MATEUS 2:12 - BOWOT BOHUA

¹² Pohotala ningak iro ang nuhpin'ndo mangat a'ai huli nokuh Horodes. Nyolung iro buli nguha jalan bohkon.

MATEUS 2:12 ပူးပေါင်းရင်းမြစ်များ

MATEUS 1:20

Pondehan Yusep ngihtu-ngihtung aang orih, io nuhpi. Ang nuhpiuoh rih, io nohto ihcobehti molehkat Tuhan ijo homauh umba io, “Yusep uhtus Dawid a'ai mihkoh kawin umba Maria; tului anak ijo aang kotohiu orihrih nyolung bain kowasan Roh Pohotala.

MATEUS 2:13

Uli lihkut ahli-ahli potion rih tulak, molehkat Tuhan ngorinah aropoh ahkan Yusep ang nuhpiouoh. Molehkat rih nuhtui, “Horodes nohuang ngurah Anak rih, ahkan munu Io. Tului orih monyunlah, ngomin Anak rih tutang inai-Oh pindah nokuh Misir. Mohcon ang anan, nyiring Ahku mander hino ahkan'mu.”

MATEUS 2:19

Uli Horodes mahtoi, kotihka Yusep ang Misir ihcobehti molehkat Tuhan ngorinah aropoh hino ahkan Yusep ang nuhpiu.

MATEUS 2:22

Tahpi uliorih Yusep ngonih, ijo Arkelaus, anak Horodes jari ngati amaioh monjadi Lahca tana Yudea. Jadi Yusep mihkoh tulak nokuh anan. Uli io dahpot pohtoh Tuhan hototurus a'ang nuhpiuoh, io tulak nokuh tana Galilea.

MATEUS 27:19

Ang kotihka Pilatus rahat tuot ang balai bosara, oruhoh ngirim pohtoh tuh ahkaioh, “Ara ihko umba-umba porokara ulun ijo eam bosala rih, bain tului Io, ahku duon nuhpi ijo ja'at tu'u ondou tuh.”

LUKAS 2:26

tutang Roh Pohotala jari monyorihta ahkaioh ijo io eam ahkan mahtoi, amat jaha nohto Lahca Ponyolamat ijo nobowot Tuhan.

KESAH RASUL-RASUL 10:22

Iro mutah, ‘‘Kapten Kornelius nyuhu ihkai nokuh ohtoi. Io ihcobehti ijo hinut tutang mihkoh umba Pohotala, tutang paham tomohoromat bain paring ulun Yahudi. Ihcobehti molehkat Tuhan nyuhu io nyawot tuan masap nokuh lohpouoh, tului kolou putah ngosan do'aoh io sonuhu ngonih, inon ijo ahkan Tuan nuhtui ahkaioh.’’

KESAH RASUL-RASUL 4:19

Tahpi Petrus doro Yohanes mutah, ‘‘Nirukrih bongon inon ijo morong ang toharep Pohotala: Numbun poretah Tuan-tuan ata'ai numbun poretah Pohotala.

KESAH RASUL-RASUL 5:29

Petrus tutang rasul-rasul ijo bohkon mutah, ‘‘Ihkai harus numbun konohuang Pohotala tutang eam numbun konohuang ulun kolunon.

1 KORINTUS 3:19

Kotului ijo ngohu aropoh horahti kobain kolunon, orih rih kouong ang toharep Pohotala. Aang Surat Borasih tonyurat, ‘‘Pohotala nyokohtung ulun-ulun horahti aang koahpik iro bongoi.’’

IBRANI 11:7

Kotului porocaya, mahka Noah tonyorihta bain Pohotala tohou hal-hal ijo ahkan nyolung pongohino, ijo eam dahpot tonohto baiuoh. Noah mone'et Pohotala, nyiring io napa ihco bonama ijo pongohino korinah monyolamat aropoh homboh ukupjolahaioh. Honong kolourih kolunon tonohukum, rahat rih Noah bongoi kotului porocayaoh, tongorinah bain Pohotala kolou ulun ijo kopios.

IBRANI 8:5

Gawi ijo iro nguaioh kolou imam rih, kotu'uioh tihkas ihco gambar tutang kokolingon tahkan inon ijo anai ang soruga. Orih jari tomborihta bain Pohotala ahkan Museh lomoi, kotihka Museh kani nombok Kemah Tuhan. Pohotala nuhtui koloutuh ahkan Museh, ‘‘Ingat! Paringoh tuh harusrih ihkonguai numbun sutu ijo tongorinah ahkan'kam ang ngosan puruk.’’