MATEUS 24:43 - BOWOT BOHUA

⁴³ Ingat rih tuh! Jahkaoh tuan lohpou kota'an jam pira ang ngolomi ondou ponahkou ahkan lombut, io eam ahkan tiruh mangat ponahkou eam nyolong nokuh lohpouoh.

MATEUS 24:43 ပူးပေါင်းရင်းမြစ်များ

MATEUS 14:25

Holang jam tolu umba jam onam topolaoi, Yesus lombut nokuh iro nyalan ang ngosan danum.

MATEUS 20:11

Kotihka norima duit orih iro bokuhtuk umba tepun pombulan rih:

MATEUS 24:42

Jadi borondongrih, tului ihkam eam kota'an mira Tuhan'kam ahkan lombut.

MATEUS 24:44

Bain orih, ihkam ka'a harus bosodia-sodia. Tului Anak Ulun ahkan lombut aang wayah ijo eam ihkam kota'aioh.”

MATEUS 25:10

Mahka anakdara-anakdara ijo baleh rih tulak moli minyak. Pondehan iro tulak, ponganten bahkas lombut. Kolimo anakdara ijo jari bohahtiu rih nyolong hombo-homboh umba pongaten bahkas nokuh unuk pesta, tutang bauntukang konohuit!

MATEUS 25:13

Turus Yesus ngo'opah porobasa-Oh rih koloutuh, “Bain tului orih jaga-jagarih, bain ihkam eam kota'an ondouoh ata'aika jamoh.”

MARKUS 13:35

Tului orih ihkam harus bojaga-jaga, bain ihkam eam kota'an mira tepun lohpou orih ahkan buli – mihkohtou aang sohit ondou, mihkohtou aang tohun ngolomi, mihkohtou aang ohkot topolaoi, ata'ai mihkohtou aang ohkot mahtanondou lombut.

MARKUS 6:48

Yesus nohto iro ujuh tu'u meseu alut rih tului bahiu hokolawan umba ulung alut. Tului rih kira-kira holang jam tolu tutang jam onom topolaoi, Yesus lombut nokuh iro nyalan ang isun danum. Tutang Io nyalan turus kolo-kolou nokalou iro.

LUKAS 12:38

Eaminonrih koutungoh pohalu-pohalu orih, amat tuanoh rih nyombang iro rahat tahtap ngindoi, oluka tuan rih lombut ang tohun ngolomi ata'ai labih dandah umba orih!

LUKAS 12:39

Ingatrih tuh! Jahkaoh, tuan lohpou rih ta'an jam pira ponahkou lombut, io ahkan monjaga mangat ponahkou eam duon nyolong nokuh luwang lohpouoh.

LUKAS 21:36

Bojaga-jagarih, tutang bodo'a toturus ahkan ihkam ba'as noharep paring-hal ijo ahkan nyolung tutang ihkam duon noharep Anak Ulun.’’

PONGORINAH 16:15

‘‘Ngonihrih! Ahku lombut kolou ponahkou! Kosanangrih ulun ijo tahtap bojaga tutang mohaga hahtiuoh, nyiring io eam nyalan, hawui hoburang tutang monjadi mia, ang boun ulunaro!’’

PONGORINAH 3:3

Jadi, ingat rih hoduli ahkan inon ijo jari tongajar ahkan'kam lomoi, tutang inon ijo jari ihkam ngonih. Molalusohrih rih, tutang hubah iou tahkan dusa-dusan'kam. Amat ihkam eam kuat, Ahku ahkan lombut nokuh'kam kolou ponahkou; tutang ihkam eam ahkan kota'an, mira ohkotoh Ahku lombut.