MATEUS 25:6 - BOWOT BOHUA

⁶ Tohun ngolomi, kolawui konahan auh lahap, ‘Ponganten bahkas lombut! Has naharang io!’

MATEUS 25:6 ပူးပေါင်းရင်းမြစ်များ

MATEUS 24:31

Sorunai hajo ahkan tomohpos muhing tutang Anak Ulun ahkan nyuhu molehkat-molehkat-Oh nipun uhkup-Oh, tahkan ko ohpat puhting kolunon, tahkan topahkan langit 'jo ihco, johcok topahkan langit ijo bohkon.”

MATEUS 24:44

Bain orih, ihkam ka'a harus bosodia-sodia. Tului Anak Ulun ahkan lombut aang wayah ijo eam ihkam kota'aioh.”

MATEUS 25:1

“Amatmira Anak Ulun lombut kolou Tuhan, koada'ai kolou a'ang porobasa tuh: Sopulu anakdara naharang ponganten nyinong-behti ngomin sumbu, turus tulak naharang ponganten bahkas.

MATEUS 25:31

“Amatnoin Anak Ulun lombut kolou Lahca tongitot molehkat-molehkat-Oh. Io ahkan tuot ang ngosan pododusan aiou ijo hajo.

MATEUS 25:5

Ponganten bahkas rih lombut dandah, jadi karon-anakdara nopara nundu turus tiruh.

MATEUS 25:7

Sopulu anakdara rih monyun, tutang nutang sumbu'ndo.

LUKAS 12:20

Tahpi Pohotala nuhtui umba io, ‘Oi uong! Ngolomi tuh ka'a ihko ahkan mahtoi, turus iairih ijo ahkan tepun paring ponahtou'kam ijo jari tonipun'kam ahkan arop rih?’

LUKAS 12:46

mahka tuanoh ahkan buli aang ondou tutang jam ijo eam tongohu-ngohu. Tutang pohalu rih ahkan duon hukuman ijo bahat bain tuanoh, tutang ngindiu hihco umba ulun-ulun ijo eam te'et ahkan Pohotala.

1 TESALONIKA 4:16

Noin molehkat hajo ahkan na'ah umba auh ijo muhing, tutang sorunai Pohotala tomohpos kolou tanda aba-aba. Turus Tuhan Yesus bongoi ahkan nosuluh tahkan soruga, tutang ulun-ulun Kristen ijo jari mahtoi ahkan tongomonyun labih soun.

2 PETRUS 3:10

Tahpi Ondou polombut Tuhan ahkan johcok kolou ponahkou. Ang Ondou rih, langit ahkan dilap honong auh ngorutung, tutang ramun-ramun ang langit ahkan lingis bosaha, tutang tana hawui paring ijo anai ang luwangoh ahkan dilap.

PONGORINAH 16:15

‘‘Ngonihrih! Ahku lombut kolou ponahkou! Kosanangrih ulun ijo tahtap bojaga tutang mohaga hahtiuoh, nyiring io eam nyalan, hawui hoburang tutang monjadi mia, ang boun ulunaro!’’