MATEUS 24:14 - BOWOT BOHUA

¹⁴ Tutang Kabar Hinut, tohou koloukuwoh Pohotala moretah ahkan tonyiar nokuh hopus kolunon, mangat paring ulun ngonihoh. Uliorih rih ndai punai rih lombut ondoukiamat.”

MATEUS 24:14 ပူးပေါင်းရင်းမြစ်များ

MATEUS 10:7

Nyiarkabar ahkan'ndo, ijo Pohotala ahkan jeleng moretah kolou Lahca.

MATEUS 18:19

Tutang ngotaan rih ka'a: Amat ang louk ihkam ang kolunon tuh duo behti jari hopahkat tohou inon ka'a, tutang bodo'a mahka do'a iro rih ahkan norima bain Amai-Ku ang soruga.

MATEUS 24:3

Pongohuli Yesus tulak ko Puruk Zaitun, tutang rahat Io tuot murid-murid-Oh lombut ahkan hopander umba Io tihkas bongon'ndo. “Ngesah ahkan 'kai mira paringoh rih ahkan nyolung,” hion'ndo umba Io. “Tanda-tanda inon ijo ngorinah polombut Amai tutang lain jaman?”

MATEUS 24:6

Ihkam ahkan ngonih naing-naing hokolahi tutang borihta-borihta parang, tahpi ara mihkoh. Bain hal-hal orih harus nyolung, tahpi orih eam rimai ijo jari ohkotoh kiamat.

MATEUS 4:23

Ang Galilea, Yesus mongodiling ang sohopus tana tutang majar ang lohpau sombayang. Io mborihta Kabar Hinut, ijo Pohotala ahkan moretah. Tutang Io ka'a ngopios ulun-ulun mondam tutang cacat.

MATEUS 9:35

Kodorih Yesus tulak hokodiling, tahkan ihco lowu ahkan lowu ijo bohkon tutang tahkan ihco dukuh nokuh dukuh ijo bohkon. Io mongajar ang lohpou-lohpou sombayang, tutang momborihta Kabar Hinut tohou koloukuwoh Pohotala moretah kolou Lahca. Io ngopios ulun-ulun ijo ngarot kokaro mahcam ponyahkit tutang cahcat behtiu.

MARKUS 13:10

Kabar Hinut tahkan Pohotala rih, musti ahkan tonosiar soun, ahkan kokaro uhtus ulun.

LUKAS 2:1

Ang ohkot rih Kaisar Agustus momoretahoh, mangat paring warga nogara Kolahca'an Ruma molihting aropoh ahkan tongiso.

LUKAS 24:47

Ka'a ijo ngosan aran Lahca Ponyolamat rih koharusoh tomborihta ahkan uhtus-uhtus, ijo ulun harus hubah, tutang ijo Pohotala ngapun dusa-dusa. Tutang borihta rih harus tomborihta nopara tahkan Yerusalem.

LUKAS 4:5

Turus sehtan ngomin Yesus nokuh unuk ijo isung, tutang aang 'cokopijep mahto sehtan ngorinah ahkai-Oh, paring kolahca'an ang kolunon.

KESAH RASUL-RASUL 1:2

johcok ang ondou Io konahtang nokuh soruga. Sounumba Io nuhkat nokuh soruga umba kowasan Roh Pohotala Io nonga potunjuk-potunjuk ahkan rasul-rasul ijo konopili.

KESAH RASUL-RASUL 11:28

Ang loukoh anai ihcobehti bogare Agabus. Tului hojojuan Roh Pohotala io nuhjum, ijo ang hopus kolunon ahkan nyolung wayah bolo'u ijo paham. (Tutang hal rih tu'u nyolung ka'a, aang ohkot Kaisar Klaudius moretah.)

KESAH RASUL-RASUL 17:31

Tului Io jari nuhkasoh sino ohkotoh mosara hopus kolunon tuh honong koadiloh. Gawi rih ahkan tonguan bain ihcobehti ijo jari ngopili Pohotala ahkan orih. Tutang ahkan paring ulun jahkin ahkan hal rih. Pohotala jari mombolumoh hoduli ulun rih tahkan popahtoi!’’

KESAH RASUL-RASUL 17:6

Tahpi kotihka iro eam sombang umba Paulus doro Silas, iro nunda Yason tutang pira-pira ulun porocaya ijo bohkonoh, nokuh toharep okon-okon ijo bokowasa ang lowu rih. Iro bokoriak, ‘‘Ulun-ulun tuh moridu ang umo-umoh! Huntuh lowun ihto ka tonokuh bain iro,

KESAH RASUL-RASUL 19:27

Bohayaoh iorih, ijo usaha ihto tuh ahkan norima aran ja'at. Tutang eam baya orih, molekan lohpou Dewi Artemis ka ahkan tonongohu remeh, honong kohajoioh tonihcak-nihcak; podahal io dewi ijo tonohoromat bain paring ulun ang Asia tutang hapus kolunon!’’

KESAH RASUL-RASUL 20:25

Ahku ius masap Konduang-konduang paringoh, tutang mborihta ka'a tohou koloukuwoh Pohotala moretah kolou Lahca. Huntuh ahku nanyam eam ahkan hosombang hino umba Konduang-konduang.

RUMA 10:18

Tahpi ahku ngisok: Kuwoh puna iro jaha ngonih borihta rih? Musti jari! Tului luwang Surat Borasih tonyurat koloutuh, ‘‘Auh iro jari ngua-nguak ang sohapus kolunon, tuhtui-tuhtui'ndo jari johcok nokuh topahkan kolunon.’’

KOLOSE 1:23

Tahpi kopunai ihkam harus tohtap te'et porocaya tutang tombok tehen aang koporocayan'kam. Ara nyiring ihkam molohkak koharap ijo jari tononga ahkan'kam, kotihka ihkam norima Kabar Hinut tahkan Pohotala. Kabar rih jari tomborihta ahkan nyinong ulun ang hopus kolunon. Tutang ahkan orihrih ka'a ahku Paulus jari monjadi pohalu.

KOLOSE 1:6

Kabar tahkan Pohotala rih tomborihta nokuh sohopus kolunon, tutang pombolum ulun turus tomborehkat bain kabar rih, sama kolou pombolum'kam tomborehkat, tahkan beteng ihkam ngonih tohou pononganasi Pohotala tutang moro-morong ngumangoh.

IBRANI 1:6

Tahpi ang uhun Pohotala monyuhu Anak-Oh ijo pongoko nokuh kolunon tuh, Pohotala nuhtui koloutuh, ‘‘Paring molehkat Pohotala, pahtut nyembah Anak rih.’’

IBRANI 2:5

Molehkat-molehkat eam dahpot kowasa tahkan Pohotala ahkan moretah kolunon bohua ijo ahkan lombut, yorih kolunon ijo rahat ihto manderoh tuh.

PONGORINAH 14:6

Turus ahku nohto ihcobehti molehkat bohkon, ijo na'ang ang langit. Molehkat rih ngomin borihta, tohau Kabar Hinut ijo abadi ahkan tonosiar, ahkan kolunon ang tana, yorih ahkan paring uhtus, lihting, basa tutang nogara.

PONGORINAH 16:14

Iro anairih roh-roh ja'at, ijo napa tandahelan-tandahelan. Kototolu roh rih tulak nokuh paring lahca ang sohopus kolunon tutang mupung iro ahkan hokolahi ang Ondou Ijo Hajo, yorih, Ondou tahkan Pohotala Mahakowasa.

PONGORINAH 3:10

Bain kotului ihkam jari numbun poretah-poretah-Ku mangat bokehtep, Ahku ka ahkan ngolindung ihkam tahkan wayah kosusah, ijo ahkan nopahas sohopus kolunon. Hal orih ahkan nyolung unuk nikos paring ulun ang tana.