MATEUS 26:18 - BOWOT BOHUA

¹⁸ Yesus mutah, “Tulak nokuh ihcobehti ang lowu tutang nuhtui umba io, ‘Hion Amai Guru, jari johcok ohkotoh ahkak-Ku: Ahku kani napa pesta Paska ang lohpou'mu homboh umba murid-murid-Ku!’ ”

MATEUS 26:18 ပူးပေါင်းရင်းမြစ်များ

MATEUS 21:3

Amat anai ulun ngisok ang ihkam, nuhtui ahkaioh, ‘Tuhan kani hapaoh,’ mahka ulun rih jeleng nyuhu tutang mohonou keledai rih tongomin.”

MATEUS 23:10

Tutang ara ihkam kani tona'ah ulun ‘Okon’, tului okon tihkas anai ihco, io rih Lahca Ponyolamat ijo tonobowot bain Pohotala.

MATEUS 23:8

Tahpi ihkam ara kani tona'ah, ‘Amai Guru,’ bain Guru'kam, tihkas anai ihco tutang ihkam paring hokonduang.

MATEUS 26:19

Murid-murid Yesus numbun inon ijo sonuhu Yesus ahkan'ndo. Iro tulak monyodia ukun Paska rih.

MATEUS 26:2

“Ihkam kota'an duo ondou hino Ondou Hajo Paska, tutang Anak Ulun ahkan tonyarah ahkan tonahpak ang sopolahki!”

MATEUS 26:49

Kodorih johcok ang unuk orih Yudas turus tulak nokuh Yesus, tutang nuhtui, “Tabe, Amai Guru!” turus io mongohcom Yesus.

MARKUS 5:35

Pondehan Yesus bopander, pira-pira ulun ijo sonuhu tahkan lohpou Yairus, ‘‘Anak tuan jari palus,’’ hion iro umba Yairus. ‘‘Eam usah tuan ngobo'o Amai Guru hino.’’

LUKAS 22:53

Nyinong ondou Ahku anai ang louk ihkam ang Lohpou Tuhan, ihkam eam nawan Ahku. Tapi huntuh johcok ohkotoh ihkam nguaioh, kotihka kowasa kopindong nguan gawiu.’’

YOHANES 11:28

Ulimba Marta nuhtui kodorih, io tulak na'ah Maria, konduangoh hawui sino-sinok umba io, ‘‘Amai Guru anai ang ohtoi; Io ngisok ihko.’’

YOHANES 12:23

Yesus nuhtui umba doro, ‘‘Jari ohkotoh Anak Ulun konohajo.

YOHANES 13:1

Ihcoondou sounumba tahkan Ondou Pesta Paska, Yesus jari ta'an ijo jari ohkotoh Io ahkan nohtah kolunon tuh ahkan buli nokuh Amai-Oh. Io ngasih umba ulun-ulun ijo monjadi aiu-Oh ang kolunon tuh, tutang Io tohtap ngasih iro nyiring ko-opahoh.

YOHANES 17:1

Uli hopander kolouorih, Yesus nokara nokuh langit tutang nuhtui, ‘‘Amai, huntuh jari johcok ohkotoh. Pohajoohrih Anak-Mu, mangat Anak-Mu ka mopohajo Amai.

YOHANES 20:16

Yesus nuhtui umba io, ‘‘Maria!’’ Maria ngulos nohto Yesus turus nuhtui aang tuhtui Ibrani ‘‘Rabuni!’’ (Rimai ‘‘Guru’’.)

YOHANES 7:30

Aang wayah rih iro jolik nawan Yesus, tahpi eam aro ijo bohanyi nambit Io, tului jaham johcok ohkotoh.

YOHANES 7:6

‘‘Jaha ohkotoh ahkak-Ku,’’ hion Yesus umba iro, ‘‘tahpi ahkan'kam nyinong ohkot uras tou.

YOHANES 7:8

Tulak ihkam nokuh pesta orih, Ahku eam tulak, tului jaham ohkotoh ahkak-Ku.’’