21 Aang ondou-ondou ijo kongori-ngori rih, ahkan anai kosusahan hajo, kolou ijo jaha pu'u nyolung tahkan pahtuk kolunon nyiring uhuntuh, tutang eam hino ahkan nyolung huli.
Bodo'a iou, mangat ara nyiring ihkam harus buhou ang musim uhjan ata'ai aang ondou Sabat!
“Eam tahi ulimba kosusahan-kosusahan wayah orih, mahtan ondou ahkan nyolung pindong, tutang bulan eam hino boloang. Potion-potion ahkan botahak tahkan langit, tutang pongowasa-pongowasa alamraya ahkan nyolung howui-hobureh.
Ihkam harus ati-ati, bain ihkam ahkan tonawan tutang konuhut nokuh balai bosara. Ihkam ahkan ponohpah ang lohpou-lohpou sombayang. Ihkam ahkan tongomin noharep pongowasa-pongowasa tutang lahca-lahca tului ihkam murid-Ku. Tutang orihrih kosapet bagi'kam, dahpot nonga saksi tohou Ahku ahkan iro.
Anai ijo tomunu umba padang, anai hino ahkan tungomin kolou tawanan, nokuh lowun-lowun ulun; tutang ulun-ulun ijo eam kosono Pohotala ahkan nihcak-ngihik Yerusalem nyiring opah ohkot ijo jari tonahtap bain Tuhan ahkan iro.’’
Dahanghino iro mohalang-halang ihkai, ahkan mborihta ahkan uhtus-uhtus bohkon Yahudi, borihta ijo dahpot monyolamat uhtus-uhtus orih. Honong kodorih ulun-ulun Yahudi orih, mondahang toturus dusa-dusan iro, nyiring jombalahoh sukup. Tutang huntuh iro kolaiuoh nopahas tulut Pohotala!
Turus nyolung kilat tutung-hotutung tutang auh duhung mongguruh tutang ngorutung, hawui kogerek tana ijo paham. Eam pu'u monjadi kogerek tana kolourih tahkan ulun tona'oi. Tuhrih kogerek tana ijo paling paham!
‘‘Ahku eam kota'an, Tuan, Tuan bongon ijo ta'an,’’ mutah'ku. Mahka io nuhtui umba ahku, ‘‘Tuhrih ulun-ulun ijo jari hawui solamat nguha wayah konoporos ijo hebat. Iro jari muhi jubah iro tutang napaoh monjadi puhti umba dahan Anak Tobiri rih.