang luwang Surat Borasih tonyurat, ijo Io ahkan aro ngarot tutang konohina ulun?

LUKAS 22:22

Anak Ulun puna ahkan mahtoi kolouumoh jari tongatuh bain Pohotala; tahpi colahka ulun ijo ngorana Ahku!’’

LUKAS 24:46

Turus Io nuhtui umba iro, ‘‘Ang Surat Borasih tonyurat tohou Lahca Ponyolamat harus ngarot, tutang harus monyun huli tahkan popahtoi aang ondou ijo kotoluoh.

YOHANES 17:12

Ang ohkot Ahku magun hihco umba iro, Ahku jari mohaga iro umba kowasa aran Amai – aran ijo Amai nongaoh ahkak-Ku. Ahku jari mohaga iro tutang eam ihcobehti ka tahkan iro nihou, kocoali io ijo puna jari kopahtutoh nihou; mangat honong orih nyolungrih inon ijo tonyurat a'ang Surat Borasih.

YOHANES 19:24

Sorodadu-sorodadu bohaum sama aropoh, ‘‘Ara ihto nohtok mbagioh jubah tuh. Olai, ihto botenung, ahkan ta'antuhkas iai ihto ijo tuo ngondahpotoh.’’ Hal orih nyolung, mangat monjadi inon ijo tonyurat a'ang Surat Borasih, yorih: ‘‘Iro ahkan hobagi-hobilah hahtik-Ku, tutang botenung ahkan jubah-Ku.’’ Tutang puna sorodadu-sorodadu rih nguan kolouorih.

YOHANES 19:28

Yesus ta'an ijo uhuntuh paringoh jari genep, tutang mangat inon ijo tonyurat a'ang Surat Borasih dahpot nyolung, Io nuhtui, ‘‘Ahku tojahbolai.’’

KESAH RASUL-RASUL 2:23

Hosorurui umba rancana-Oh bongoi, Pohotala nuhkas ahkan nyorahoh Yesus ahkan'kam. Tutang kotihka Io tonyarahoh, ihkam munu Io honong mohonou ulun-ulun ja'at mahpak Io.

KESAH RASUL-RASUL 28:23

Mahka iro tutang Paulus monahtap ihco ondou ahkan hosombang. Aang ondou orih aro ulun lombut nokuh unuk Paulus. Tahkan ngohkos johcok sohit Paulus monyorihta tutang mborihtaoh ahkan'ndo tohou Kabar Hinut koloukuwoh Pohotala momorentah kolou Lahca. Hapan ayat-ayat tahkan Buhku Museh tutang Buhku Nabi-nabi, Paulus ngurah jalan nguan iro porocaya tohou Yesus.

KESAH RASUL-RASUL 4:28

Iro hihco ahkan nguan kokaro aang'co, ijo Ihko jari nyodiaoh labih houn, jarih ahkan nyolung. Tutang Ihko nahtap orih isun kowasa tutang kokani-Mu bongom.

1 KORINTUS 15:3

Inon ijo ahku mborihtaoh ahkan Konduang-konduang, anairih ijo jari ahku norima ka'a. Ijo boguna, kolou ijo tonyurat a'ang Surat Borasih, ahku nyiaroh ahkan'kam ijo Kristus mahtoi kotului dusa-dusan ihto,