MATEUS 24:9 - BOWOT BOHUA

⁹ Pongohuli ihkam ahkan tonawan, tutang tonyarah ahkan tonyiksa, tutang tomunu. Hopus kolunon ahkan bosingi ihkam, tului ihkam murid-Ku.

MATEUS 24:9 ပူးပေါင်းရင်းမြစ်များ

MATEUS 22:6

tutang ijo bohkonoh hino nawan pohalu lahca rih, turus nahup tutang munu iro.

MATEUS 23:34

Ngonihrih tu'u-tu'u: Ahku ahkan ngirim nabi-nabi, ulun-ulun pitar tutang guru-guru; ihcokobarih tahkan iro ahkan ihkam munuoh, tutang ihcokobarih ijo bohkon, ahkan ihkam nyalipoh. Anai ijo ahkan ihkam nyiksaoh ang lohpou-lohpou sombayang, tutang ihkam hodulu-duluoh tahkan ihco lowu nokuh lowu ijo bohkon.

LUKAS 11:49

Orih tuluioh, Kopihtar Pohotala nuhtui, ‘Ahku ahkan ngirim ahkan iro nabi-nabi tutang suruhan-suruhan-Ku; tongai tomunu tutang tongai tonoporos!’

LUKAS 21:12

Tahpi soun paringoh orih nyolung, ihkam ahkan tonawan tutang tonoporos. Ihkam ahkan ponosara ang lohpou-lohpou sombayang tutang ponosolong nokuh luwang sipir. Tutang ihkam ahkan tonyeret nokuh toharep lahca-lahca, tutang pongowasa-pongowasa, kotului ihkam rih murid-Ku.

YOHANES 15:18

‘‘Amatmira kolunon ngohiri ihkam, pios ingat ijo Ahku jari labih houn tongohiri bain kolunon.

YOHANES 15:21

Paringoh rih ahkan iro nguaioh toharep ihkam, tului ihkam murid-Ku, bain iro eam ngosono Io ijo nyuhu Ahku.

YOHANES 16:2

Ihkam ahkan tonyoluka tahkan lohpou-lohpou sombayang. Tutang ahkan lombut ohkotoh ijo ulun ijo munu ihkam, ahkan ngohu io mongabdi ahkan Pohotala.

KESAH RASUL-RASUL 28:22

Tahpi ihkai jolik ka'a ngonih tohou koporocaya Konduang, tului ihkai paring jari ngonih, ulun moncela ajaran ijo Konduang nambit rih.’’

KESAH RASUL-RASUL 7:59

Pondehan iro mukah Stepanus umba bahtu, Stepanus na'ah, ‘‘Tuhan Yesus norimaoh roh'ku!’’

1 PETRUS 4:16

Tahpi amat ihkam ngarot bain ihkam ulun Kristen, ara mia tului hal rih. Botorimakasihrih umba Pohotala, ijo ihkam ngomin aran Kristus.

PONGORINAH 2:10

Ara mihkoh umba karot ijo eam tahi hino ihkam harus nyuruoh. Ingat, Sehtan ahkan moposolong ihcokobagi tahkan ihkam, koluwang sipir ahkan mouji ihkam. Ihkam ahkan mongarot sopulu ondou kotahiuoh. Hondakrih ihkam bokehtep umba Ahku nyiring mahtoi, mahka Ahku ahkan nonga ahkan'mu pombolum sojahti tutang kototahiu kolou hadiah komanang.

PONGORINAH 2:13

Ahku ta'an ang umoh ihkam mohcon, io-rih ang unuk sehtan bopododusan. Ihkam te'et umba Ahku. Malah kotihka Antipas, saksi aik-Ku ijo te'et rih, tomunu ang toharep ihkam ang luwang markas Sehtan, ihkam eam ngulim ijo ihkam porocaya umba Ahku.

PONGORINAH 7:14

‘‘Ahku eam kota'an, Tuan, Tuan bongon ijo ta'an,’’ mutah'ku. Mahka io nuhtui umba ahku, ‘‘Tuhrih ulun-ulun ijo jari hawui solamat nguha wayah konoporos ijo hebat. Iro jari muhi jubah iro tutang napaoh monjadi puhti umba dahan Anak Tobiri rih.