MATEUS 25:10 - BOWOT BOHUA

¹⁰ Mahka anakdara-anakdara ijo baleh rih tulak moli minyak. Pondehan iro tulak, ponganten bahkas lombut. Kolimo anakdara ijo jari bohahtiu rih nyolong hombo-homboh umba pongaten bahkas nokuh unuk pesta, tutang bauntukang konohuit!

MATEUS 25:10 ပူးပေါင်းရင်းမြစ်များ

MATEUS 24:42

Jadi borondongrih, tului ihkam eam kota'an mira Tuhan'kam ahkan lombut.

MATEUS 24:43

Ingat rih tuh! Jahkaoh tuan lohpou kota'an jam pira ang ngolomi ondou ponahkou ahkan lombut, io eam ahkan tiruh mangat ponahkou eam nyolong nokuh lohpouoh.

MATEUS 24:44

Bain orih, ihkam ka'a harus bosodia-sodia. Tului Anak Ulun ahkan lombut aang wayah ijo eam ihkam kota'aioh.”

MATEUS 25:6

Tohun ngolomi, kolawui konahan auh lahap, ‘Ponganten bahkas lombut! Has naharang io!’

MATEUS 7:21

“Eam paring ulun ijo na'ah Ahku, ‘Tuhan, Tuhan’, ahkan nyolung anak uhkup Pohotala, tahpi baya ulun-ulun ijo numbun kohondak Amai-Ku ijo ang soruga.

LUKAS 12:35

‘‘Bojaga-jaga nohimo nyinong hal. Ihkam harus hototurus botahtap hopokajan tutang sumbu'kam hototurus bolum,

LUKAS 13:25

Aang ohkot tuan lohpou monyun tutang ngatop bauntukangoh, ihkam magun tombok ang luar tutang nopara ngahtok-ngahtok sambir nuhtui, ‘Tuan nguap bauntukang ahkan ihkai!’ Tuan rih ahkan mutah, ‘Ahku eam ngota'an ihkam lombut tahkan umoh!’

KOLOSE 1:12

tutang hawui ngohawot torimakasih ahkan Amai. Kotului Amai orihrih ijo nguan ihkam harus norima inon ijo tonyodia Pohotala ahkan ukup-Oh ang luwang kolahca'ai-Oh ijo boloang.

2 TIMOTEUS 4:8

Tutang huntuh hodiah komanang ngindoi ahku. Aang Ondou Kiamat, Tuhan, Hakim ijo adil rih ahkan monyarah hodiah orih ahkak'ku, tului ahku bolum hokopios umba Pohotala. Tutang eam ahku iou ijo ahkan norima hodiah rih, tahpi ka'a paring ulun ijo ngindoi polombut Tuhan hawui paham rindu.

1 PETRUS 1:13

Bain rih, hondakrih ihkam siap sodia. Bojaga iou tutang boharaprih sotuwioh aang borehkat ijo ahkan tononga ahkan'mu aang ohkot Yesus Kristus lombut noin.

PONGORINAH 1:7

Nohto, Io lombut ngolindung bounondou! Paring ulun ahkan nohto Io, taput ka'a iro ijo jari nyadop Io. Karon uhtus ang tana ahkan nahtum tului Io. Yo, musti! Amen!

PONGORINAH 19:7

Olairih ihto jori-jorih tutang sanang; olairih ihto momuji kohajoi-Oh! Kotului jari johcok ondou pongawin ijo nambit galar Anak Tobiri rih, tutang pongahten-Oh jari tahtap molalus pongawin-Oh.

PONGORINAH 22:20

Io ijo mborihtaoh paring borihta tuh homouh, ‘‘Morong, Ahku ahkan bojoin lombut!’’ Amen! Lombut iou o Tuhan Yesus!