MATEUS 21:19 - BOWOT BOHUA

¹⁹ Io nohto ihcokobahtang pu'un sikun ang saran jalan. Io tulak nokuh pu'un rih, tahpi eam aro nyombangoh ihcokoluang-buaoh ka'a, kocoali karon-daui iou. Turus Yesus nuhtui umba pu'un sikun rih, “Ihko eam ahkan mua hino!” Hunrih pu'un sikun rih molanyu.

MATEUS 21:19 ပူးပေါင်းရင်းမြစ်များ

MATEUS 21:20

Aang uhun murid-murid Yesus nohto angnyolung rih, iro helan samasino, “Koloukuwoh pu'un sikun rih tou turus mahtoi paringoh?” hion'ndo.

MARKUS 11:14

Turus Yesus nuhtui ahkan pu'un sikun rih, ‘‘Nopara tahkan uhuntuh, eam anai ihcobehti ka ijo ahkan kuman bua, tahkanumba ihko hino!’’ Murid-murid Yesus ngonih auhtuhtui orih.

MARKUS 11:20

Homboh-ngohkos anghawun ondouoh, ohkot iro nyihing pu'un sikun rih, iro nohto pu'un orih jari mahtoi nyiring kouhat-uhatoh.

LUKAS 3:9

Kahpak jari ngindoi ahkan nowong pu'un nyiring johcok uhat-uhatoh. Nyino-nyinong pu'un ijo eam polua bua ijo hinut, ahkan tonowong tutang dian ahkan luwang baho.’’

YOHANES 15:2

Nyinong da'an aang Ahku ijo eam pomua, tonuhtuh-Oh, tutang nyinong da'an ijo pomua diai honjiot dauioh mangat labih aro hino buaoh.

YOHANES 15:6

Ulun ijo eam tohtap hihco honong Ahku ahkan ndian kolou da'an, turus jadi koring. Da'an-da'an ijo kolouorih ahkan tonipun tutang tonyakah nokuh baho turus bopahpong.

2 TIMOTEUS 3:5

Mahika socara koului iro te'et monjalanoh kowajiban agama, namun nulak usiou tahkan agama rih bongoi. Jayongohrih ulun-ulun ijo kolourih.

TITUS 1:16

Iro nuhtui ijo iro kosono Pohotala, padahar gawin iro ngobeleoh. Iro ngojilokoh, tutang iro eam kani te'et; iro anairih ulun-ulun ijo eam dahpot nguan ang'co ijo hinut.

YUDAS 1:12

Aang ohkot ihkam napa pesta ukun, hadat ulun-ulun rih mombusou ang marak ihkam. Tului iro kuman hawui kobongo eam aro mia-mia, tutang tihkas kogunan aropoh bongoi. Iro kolou baunondou ijo tonahpi bain bahiu, tahpi eam mosuluh uhjan. Iro ka'a kolou pu'un ijo eam mohasil bua, oluka musim bua-mamua, pu'un-pu'un ijo jari tojawut uhatoh tutang jari mahtoi samasino.

PONGORINAH 22:11

Ulun ijo ja'at, nauhoh toturus nguan koja'atoh; ulun ijo kojilok, nauhoh ngojilok aropoh; ulun ijo numbun konohuang Pohotala, nauhoh turus numbun konohuang Pohotala, tutang ulun ijo bolum khusus ahkan Pohotala nauhoh io bolum khusus ahkan Pohotala.’’