MATEUS 21:22 - BOWOT BOHUA

²² Inon beweu ijo ihkam nyawot ang do'a'mu, ihkam ahkan norimaoh, asar ihkam porocaya.”

MATEUS 21:22 ပူးပေါင်းရင်းမြစ်များ

MATEUS 18:19

Tutang ngotaan rih ka'a: Amat ang louk ihkam ang kolunon tuh duo behti jari hopahkat tohou inon ka'a, tutang bodo'a mahka do'a iro rih ahkan norima bain Amai-Ku ang soruga.

MATEUS 7:11

Oluka ihkam ja'at, ihkam tou ka'a nonga ijo hinut ahkan anak-anak'kam. Mahi hino Amai'kam ang soruga! Io molowi hino ahkan nonga ijo hinut ahkan ulun ijo nyawot umba Io.

MATEUS 7:7

“Nyawot, mahka ihkam ahkan norima. Ngurah, mahka ihkam ahkan nyombang. Negah bauntukang, mahka bauntukang konuap bagi ihkam.

MARKUS 11:24

Bain orih, ingatrih tuh: Amatmira ihkam bodo'a tutang nyawot angihco, porocayarih ijo Pohotala jari nonga ahkan'mu, inon ijo ihkam nyawot, mahka ihkam ahkan monorimaoh.

YOHANES 14:13

Tutang inon ijo ihkam monyawotoh a'ang arak-Ku, orih ahkan Ahku nonga ahkan'kam, mangat Amai konohajo nguha Anak.

YOHANES 15:7

Amatmira ihkam tohtap hihco honong Ahku, tutang ajaran-Ku mohcon aang ahtoi'kam, nyawotrih umba Amai, inon iou ijo ihkam kani; sawot'kam rih ahkan tononga.

YOHANES 16:24

Nyiring ohkot tuh ihkam jaha nyawot ino-inon ngosan arak-Ku. Nyawot iou, mahka ihkam ahkan monorima, tului kojorih'kam jari soporuna.’’

YAKOBUS 5:16

Kotului orih, handakrih ihkam saling ngahku kosalan ihco umba ijo bohkon, honong saling bodo'a, mangat ihkam konopios. Do'a ulun ijo numbun konohuang Pohotala, tepun kowasa ijo hajo.

1 YOHANES 3:22

Tutang inon ijo ihto nyawot tahkanumba-Oh, ihto norimaoh, tului ihto te'et umba poretah-poretah-Oh, tutang nguan inon ijo ngojorih ahtoi-Oh.