MATEUS 23:26 - BOWOT BOHUA

²⁶ Parisi bobulen! Muhi soun borasih-rasih hila luwangoh tahkan pikan-pikan tutang piring-piring'kam, mangat hila luaroh monjadi borasih ka'a!

MATEUS 23:26 ပူးပေါင်းရင်းမြစ်များ

MATEUS 12:33

“Ahkan dahpot bua ijo pios, bahtangoh pahtut bosiwuh. Amat bahtangoh eam bosiwuh, buaoh eam pios ka'a. Bosiwuh eamoh ihco bahtang kahju, tongota'an tahkan buaoh.

MATEUS 14:8

Tului sonuhu bain inaioh, anakdara rih ngohawot, “Ahku nyawot kuhung Yohanes Popondus tonga ahkak'ku huntuh ka'a ang ngosan talam!”

MARKUS 7:4

Inon ijo tomoli ang pasar eam ahkan'ndo kumai, amat jaha tomuhi labih soun. Tutang aro poroturan bohkon tahkan tahtu ajuh iro, ijo iro nambit tehen; kolou, jahkaoh hadat muhi sakir, pikan tutang pokakas-pokakas tahkan tombaga.

LUKAS 11:39

Tului rih Tuhan nuhtui umbaoh, ‘‘Punaioh ihkam ulun-ulun Parisi kopahtuhoh muhi pihkan tutang piring hila luar iou, tahpi ang luwang aropoh bongoi tuwi umba kokaras tutang koja'at.

LUKAS 6:45

Ulun ijo pios poluaoh hal-hal ijo hinut, tului ahtoioh tuwi umba kohinut. Ulun ijo ja'at nguan hal-hal ijo ja'at tului ahtoioh tuwi umba koja'at. Tului inon ijo konohawot bain nyama jorih ijo momujar tahkan ahtoi.’’

2 KORINTUS 7:1

Konduang-konduang ijo tonokasih! Paring bowot rih tonitu ahkan ihto. Bain kotului orih kohondakoh ihto porasih arop tahkan kokaron ijo ngojilok homboruan behtin ihto. Kohondakoh ihto mihkoh umba Pohotala, mangat ihto tou bolum khusus ahkai-Oh hawui soporuna.

IBRANI 10:22

Bain orih, olairih ihto ngondoni Pohotala umba ahtoi ijo tulus tutang koporocaya ijo segah; umba ahtoi ijo jari borasih tahkan pokomo ijo sala, tutang umba behti ijo jari ponorasih umba danum ijo kotining.

YAKOBUS 4:8

Ngondonirih Pohotala, tutang Pohotala ka'a ahkan ngondoni ihkam. Muhiohrih longon'mu, ihkam ijo bodusa! Tutang nokiningoh rih ahtoi'mu, ihkam ijo holambang ahtoi!