MATEUS 25:34 - BOWOT BOHUA

³⁴ Pongohuli Lahca rih nuhtui umba ulun-ulun ang hila koto'ui-Oh, ‘Nokuhohtoi ihkam ijo tomorehkat bain Amai-Ku. Nyolong nokuh Kolahca'an ijo tonyodia ahkan'kam tahkan pahtuk kolunon.

MATEUS 25:34 ပူးပေါင်းရင်းမြစ်များ

MATEUS 13:35

Tului kodorih nyolung ijo tonuhtui bain nabi, “Ahku hapan porobasa amat hopander umba iro; Ahku ahkan momborihta hal-hal ijo bosuhuk tahkan uhun tona'oioh tana tuh.”

MATEUS 19:29

Tutang nyinong ulun ijo jari nohtah lohpou, ata'ai konduangoh bahkas ata'ai bawi, ata'ai inai amai, ata'ai anak-anak, ata'ai umoi tului Ahku, ulun rih ahkan norima hoduli sorahtus lihpet. Tutang io ahkan norima ka'a pombolum sojahti tutang kototahiu.

MATEUS 20:23

Yesus nuhtui, “Puna ihkam ahkan ngorih ka'a tahkan sakir-Ku. Tahpi tohou iai ijo tuot ang komuloi tutang kotouk-Ku orih eam Ahku ijo bohak nuhkasoh. Unuk-unuk rih anairih ahkan ulun-ulun, ijo jari tonuhkas bain Amai-Ku.”

MATEUS 21:5

“Mborihtarih ahkan Sion, Lahca'kam, rahat lombut ahkan'kam. Io randah ahtoi tutang nunggang, ihcokungan keledai, ihcokungan anak keledai ijo biou.”

MATEUS 25:21

‘Hinut,’ hion tuan rih, ‘ihko tuh pohalu ijo pios tutang sotia tului ihko duon konoharap umba ijo isut, ahku ahkan morocaya ihko ijo aro ahkan'mu. Nyolongrih tutang umbarih jorih-jorih homboh ahku!’

MATEUS 25:23

‘Hinut,’ hion tuan rih, ‘ihko jihpon ijo morong tutang sotia. Tului ihko duon konoharap umba ang isut, ahku morocaya ijo aro ahkan'mu. Nyolongrih tutang umbarih jorih-jorih homboh ahku!’

MATEUS 25:40

Lahca rih ahkan mutah, ‘Kota'an ih; ohkot ihkam nguan hal orih sinoka umba anai ihcobehti, tahkan konduang-konduang-Ku ijo paling hina, rimai ihkam jari nguaioh umba Ahku!’

MATEUS 25:41

Turus Lahca rih ahkan nuhtui umba ulun-ulun ang hila komuloi-Oh, ‘Hahtun tahkan ohtoi, jahanam! Nyolong nokuh luwang baho ijo eam tou bolop, ijo jari nyodia ahkan sehtan tutang molehkat-molehkatoh!

MATEUS 27:37

Ang diang kuhung-Oh iro nokehpan surat tohou dawa toharep Io, yorih: “Jituh Yesus Lahcan Ulun Yahudi.”

MATEUS 3:2

“Hubah tahkan dusa-dusan'kam” hioioh, “tului Pohotala ahkan jion moretah kolou Lahca!”

MATEUS 5:19

Bain kotului orih, ia-iai molanggar anai ihco, tahkan louk poretah-poretah orih, oluka ijo pongokoikoh tutang majar ulun nguan kodorih ka'a, ahkan jadi ijo paling pongokoik ang louk uhkup ain Pohotala. Sobalikoh, ia-iai molalus poretah-poretah orih tutang majar ulun bohkon nguan kodorih ka'a, ahkan monjadi hajo ang louk uhkup ain Pohotala.

MARKUS 10:17

Ohkot Yesus noturus hino ponyalai-Oh, ihcobehti lombut nokoru nokuh Yesus. Ulun orih suhkuntu'ut ang tohimo Yesus tutang ngisok, ‘‘Guru ijo morong, ahku harus nguan inon, mangat dahpot norima pombolum ijo sojahti tutang kototahiu?’’

MARKUS 10:40

Tahpi tohou iai ijo ahkan tuot ang koto'u ata'ai komuloi-Ku, orih eam Ahku ijo bohak ngahtuh. Pohotala ijo ngahtuhoh ia-iai ijo ahkan tuot ang unuk-unuk orih.’’

LUKAS 11:28

Tahpi Yesus mutah, ‘‘Labih sanang hino ulun ijo ngonih auh Pohotala tutang norimaoh!’’

LUKAS 11:50

Pohotala nguan kolourih, mangat ulun-ulun jaman tuh tomohukum tului munu ijo konuai tohimo paring nabi tahkan kolunon tona'oi,

LUKAS 12:32

‘‘Ihkam ijo tihkas koik jamalahoh ara mihkoh! Tului Amai'kam sanang nonga ahkan'kam borehkat tahkan Pomoretah-Oh.

LUKAS 19:38

Iro bosurak, ‘‘Mborehkatrih Lahca ijo lombut a'ang aran Tuhan! Kojorih ang soruga tutang horomat ahkan Pohotala!’’

YOHANES 1:49

‘‘Amai Guru,’’ hion Natanael, ‘‘Amai anairih Anak Pohotala! Amai rih Lahca uhtus Israel!’’

YOHANES 12:13

Mahka ulun aro ngomin doun-doun koruma turus hihkas naharang Io hawui bososurak, ‘‘Tararih Pohotala! Tomorehkatrih Io ijo lombut ngosan aran Tuhan. Tomorehkatrih Lahca Israel!’’

YOHANES 17:24

Amai, Ahku jolik mangat iro, ijo Amai nongaoh ahkak-Ku, anai hihco Ahku ang unuk Ahku anai, mangat iro nohto kohajon aik-Ku; iorih kohajon ijo Amai nongaoh ahkak-Ku, kotului Amai ngasih Ahku sounumba kolunon tuh tona'oi.

YOHANES 19:15

Iro bokociak-ciak, ‘‘Munu Io! Munu Io! Mahpak Io!’’ Pilatus ngisok, ‘‘Pahtutkah ahku mahpak lahcan'kam?’’ Imam-imam kopala mutah, ‘‘Tihkas Kaisar ihco-ihcooh ijo puna lahcan ekai!’’

KESAH RASUL-RASUL 15:18

ijo jari mborihta ang rih pahtukoh lomoi.’’

KESAH RASUL-RASUL 3:26

Orih kotuluioh Pohotala ngopili Jihpoi-Oh turus nyuhu Io lombut nokuh ihkam paling houn, mangat Io mborehkat ihkam. Caraoh Io mborehkat ihkam, iorih, hawui nguan Konduang-konduang paring hubah tahkan cara pombolum ijo ja'at.’’

RUMA 8:17

Nah, amat ihto anairih anak-anak-Oh, mahka ihto ka norima waris-Oh ijo tonahtap bain Pohotala ahkan anak-anak-Oh. Ihto ahkan norima hombo-homboh umba Kristus inon ijo jari tonahtap Pohotala ahkai-Oh, tului amat ihto ngarot umba Kristus, ihto ahkan tonohoromat ka'a homboh Io.

1 KORINTUS 15:50

Konohuang'ku, Konduang-konduang, iorih; behti ijo tonapa tahkan daha tutang usi, eam dahpot nyolong Kolunon Bohua Ain Pohotala; tutang behti ijo dahpot mahtoi, eam dahpot monjadi abadi.

1 KORINTUS 2:9

Tombalikoh, hal rih, anai kolou auh ijo tonyurat aang Surat Borasih, ‘‘Inon ijo eam pu'u tonopahjah ata'ai konahan kobain ulun, tutang eam pu'u hino lombut aang tiruk ulun orih ijo tonahtap Pohotala ahkan ulun-ulun ijo sita Io.’’

1 KORINTUS 6:9

Kota'ankah ihkam ijo ulun-ulun, ijo eam numbun konohuang Pohotala, eam ahkan monjadi anak ukup Pohotala? Ara kona alik! Ulun-ulun ijo nguan kokihal, ulun-ulun ijo nyembah songiang, ijo pohobandung, ijo nguan gawiou ijo momi'a toharep sama tapaioh,

GALATIA 5:21

hawui hiri ahtoi, bobusau, pesta borami-rami tutang ijo bohkonoh. Toharep paringoh orih, ahku mopingat ihkam, huntuh koloukuwoh ahku mopingat ihkam lomoi ka'a, ijo ulun-ulun ijo nguan hal-hal kolourih eam ahkan monjadi anak ukup Ain Pohotala.

EPESUS 5:5

Nohtoani pio-pios; ulun ijo hadatdasar kihal, ata'ai eam sanonoh, ata'ai bokuhu, (hadatdasar kodorih sama iou umba nyembah dewa) ulun rih eam tou monjadi anak ukup ijo tomoretah bain Kristus tutang Pohotala.

1 TESALONIKA 2:12

Ihkai ningak ihkam, ihkai nonga juhung ahkan ihkam, tutang ihkai hojojuan mangat ihkam bolum kodorih kolou, nyiring monyanang ahtoi Pohotala. Tului Pohotala ius na'ah ihkam, monjadi warga Kolunon Bohua ain Pohotala tutang nginyam karon-kohajoi-Oh.

2 TIMOTEUS 2:12

Amat ihto tohtap tabah, ihto ahkan moretah ka'a homboh Io. Amat ihto ngulim Io, Io ka ahkan ngulim ihto.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

IBRANI 1:14

Amat kolourih molehkat-molehkat rih, inon kotu'uioh? Iro anairih roh-roh ijo mohalu Pohotala, tutang ijo sonuhu Pohotala ahkan dohop ulun-ulun ijo ahkan norima kosolamatan.

IBRANI 11:16

Tahpi korinahoh, iro rindu umba 'cokobawak lowu ijo labih hinut, iorih lowu ang soruga. Orihrih kotuluioh Pohotala eam mia amat iro ngohawot Io Pohotalan'ndo, bain Pohotala jari nahtap ihcokobawak lowu bagi iro.

IBRANI 4:3

Tahpi ihto ijo porocaya norima nondobo'o ijo tonobowot Pohotala rih. Orih tohorong umba inon ijo tonuhtui Pohotala koloutuh. ‘‘Ahku bosingi tutang nulut. ‘Iro eam ahkan nyolong ahkan norima ponondobo'o homboh Ahku.’ ’’ Pohotala nuhtui koloutuh, oluka gawiu-Oh ius ohpah, tahkan Io naoi kolunon tuh.

IBRANI 9:26

Tului amat kolourih, orih rimai: Io jari dulangduli ngarot, tahkan kolunon tuh tona'oi. Tahpi korinahoh, huntuh aang jaman laiu tuh, Io lombut sinotikat iou ahkan mongapit dusa hawui monyorah arop-Oh bongoi.

YAKOBUS 2:5

Ingatrih, Konduang-konduang ijo tonokasih. Ulun ijo porosbolum ang kolunon tuh, tonopili Pohotala ahkan monjadi ulun ijo tahtou a'ang kaporocaya. Ulun-ulun rih ahkan monjadi ukup ain Pohotala, kolou ijo tonobowot Pohotala ahkan ulun ijo mongasih-Oh.

1 PETRUS 1:9

Tului titun koporocaya'kam johcok, yorih, kosolamatan homboruan'mu.

1 PETRUS 3:9

Ara malos koja'at umba koja'at, ata'ai cahci-mahki umba cahci mahki; sobalikoh malos rih umba nyawot borehkat tahkan Pohotala. Bain Pohotala na'ah ihkam, justru mangat ihkam norima borehkat tahkan umba-Oh.

PONGORINAH 13:8

Ohcin rih ahkan tononyembah bain paring ulun ijo bolum ang ngosan tana, kocoali ulun-ulun ijo araioh jari tonoliting hounumba kolunon tona'oi, ang luwang surat ulun bolum ain Anak Tobiri ijo ius tonyombolih.

PONGORINAH 17:8

Ohcin rih lomoi pu'u bolum, tahpi huntuh eam bolum hino. Io honjulu hino ahkan soluka tahkan lowang popahtoi tutang ahkan tulak nitu korusak. Ulun-ulun ijo bolum ang tana ijo araioh eam tonolihting luwang Surat Ulun Bolum hountahkan kolunon tona'oi ahkan helan amat nohto ohcin rih. Tului ohcin rih, lomoi pu'u bolum. Huntuh io eam bolum hino, tahpi io ahkan lombut hoduli.

PONGORINAH 19:16

Aang jubah-Oh, tutang aang sahpak-Oh tosurat aran rih, ‘‘Lahca kokaron lahca, tutang Tuhan kokaron tuan.’’

PONGORINAH 21:7

Ulun-ulun ijo manang ahkan norima hal-hal rih tahkanumba Ahku. Ahku ahkan monjadi Pohotalaioh, tutang io monjadi anak-Ku.

PONGORINAH 5:10

Ihko jari ngonjodian iro ihco uhtus khusus imam-imam, mangat iro mohalu Pohotalan ihto tutang moretah ang ngosan tana.’’