MATEUS 23:13 - BOWOT BOHUA

¹³ “Colahka ihkam guru-guru agama tutang ulun-ulun Parisi! Ihkam guru pura-pura. Ihkam ngapeng ulun monjadi uhkup ain Pohotala. Ihkam bongom eam kani monjadi anak uhkup ain Pohotala, tutang ulun bohkon ijo kani, ihkam ngapengjalaioh. [

MATEUS 23:13 ပူးပေါင်းရင်းမြစ်များ

MATEUS 23:16

Colahka ihkam okon-okon ijo bobulen! Ihkam majar tuh, ‘Amat ulun nulut aropoh nitu Lohpou Tuhan, ulun orih eam bocahu ang tulutoh; tahpi amat io nulut aropoh nitu bolou ang Lohpou Tuhan, io bocahu tului tulutoh rih.’

MATEUS 23:23

Colahka ihkam guru-guru agama tutang ulun-ulun Parisi! Ihkam tuhkang pura-pura. Karo-rarampah kolou selasih, adas manis, tutang jintan ka, ihkam nonga sepersopuluoh ahkan Tuhan. Padahar hal-hal ijo boguna ang hukum-hukum agama, kolou jahkaoh: Koadilan, balos kasih, tutang kosotiaan, eam ihkam podulioh. Padahar orih ijo koharusoh ihkam nguai, eam mohonou ijo bohko-bohkon ka'a.

MATEUS 23:25

Colahka ihkam guru-guru agama tutang ulun-ulun Parisi! Ihkam tuhkang pura-pura! Pikan-pikan tutang piring-piring'kam, ihkam muhioh borasih-rasih hila luaroh, padahar luwangoh kojilok samasino umba hal-hal ijo ihkam dahpotoh hapan kokarasan tutang kokuhu'kam.

MATEUS 23:27

Colahka ihkam guru-guru agama tutang ulun-ulun Parisi! Ihkam tuhkang pura-pura! Ihkam kolou tanom-tanom ijo bosahpu puhti; ang luaroh topahjahoh tamam, tahpi ang luwangoh tuwi kobain tulang tutang paringoh ijo maram-buhok.

MATEUS 23:29

“Colahka ihkam guru-guru agama tutang ulun-ulun Parisi! Ihkam tuhkang pura-pura! Ihkam mangun lowong-tanom pios ahkan nabi-nabi, tutang mihtik tugu-tugu pongingat, tahkan ulun-ulun ijo pombolumoh pios.

MATEUS 3:7

Aro ka'a ulun Parisi tutang Saduki lombut nokuh Yohanes ahkan tonopondus. Tahpi ohkot io nohto iro lombut, io nuhtui umba iro, “Ihkam ulun ja'at! Iai ijo nuhtui, ijo ihkam duon boliwus tahkan hukum Pohotala ijo ahkan lombut?

LUKAS 11:52

Colahka ihkam, guru-guru agama! Kuhci hapa nguap bauntukang pongotaan sonuhuk bain ihkam, tahpi ihkam bongom eam kani nyolong nokuh luwang mangat ngurah pongosono rih. Tobalikoh ihkam ngolapong lapong jalan ulun-ulun ijo kani nyolong ahkan luwangoh!’’

YOHANES 9:22

Inai-amai ulun orih nuhtui kodorih, kotului iro mihkoh umba dolang okon Yahudi; kotului iro rih jari pahkat, iai ulun ijo ngahku Yesus kolou Lahca Ponyolamat, eam tou hino nyolong nokuh lohpou sombayang.

YOHANES 9:24

Turus iro na'ah hino ulun ijo nanai bobulen, tutang nuhtui ahkaioh, ‘‘Monulutrih ijo ihko ahkan nuhtui ijo morong. Ihkai kota'an ulun orih ulun bodusa.’’

YOHANES 9:34

Putah iro, ‘‘Inon? Ihko ijo tuwi umba dusa tahkan konanak, ihko kani majar ihkai?’’ Mahka tahkan wayah orih iro baca io nokuh lohpou sombayang.

KESAH RASUL-RASUL 13:8

Tahpi Barnabas tutang Saulus konolapong bain Elimas okon sihir rih, tului Elimas (orihrih araioh ang tuhtui Yunani) ngurah-jalan ahkan gubernur ara nyiring porocaya umba Yesus.

KESAH RASUL-RASUL 5:28

Io nuhtui, ‘‘Ihkai jari baca ihkam honong karas mangat ara majar tohou Ulun rih. Tahpi uhuntuh cuba nohto inon ijo ihkam nguai! Ihkam nyiar pongajaran'mu rih, ang sohapus Yerusalem, tutang ihkam malah kani ndawa ijo ihkailah ijo kotuluioh popahtoi Ulun rih.’’

KESAH RASUL-RASUL 5:40

Mahka rasul-rasul rih tona'ah, turus ponahcat, pongohuli iro tobaca ngajar hino tohou Yesus, ulijari punan iro konoliwusoh.

KESAH RASUL-RASUL 8:1

Tutang Saulus jorih ka'a ngosan popahtoi orih. Ondou orih ka'a ukup-ukup ang Yerusalem, nopara tohoduru-duru nyiring paring ulun porocaya kocoali, rasul-rasul rawu-riai nokuh hopus tana Yudea tutang Samaria.

2 TIMOTEUS 3:8

Samakoloukuwoh rih Yanes tutang Yambres molawan Museh lomoi, kodorihrih ka'a ulun-ulun orihrih molawan ajaran tahkan Pohotala. Tiruk iro jari rusak, tutang koporcaya iro jari sokarah.

2 TIMOTEUS 4:15

Ihko bongom harus bua-buah toharepoh bain io ngolawan kabar ihto.