MATEUS 24:42 - BOWOT BOHUA

⁴² Jadi borondongrih, tului ihkam eam kota'an mira Tuhan'kam ahkan lombut.

MATEUS 24:42 ပူးပေါင်းရင်းမြစ်များ

MATEUS 24:36

“Eam aro ijo kota'an mira ondouoh tutang jamoh, molehkat-molehkat ang soruga ka'a eam, Anak Pohotala ka eam, tihkas Amai iou ijo kota'an.

MATEUS 24:43

Ingat rih tuh! Jahkaoh tuan lohpou kota'an jam pira ang ngolomi ondou ponahkou ahkan lombut, io eam ahkan tiruh mangat ponahkou eam nyolong nokuh lohpouoh.

MATEUS 24:44

Bain orih, ihkam ka'a harus bosodia-sodia. Tului Anak Ulun ahkan lombut aang wayah ijo eam ihkam kota'aioh.”

MATEUS 25:10

Mahka anakdara-anakdara ijo baleh rih tulak moli minyak. Pondehan iro tulak, ponganten bahkas lombut. Kolimo anakdara ijo jari bohahtiu rih nyolong hombo-homboh umba pongaten bahkas nokuh unuk pesta, tutang bauntukang konohuit!

MATEUS 25:13

Turus Yesus ngo'opah porobasa-Oh rih koloutuh, “Bain tului orih jaga-jagarih, bain ihkam eam kota'an ondouoh ata'aika jamoh.”

LUKAS 21:34

‘‘Jagarih arop'kam ara nyiring ihkam dalou kaurderoh umba pesta-pesta tutang minum-ngorih mombusou, ata'ai toturus niruk soal soal pombolum'mu, nyiring ihkam eam botahtap kotihka Ondou orih lombut hawui nyolonga.

LUKAS 21:36

Bojaga-jagarih, tutang bodo'a toturus ahkan ihkam ba'as noharep paring-hal ijo ahkan nyolung tutang ihkam duon noharep Anak Ulun.’’

RUMA 13:11

Bohkontahkan paringoh rih, ihkam ngota'an, ijo huntuh anai ohkot ahkan'kam, ahkan monyun tahkan tiruh. Tului ohkot ahkan ihto tonyolamat ius labih doni huntuh, tahkanumba ohkot ihto punan nopara porocaya.

1 KORINTUS 16:13

Kohondakrih ihkam borondong tutang segah ang pombolum'mu kolou ulun Kristen. Nguanaang hawui bohanyi tutang jadi ba'as.

1 TESALONIKA 5:6

Tului rih ihto eam tou tiru-tiruh iou kolou ulun bohkon. Ihto harus bosodia tutang tiruk ihto harus boloang.

1 PETRUS 4:7

Kokaro aang'co jari doni koopahoh, tului rih hondakrih ihkam ngowasa arop tutang bosodia, mangat ihkam dahpot bodo'a.

1 PETRUS 5:8

Hondakrih, ihkam waspada tutang tohtap bojaga! Bain Sehtan anairih musuh'kam. Io kolou singa, nyalan koanan koohtoi sambil ngaum ngurah ang tonosahapoh.

PONGORINAH 16:15

‘‘Ngonihrih! Ahku lombut kolou ponahkou! Kosanangrih ulun ijo tahtap bojaga tutang mohaga hahtiuoh, nyiring io eam nyalan, hawui hoburang tutang monjadi mia, ang boun ulunaro!’’